പെ​രി​ന്ത​ൽ​മ​ണ്ണ: പെ​രി​ന്ത​ൽ​മ​ണ്ണ ന​ഗ​ര​സ​ഭ​യു​ടെ 2021-22 കാ​ല​ത്തെ ഭ​ര​ണ​നി​ർ​വ​ഹ​ണ​ത്തി​ലെ പോ​രാ​യ്മ​ക​ൾ ചൂ​ണ്ടി​ക്കാ​ട്ടി ഓ​ഡി​റ്റ് റി​പ്പോ​ർ​ട്ടി​ൽ രൂ​ക്ഷ​വി​മ​ർ​ശ​നം. ലൈ​ഫ് ഭ​വ​ന സ​മു​ച്ച​യ​ത്തി​ൽ കു​ടി​വെ​ള്ള പൈ​പ്പ് നീ​ട്ട​ൽ പ്ര​വൃ​ത്തി​ക്ക് ഒ​ബ് സ​ർ​വ്ഡ് ഡേ​റ്റ ത​യാ​റാ​ക്കി​യ​തി​ലെ അ​പാ​ക​ത​മൂ​ലം ന​ര​സ​ഭ​ക്ക് 3,21,886 രൂ​പ​യു​ടെ ന​ഷ്ടം നേ​രി​ട്ടു.
ഇ​തു ബ​ന്ധ​പ്പെ​ട്ട​വ​രി​ൽ നി​ന്ന് ഈ​ടാ​ക്കാ​ൻ നി​ർ​ദേ​ശി​ക്കു​ന്നു​ണ്ട്. കോ​ലോ​തൊ​ടി കോ​ള​നി​യി​ലെ വീ​ടു​ക​ളു​ടെ സം​ര​ക്ഷ​ണ ഭി​ത്തി നി​ർ​മി​ച്ച​തി​ലെ എ​സ്റ്റി​മേ​റ്റ് ത​യാ​റാ​ക്കി​യ​തി​ലെ പോ​രാ​യ്മ മൂ​ലം 20070 രൂ​പ അ​ധി​ക​മാ​യി വ​ന്ന​ത് ഈ​ടാ​ക്കാ​നും റി​പ്പോ​ർ​ട്ടി​ൽ നി​ർ​ദേ​ശ​മു​ണ്ട്. അ​യ്യ​ങ്കാ​ളി ന​ഗ​ര​തൊ​ഴി​ലു​റ​പ്പ് പ​ദ്ധ​തി ആ​ക്ഷ​ൻ പ്ലാ​ൻ പ്ര​കാ​രം വി​ഭാ​വ​നം ചെ​യ്ത​തി​ന്‍റെ 38 ശ​ത​മാ​നം തൊ​ഴി​ൽ​ദി​ന​ങ്ങ​ൾ മാ​ത്ര​മാ​ണ് സൃ​ഷ്ടി​ക്ക​പ്പെ​ട്ട​ത്.
തൊ​ഴി​ലു​റ​പ്പ് പ​ദ്ധ​തി​യി​ൽ 50063 തൊ​ഴി​ൽ ദി​ന​ങ്ങ​ൾ​ക്കു​ള്ള കൂ​ലി ന​ൽ​കു​ന്ന​തി​നാ​യി 1,41,36,60 രൂ​പ വേ​ണ്ടി​ട​ത്ത് 1,19,18,518 രൂ​പ മാ​ത്ര​മാ​ണ് ല​ഭ്യ​മാ​ക്കി​യ​ത്. അ​തു​കൊ​ണ്ടു ത​ന്നെ ഓ​ഡി​റ്റ് വ​ർ​ഷം 46,665 തൊ​ഴി​ൽ ദി​ന​ങ്ങ​ൾ മാ​ത്ര​മാ​ണ് ന​ൽ​കി​യ​ത്. 2021-22 വ​ർ​ഷ​ത്തി​ൽ ആ​ക്ഷ​ൻ പ്ലാ​നി​ൽ കി​ണ​ർ റീ​ചാ​ർ​ജിം​ഗ് പ്ര​വൃ​ത്തി ത​യാ​റാ​ക്കി​യെ​ങ്കി​ലും ന​ട​പ്പാ​ക്കി​യി​ല്ലെ​ന്നും ചൂ​ണ്ടി​ക്കാ​ട്ടി. പ​ദ്ധ​തി രൂ​പ​വ​ത്ക​ര​ണ​ത്തി​ൽ വ​ർ​ക്കിം​ഗ് ഗ്രൂ​പ്പു​ക​ളും സ്റ്റാ​ൻ​ഡിം​ഗ് ക​മ്മി​റ്റി​യും നി​യ​മാ​നു​സൃ​ത ക​ട​മ​ക​ൾ നി​ർ​വ​ഹി​ക്കു​ന്നി​ല്ലെ​ന്നും ഓ​ഡി​റ്റി​ൽ എ​ടു​ത്തു​പ​റ​യു​ന്നു. വ​ർ​ക്കിം​ഗ് ഗ്രൂ​പ്പ് മി​നു​ട്സ് പ​രി​ശോ​ധി​ച്ച​തി​ൽ വാ​ർ​ഷി​ക പ​ദ്ധ​തി​യു​ടെ തു​ട​ക്ക​ത്തി​ൽ ര​ണ്ടു യോ​ഗം ചേ​ർ​ന്നു നി​ർ​ദേ​ശ​ങ്ങ​ൾ സ​മ​ർ​പ്പി​ച്ച​തും സ്റ്റാ​ൻ​ഡിം​ഗ് ക​മ്മി​റ്റി​ക​ൾ നേ​തൃ​ത്വ​പ​ര​മാ​യ പ​ങ്ക് വ​ഹി​ക്കു​ന്നി​ല്ലെ​ന്നും വി​മ​ർ​ശ​ന​വു​മു​ണ്ട്. സ്റ്റാ​ൻ​ഡിം​ഗ് ക​മ്മി​റ്റി യോ​ഗ​ങ്ങ​ളി​ലൊ​ന്നും വാ​ർ​ഷി​ക പ​ദ്ധ​തി ത​യാ​റാ​ക്കു​ന്ന​തു​മാ​യി ബ​ന്ധ​പ്പെ​ട്ട് ഗൗ​ര​വ​മാ​യ തീ​രു​മാ​ന​ങ്ങ​ളോ ച​ർ​ച്ച​ക​ളോ കൈ ​കൊ​ണ്ടി​ട്ടി​ല്ലെ​ന്നും റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി. മാ​ന്പ്ര​പ്പ​ടി ഹെ​ൽ​ത്ത് സെ​ന്‍റ​ർ നി​ർ​മാ​ണ​ത്തി​ന്‍റെ ഭാ​ഗ​മാ​യി പ​ഴ​യ കെ​ട്ടി​ട ഭാ​ഗം പൊ​ളി​ച്ചു​നീ​ക്കി​യ ഓ​ട്, മ​രം, ജ​ന​ൽ, വാ​തി​ൽ എ​ന്നി​വ ലേ​ലം ചെ​യ്തി​ല്ലെ​ന്നും പു​ന​രു​പ​യോ​ഗം ന​ട​ത്തി​യ​താ​യി രേ​ഖ​പ്പെ​ടു​ത്തി​യി​ല്ലെ​ന്നും ഓ​ഡി​റ്റി​ൽ പ​റ​യു​ന്നു. ച​മ​യം -ടൗ​ണ്‍ ഹാ​ൾ റോ​ഡ് ക​ട്ട​പ​തി​ച്ച​തി​ൽ അ​പാ​ക​ത​യു​ണ്ടെ​ന്നും റി​പ്പോ​ർ​ട്ടി​ൽ പ​റ​യു​ന്നു. ഇ​തു​മാ​യി ബ​ന്ധ​പ്പെ​ട്ട് ന​ൽ​കി​യ മ​റു​പ​ടി സ്വീ​കാ​ര്യ​മ​ല്ലെ​ന്നും എ​ടു​ത്തു​പ​റ​യു​ന്നു. പെ​രി​ന്ത​ൽ​മ​ണ്ണ ഗ​വ​ണ്‍​മെ​ന്‍റ് ഹ​യ​ർ സെ​ക്ക​ൻ​ഡ​റി സ്കൂ​ൾ പെ​യി​ന്‍റിം​ഗി​ൽ അ​പാ​ക​ത​യു​ള്ള​താ​യും റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു.