മെ​ഡി​ക്ക​ൽ കോ​ള​ജ്, എ​യിം​സ്: കേ​ന്ദ്ര​മ​ന്ത്രി​മാർക്കു പ​രാ​തി
Sunday, July 7, 2024 7:03 AM IST
പാ​ല​ക്കാ​ട്: കേ​ന്ദ്ര​സ​ർ​ക്കാ​ർ കേ​ര​ള​ത്തി​ൽ കൊ​ണ്ടു​വ​രാ​നു​ദ്ദേ​ശി​ക്കു​ന്ന എ​യിം​സ് പാ​ല​ക്കാ​ട് ക​ഞ്ചി​ക്കോ​ട് സ്ഥാ​പി​ക്ക​ണ​മെ​ന്നും പാ​ല​ക്കാ​ട് ഗ​വ. മെ​ഡി​ക്ക​ൽ കോ​ള​ജി​ന്‍റെ നി​ല​വി​ലെ ശോ​ച്യാ​വ​സ്ഥ അ​ടി​യ​ന്തര​മാ​യി പ​രി​ഹ​രി​ക്ക​ണ​മെ​ന്നു​മാ​വ​ശ്യ​പ്പെ​ട്ട് പാ​ല​ക്കാ​ട് ഗ​വ. മെ​ഡി​ക്ക​ൽ കോ​ള​ജ് സ​മ​ര​സ​മി​തി കേ​ന്ദ്ര​മ​ന്ത്രി​മാ​രാ​യ സു​രേ​ഷ് ഗോ​പി​ക്കും ജോ​ർ​ജ് കു​ര്യ​നും നി​വേ​ദ​നം ന​ൽ​കി.

പ​ത്ത് വ​ർ​ഷ​ങ്ങ​ൾ​ക്ക് മു​ന്പ്ത​ന്നെ കോ​ടി​ക​ൾ ചെ​ല​വ​ഴി​ച്ച് കെ​ട്ടി​ട നി​ർ​മാ​ണം പൂ​ർ​ത്തി​യാ​ക്കു​ക​യും അ​ടി​സ്ഥാ​ന ഭൗ​തി​ക സാ​ഹ​ച​ര്യ​ങ്ങ​ൾ മെ​ച്ച​പ്പെ​ടു​ത്തി അ​ത്യാ​ധു​നി​ക രോ​ഗ​ചി​കി​ത്സാ യ​ന്ത്ര​ങ്ങ​ൾ സ്ഥാ​പി​ക്കു​ക​യും ചെ​യ്തു​വെ​ങ്കി​ലും ഇ​തു​വ​രെ പ്ര​വ​ർ​ത്ത​നം തു​ട​ങ്ങി​യി​ട്ടി​ല്ലാ​ത്ത​തി​ൽ പ്ര​തി​ഷേ​ധി​ച്ച് ഇ​വി​ടെ വിവിധ മേഖലകളിലെ വ്യ​ക്തി​ക​ളും സം​ഘ​ട​ന​ക​ളും സ​മ​ര​രം​ഗ​തത്താണ്.
അ​വ​ശ്യം വേ​ണ്ട പ്രാ​ക്റ്റി​ക്ക​ൽ പ​രി​ശീ​ല​നം ഇ​ല്ലാ​തെ കോ​ഴ്സ് പാ​സാ​കു​ന്ന മെ​ഡി​ക്ക​ൽ വി​ദ്യാ​ർ​ഥി​ക​ളാ​ണ് രോ​ഗി​ക​ളെ ചി​കി​ൽ​സി​ക്കേ​ണ്ടി വ​രു​ന്നു​വെ​ന്ന​ത് ഭീ​ക​ര​മാ​യ അ​വ​സ്ഥ​യാ​ണ്. ഈ ​അ​വ​സ്ഥ​ക്ക് കാ​ര​ണം ആ​വ​ശ്യ​ത്തി​ന് ഫ​ണ്ട് ഇ​ല്ലാ​ത്ത​ത​ല്ല. ഈ ​ഫ​ണ്ടു​ക​ൾ ദീ​ർ​ഘ വീ​ക്ഷ​ണ​മി​ല്ലാ​തെ​യും, ത​ന്നി​ഷ്ട​പ്ര​കാ​ര​വും ഉ​ദ്യോ​ഗ​സ്ഥ​,രാ​ഷ്ട്രീ​യ കൂ​ട്ടു​കെ​ട്ടു​ക​ളി​ലൂ​ടെ അ​നാ​വ​ശ്യ​കാ​ര്യ​ങ്ങ​ൾ​ക്കാ​യി​ട്ടാ​ണ് ഉ​പ​യോ​ഗി​ച്ചു​കൊ​ണ്ടി​രി​ക്കു​ന്ന​ത്.

ഇ​വി​ട​ത്തെ മെ​ഡി​ക്ക​ൽ വി​ദ്യാ​ർ​ഥി​ക​ൾ നി​ര​വ​ധി​ സ​മ​ര​ങ്ങ​ൾ ന​ട​ത്തി​യെ​ങ്കി​ലും അ​വ​ർ ഉ​ന്ന​യി​ക്കു​ന്ന ആ​വ​ശ്യ​ങ്ങ​ൾ ഒ​ന്നും അ​ധി​കൃ​ത​ർ ചെ​വി​കൊ​ണ്ടി​ല്ല.

ക​ഞ്ചി​ക്കോ​ട് കോ​ച്ച് ഫാ​ക്ട​റി തു​ട​ങ്ങു​ന്ന​തി​ന് വേ​ണ്ടി 239 ഏ​ക്ക​ർ സ്ഥ​ലം വ​ർ​ഷ​ങ്ങ​ൾ​ക്കു മു​ന്പ് കേ​ര​ള സ​ർ​ക്കാ​ർ ഏ​റ്റെ​ടു​ത്തി​ട്ടു​ണ്ട്. കേ​ന്ദ്ര​സ​ർ​ക്കാ​ർ കേ​ര​ള​ത്തി​ൽ കൊ​ണ്ടു​വ​രാ​നു​ദ്ദേ​ശി​ക്കു​ന്ന എ​യിം​സ് പാ​ല​ക്കാ​ട് ക​ഞ്ചി​ക്കോ​ട് തു​ട​ങ്ങാ​നാ​വ​ശ്യ​മാ​യ ന​ട​പ​ടി​ക​ളും മ​ന്ത്രി​മാ​രു​ടെ ഭാ​ഗ​ത്ത് നി​ന്നു​ണ്ടാ​വ​ണ​മെ​ന്നും ആ​വ​ശ്യ​പ്പെ​ട്ടു.

ഗ​വ. മെ​ഡി​ക്ക​ൽ കോ​ള​ജ് സ​മ​ര​സ​മി​തി ര​ക്ഷാ​ധി​കാ​രി ഡോ.​എം.​പി. ജ​യ​ശ​ങ്ക​ർ, സ​മ​ര​സ​മി​തി ക​ണ്‍​വീ​ന​ർ റെ​യ്മ​ന്‍റ് ആ​ന്‍റ​ണി, സ​മ​ര​സ​മി​തി ചെ​യ​ർ​മാ​ൻ ആ​റു​മു​ഖ​ൻ പ​ത്തി​ച്ചി​റ, വി.​എം. ഷ​ണ്‍​മു​ഖ​ദാ​സ്, പാ​ണ്ടി​യോ​ട് പ്ര​ഭാ​ക​ര​ൻ എ​ന്നി​വ​രാ​ണ് മ​ന്ത്രി​മാ​ർ​ക്ക് നി​വേ​ദ​നം ന​ൽ​കി​യ​ത്.
Copyright @ 2018 , Rashtra Deepika Ltd.