പ​ന്നി​യ​ങ്ക​ര ടോ​ൾ​പ്ലാ​സ​യി​ലൂ​ടെ ക​ട​ന്നു​പോ​കു​ന്ന സ്കൂ​ൾവാ​ഹ​ന​ങ്ങ​ൾ​ക്കെ​ല്ലാം വ​ക്കീ​ൽ​നോ​ട്ടീ​സ്
Saturday, October 5, 2024 8:02 AM IST
വ​ട​ക്ക​ഞ്ചേ​രി: പ​ന്നി​യ​ങ്ക​ര ടോ​ൾ​പ്ലാ​സ​യി​ലൂ​ടെ ക​ട​ന്നു​പോ​കു​ന്ന സ്കൂ​ൾ വാ​ഹ​ന​ങ്ങ​ൾ​ക്കെ​ല്ലാം ടോ​ൾ ക​മ്പ​നി​വ​ക വ​ക്കീ​ൽ നോ​ട്ടീ​സ്. ടോ​ൾ​പി​രി​വ് ആ​രം​ഭി​ച്ച​തുമു​ത​ലു​ള്ള ര​ണ്ട​രവ​ർ​ഷ​ത്തെ ടോ​ൾകു​ടി​ശി​ക 15 ദി​വ​സ​ത്തി​നു​ള്ളി​ൽ അ​ട​യ്ക്ക​ണ​മെ​ന്നാ​ണു നോ​ട്ടീ​സി​ൽ പ​റ​യു​ന്ന​ത്.

അ​ല്ലാ​ത്ത​പ​ക്ഷം സി​വി​ലാ​യും ക്രി​മി​ന​ലാ​യും നി​യ​മ​ന​ട​പ​ടി സ്വീ​ക​രി​ക്കു​മെ​ന്നു നോ​ട്ടീ​സി​ൽ പ​റ​യു​ന്നു. ടോ​ൾ​പി​രി​വ് ആ​രം​ഭി​ച്ച 2022 മാ​ർ​ച്ച് ഒ​മ്പ​തു​മു​ത​ൽ 2024 സെ​പ്റ്റം​ബ​ർ ഒ​മ്പ​തു​വ​രെ​യു​ള്ള കു​ടി​ശി​ക 12 ശ​ത​മാ​നം പ​ലി​ശസ​ഹി​തം തൃ​ശൂ​ർ എ​ക്സ്പ്ര​സ് വേ ​ഡി​മി​റ്റ​ഡ് എ​ന്ന സ്ഥാ​പ​ന​ത്തി​ൽ അ​ട​യ്ക്ക​ണം.

ടോ​ൾ ന​ൽ​കാ​തെ ടോ​ൾ​റോ​ഡ് വ​ഴി അ​ന​ധി​കൃ​ത​മാ​യി ക​ട​ന്നു​പോ​കു​ന്ന​തു ഡി​റ്റ​ർ​മി​നേ​ഷ​ൻ ഓ​ഫ് റേ​റ്റ് ആ​ൻ​ഡ് ക​ള​ക്്ഷ​ൻ റൂ​ൾ​സ് 2008ന്‍റെ ലം​ഘ​ന​മാ​ണെ​ന്നാ​ണു വി​ശ​ദീ​ക​ര​ണം. 40,000 രൂ​പ​മു​ത​ൽ ഒ​ന്നേ​കാ​ൽ ല​ക്ഷം വ​രെ​യാ​ണു അ​ട​യ്ക്കാ​നു​ള്ള തു​ക​യാ​യി കാ​ണി​ച്ചി​ട്ടു​ള്ള​ത്.

വാ​ഹ​നവി​ല​യെക്കാ​ൾ ഉ​യ​ർ​ന്ന ടോ​ൾ​കു​ടി​ശി​ക​യും ചി​ല വാ​ഹ​ന​ങ്ങ​ൾ​ക്കു വ​ന്നി​ട്ടു​ണ്ട്. അ​തേ​സ​മ​യം, നേ​ര​ത്തെ എം​എ​ൽ​എ പി.​പി. സു​മോ​ദി​ന്‍റെ നേ​തൃ​ത്വ​ത്തി​ൽ സ്കൂ​ൾ വാ​ഹ​ന​ങ്ങ​ളെ ടോ​ളി​ൽ​നി​ന്നും ഒ​ഴി​വാ​ക്ക​ണ​മെ​ന്നു ച​ർ​ച്ച ന​ട​ത്തി തീ​രു​മാ​നി​ച്ചി​ട്ടു​ള​ള​താ​യി​രു​ന്നു. ഇ​തി​നു വി​പ​രീ​ത​മാ​യാ​ണ് ഇ​പ്പോ​ൾ വാ​ഹ​ന​ങ്ങ​ൾ​ക്കു വ​ക്കീ​ൽ​നോ​ട്ടീ​സ് ന​ൽ​കി പു​തി​യ ഭീ​ഷ​ണി​യു​മാ​യി ടോ​ൾ​ക​മ്പ​നി രം​ഗ​ത്തു​വ​ന്നി​ട്ടു​ള്ള​ത്.
വി​ഷ​യം ച​ർ​ച്ച​ചെ​യ്യാ​ൻ പി.​പി. സു​മോ​ദ് എം​എ​ൽ​എ ഇ​ന്നു​ച്ച​യ്ക്ക് 12ന് ​വ​ട​ക്ക​ഞ്ചേ​രി​യി​ലു​ള്ള എം​എ​ൽ​എ ഓ​ഫീ​സി​ൽ ബ​ന്ധ​പ്പെ​ട്ട​വ​രു​ടെ യോ​ഗം വി​ളി​ച്ചി​ട്ടു​ണ്ട്.
ച​ർ​ച്ച​ക​ളി​ൽ സ്കൂ​ൾ വാ​ഹ​ന​ങ്ങ​ൾ​ക്ക് അ​നു​കൂ​ല​മാ​യ തീ​രു​മാ​ന​ങ്ങ​ളു​ണ്ടാ​യി​ല്ലെ​ങ്കി​ൽ ടോ​ൾ​പ്ലാ​സ​യു​ടെ പ്ര​വ​ർ​ത്ത​നം ത​ട​സ​പ്പെ​ടു​ത്തും​വി​ധ​മു​ള്ള ശ​ക്ത​മാ​യ സ​മ​ര​ങ്ങ​ളു​ണ്ടാ​കു​മെ​ന്നു സ​മ​ര​രം​ഗ​ത്തു​ള്ള ജ​ന​കീ​യ സ​മി​തി അ​റി​യി​ച്ചു.
Copyright @ 2018 , Rashtra Deepika Ltd.