സു​ര​ക്ഷ പ​രി​ശോ​ധിക്കാൻ "സാ​ഗ​ർ ക​വ​ച്' മോക്ഡ്രിൽ നാളെ
Tuesday, October 15, 2024 1:20 AM IST
വി​ഴി​ഞ്ഞം: കേ​ര​ള​ത്തി​ലേ​ക്ക് ക​ട​ൽമാ​ർ​ഗം​ ഭീ​ക​ര​ർ എ​ത്തി​യാ​ൽ അ​ത് ക​ണ്ടെ​ത്തി ത​ട​യാ​ൻ​ന​മ്മു​ടെ സു​ര​ക്ഷാ സേ​ന​ക​ൾ പ്രാ​പ്ത​മാ​ണോ എ​ന്ന് പരിശോ ധിക്കുന്ന പ​രീ​ക്ഷ​ണം സാ​ഗ​ർ ക​വ​ച് (തീ​ര​വേ​ട്ട) ബു​ധ​നാ​ഴ്ച​യും വ്യാ​ഴാ​ഴ്ച​യും ന​ട​ക്കും. ഡ​മ്മി ബോം​ബു​ക​ളും ആ​യു​ധ​ങ്ങ​ളു​മാ​യി ഉ​ൾ​ക്ക​ട​ൽ വ​ഴി എ​ത്തു​ന്ന ഡ​മ്മി​ഭീ​ക​ര​രെ പി​ടി​കൂ​ടാ​ൻ അ​ധി​കൃ​ത​ർ കാ​ത്തി​രി​ക്കു​ന്ന ദി​വ​സ​ങ്ങ​ളാ​ണി​വ.

ഭീ​ക​ര​വേ​ഷ​ധാ​രി​ക​ൾ ക​ര​യി​ൽ ക​യ​റി ല​ക്ഷ്യ​സ്ഥാ​ന​ത്ത് എ​ത്തി​യാ​ലു​ണ്ടാ​കു​ന്ന നാ​ണ​ക്കേ​ട് ഒ​ഴി​വാ​ക്കാ​ൻ വി​ഴി​ഞ്ഞം ഉ​ൾ​പ്പെ​ടെ​യു​ള്ള തീ​ര​ദേ​ശ പോ​ലീ​സും, മ​റൈ​ൻ എ​ൻ​ഫോ​ഴ്സ്മെ​ന്‍റ് അ​ധി​കൃ​ത​ർ​ക്കും ക​ട​ലോ​ര ജാ​ഗ്ര​താ സ​മി​തി​ക്കും ര​ണ്ട് ദി​വ​സ​വും വി​ശ്ര​മ​മു​ണ്ടാ​കി​ല്ല. സം​ശ​യ​ക​ര​മാ​യി കാ​ണു​ന്ന ആ​രെ​യും ത​ട​ഞ്ഞ് നി​ർ​ത്തി ചോ​ദ്യം ചെ​യ്യും. നേ​വി​യും, തീ​ര​സം​ര​ക്ഷ​ണ സേ​ന​യും, തീ​ര​ദേ​ശ പോ​ലീ​സും, മ​റൈ​ൻ എ​ൻ​ഫോ​ഴ്സ്മെ​ന്‍റും സം​യു​ക്ത​മാ​യാ​ണ് പ​രി​പാ​ടി സം​ഘ​ടി​പ്പി​ക്കു​ന്ന​ത്.

ഉ​ൾ​ക്ക​ട​ലി​ൽ ന​ങ്കൂ​ര​മി​ടു​ന്ന നാ​വി​ക​സേ​ന​യു​ടെ ക​പ്പ​ലു​ക​ളി​ൽ നി​ന്നും വി​വി​ധ സേ​ന​യി​ൽ നി​ന്ന് തെ​ര​ഞ്ഞെ​ടു​ക്ക​പ്പെ​ടു​ന്ന സൈ​നീ​ക​രെ വേ​ഷം മാ​റ്റി മ​ത്സ്യ​ബ​ന്ധ​ന വ​ള്ള​ങ്ങ​ൾ ഉ​ൾ​പ്പെ​ട്ട ചെ​റു ബോ​ട്ടു​ക​ളി​ൽ ക​ര​യി​ലേ​ക്ക് പ​റ​ഞ്ഞ​യ​ക്കു​ക​യാ​ണ് പ​തി​വ്. തീ​ര​ത്ത് ബോ​ട്ടു​ക​ൾ അ​ടു​ക്കാ​ൻ പാ​ക​ത്തി​ലു​ള്ള സ്ഥ​ല​ങ്ങ​ൾ നേ​ര​ത്തെ ക​ണ്ടു വ​യ്ക്കു​ന്ന സം​ഘം അ​വി​ടം ല​ക്ഷ്യ​മാ​ക്കി​യെ​ത്തും. സം​ശ​യ​ക​ര​മാ​യി കാ​ണു​ന്ന യാ​ന​ങ്ങ​ളെ ത​ട​ഞ്ഞു നി​ർ​ത്തി ബോ​ട്ടി​ലു​ള്ള​വ​രെ ചോ​ദ്യം ചെ​യ്ത് പി​ടി​കൂ​ടി ക​ഴി​വ് തെ​ളി​ക്ക​ലാ​ണ് പോ​ലീ​സി​ന്‍റെ ദൗ​ത്യം.


കൂ​ടാ​തെ സം​ശ​യ​മു​ള്ള​വ​രെ​ക്കു​റി​ച്ചു​ള്ള വി​വ​ര​ങ്ങ​ൾ കൈ​മാ​റാ​ൻ മീ​ൻ​പി​ടി​ക്കാ​ൻ വ​ള്ള​മി​റ​ക്കു​ന്ന മ​ത്സ്യ​ത്തൊ​ഴി​ലാ​ളി​ക​ളു​ടെ സ​ഹാ​യ​വും തേ​ടും.

മു​ൻ വ​ർ​ഷ​ങ്ങ​ളി​ൽ ഒ​ന്നും വി​ഴി​ഞ്ഞം വ​ഴി ആ​രെ​യും ക​ര​യി​ൽ ക​യ​റാ​ൻ അ​നു​വ​ദി​ച്ചി​ല്ലെ​ങ്കി​ലും ജി​ല്ല​യി​ലെ മ​റ്റ് തീ​ര​ങ്ങ​ൾ വ​ഴി ക​ഴി​ഞ്ഞ ത​വ​ണ​യും ഡ​മ്മി ഭീ​ക​ര​ർ ഡ​മ്മി ആ​യു​ധ​ങ്ങ​ളു​മാ​യി സെ​ക്ര​ട്ടേ​റി​യ​റ്റ് പ​രി​സ​ര​ത്തും ഐ​എ​സ്ആ​ർ​ഒ​മേ​ഖ​ല​യി​ലും എ​ത്തി കേ​ര​ള​ത്തി​ന്‍റെ സു​ര​ക്ഷാ പ​രാ​ജ​യം വെ​ളി​വാ​ക്കി​യി​ട്ടു​ണ്ട്. തീ​രം സം​ര​ക്ഷി​ക്കേ​ണ്ട തീ​ര​ദേ​ശ പോ​ലീ​സി​നും മ​റൈ​ൻ എ​ൻ ഫോ​ഴ്സ്മെ​ന്‍റി​നും​ബോ​ട്ട് ഉ​ൾ​പ്പെ​ടെ​യു​ള്ള ആ​ധു​നീ​ക സം​വി​ധാ​ന​ങ്ങ​ൾ ഇ​ല്ലാ​ത്ത​താ​ണ് ഇ​ത്ത​രം സു​ക്ഷാ വി​ഴ്ച​ക​ൾ​ക്ക് കാ​ര​ണ​മെന്ന ​ആ​രോ​പ​ണം ഉ​യ​ർ​ന്നി​രു​ന്നു. വ​ലി​യ ത​ര​ത്തി​ലു​ള്ള ആ​ക്ഷേ​പം നി​ല​നി​ൽ​ക്കു​ന്ന​തി​നി​ട​യി​ലാ​ണ് 16ഉം, 17​ഉം തി​യ​തി​യി​ലെ പ​രീ​ക്ഷ​ണം .

സ്വ​ന്തം ലേ​ഖ​ക​ൻ