ര​ണ്ടു പ​തി​റ്റാ​ണ്ടാ​യി ചെ​ങ്ങാ​ലൂ​രി​ല്‍; ഒ​ടു​വി​ൽ ശ്രീ​ല​ങ്ക​ക്കാ​രി​ക്ക് ഇ​ന്ത്യ​ൻ പൗ​ര​ത്വം
Tuesday, October 8, 2024 8:09 AM IST
പു​തു​ക്കാ​ട്: 20 വ​ര്‍​ഷം ചെ​ങ്ങാ​ലൂ​രി​ല്‍ ജീ​വി​ച്ച സു​ജീ​വ​യ്ക്ക് ഒ​ടു​വി​ല്‍ ഇ​ന്ത്യ​ന്‍ പൗ​ര​ത്വ​മാ​യി. ചെ​ങ്ങാ​ലൂ​ര്‍ അ​രോ​ടി ബൈ​ജു​വി​ന്‍റെ ഭാ​ര്യ കൊ​ളം​ബോ സ്വ​ദേ​ശി ക്ര​ന്ദു​ഗോ​ഡ ക​ങ്ക​ണ​ങ്കെ ല​ലാ​നി സു​ജീ​വ(50)​യ്ക്കാ​ണ് ഇ​ന്ത്യ​ന്‍ പൗ​ര​ത്വ​മാ​യ​ത്. ഇ​ന്ന​ലെ ജി​ല്ലാ ക​ള​ക്ട​ര്‍ അ​ര്‍​ജു​ന്‍ പാ​ണ്ഡ്യ​ന്‍ പൗ​ര​ത്വ​രേ​ഖ കൈ​മാ​റി.

മ​സ്‌​ക​റ്റി​ല്‍ ഗാ​ര്‍​മ​ന്‍റ് ഫാ​ക്ട​റി​യി​ല്‍ ജോ​ലി​ചെ​യ്തി​രു​ന്ന ബൈ​ ജു​വും സു​ജീ​വ​യും 2001-ല്‍ ​ശ്രീ​ല​ങ്ക​യി​ല്‍​വ​ച്ചാ​ണ് വി​വാ​ഹി​ത​രാ​യ​ത്. 2004-ല്‍ ​ഇ​വ​ര്‍ ബൈ​ജു​വി​ന്‍റെ നാ​ടാ​യ ചെ​ങ്ങാ​ലൂ​രി​ലെ​ത്തി. തു​ട​ര്‍​ന്ന് 20 വ​ര്‍​ഷം വി​സ പു​തു​ക്കി​യു​ള്ള ജീ​വി​ത​മാ​യി​രു​ന്നു. ബൈ​ജു നാ​ട്ടി​ല്‍​ത​ന്നെ ചു​മ​ട്ടു​തൊ​ഴി​ലാ​ളി​യാ​യി. ഇ​വ​രു​ടെ മ​ക​ന്‍ അ​മൃ​ത് കൃ​ഷ്ണ​യ്ക്കു 13 വ​യ​സാ​യി.

2020-ല്‍ ​പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ന്‍റെ പ്ര​ചാ​ര​ണ​ത്തി​നി​ടെ നാ​ട്ടു​കാ​രി​യും സു​ഹൃ​ത്തു​മാ​യ ര​ശ്മി ശ്രീ​ശോ​ഭ് സ്ഥാ​നാ​ര്‍​ഥി​യാ​യ​പ്പോ​ഴാ​ണ് സു​ജീ​വ​യു​ടെ പൗ​ര​ത്വ​പ്ര​ശ്‌​നം ശ്ര​ദ്ധ​യി​ല്‍​പ്പെ​ട്ട​ത്.
കൂ​ട്ടു​കാ​രി​ക്കു വോ​ട്ടു​ചെ​യ്യാ​നാ​വാ​ത്ത വി​ഷ​മം​പ​റ​ഞ്ഞ സു​ജീ​വ​യോ​ട് ര​ശ്മി സി​റ്റി​സ​ൺ​ഷി​പ്പ് പോ​ര്‍​ട്ട​ലി​ല്‍ അ​പേ​ക്ഷി​ക്കാ​ന്‍ നി​ര്‍​ദേ​ശി​ച്ചു. തു​ട​ര്‍​ന്ന് അ​ന്ന​ത്തെ കേ​ന്ദ്ര​മ​ന്ത്രി വി. ​മു​ര​ളീ​ധ​ര​ന്‍റെ ഓ​ഫീ​സു​മാ​യി ബ​ന്ധ​പ്പെ​ട്ടു. മ​ന്ത്രി​യു​ടെ ഓ​ഫീ​സി​ല്‍​നി​ന്നും ഇ​ട​പെ​ട​ലു​ണ്ടാ​യെ​ന്നു സു​ജീ​വ പ​റ​ഞ്ഞു.

പി​ന്നെ​യും നാ​ലു​വ​ര്‍​ഷം കാ​ത്തി​രി​പ്പ്. ഇ​തി​നി​ടെ ക​ള​ക്ട​റേ​റ്റി​ല്‍​നി​ന്നും കേ​ന്ദ്ര​മ​ന്ത്രാ​ല​യ​ത്തി​ല്‍​നി​ന്നും അ​റി​യി​പ്പു​ക​ള്‍ എ​ത്തി. ക​ള​ക്ട​റേ​റ്റി​ല്‍ സ​ത്യ​വാ​ങ്ങ് മൂ​ലം ന​ല്‍​കി​യ​തും ചെ​ന്നൈ​യി​ല്‍ പോ​യി പാ​സ്‌​പോ​ര്‍​ട്ട് സ​മ​ര്‍​പ്പി​ച്ച​തും സം​ശ​യി​ച്ചാ​യി​രു​ന്നു​വെ​ന്നു സു​ജീ​വ പ​റ​യു​ന്നു. മ​റ്റു രേ​ഖ​ക​ളൊ​ന്നും സ്വ​ന്ത​മാ​യി​ല്ലാ​തി​രു​ന്ന സു​ജീ​വ​യ്ക്കു ക​ഴി​ഞ്ഞ​ദി​വ​സം ക​ള​ക്ട​റേ​റ്റി​ല്‍​നി​ന്നു​ള്ള വി​ളി എ​ത്തി​യ​പ്പോ​ഴാ​ണ് ആ​ശ്വാ​സ​മാ​യ​ത്.

ഭ​ര്‍​ത്താ​വി​നും മ​ക​നും പു​തു​ക്കാ​ട് പ​ഞ്ചാ​യ​ത്തം​ഗ​മാ​യ ര​ശ്മി​ക്കു​മൊ​പ്പം ക​ള​ക്ട​റേ​റ്റി​ലെ​ത്തി​യാ​ണ് സു​ജീ​വ പൗ​ര​ത്വ​രേ​ഖ ഏ​റ്റു​വാ​ങ്ങി​യ​ത്.
Copyright @ 2018 , Rashtra Deepika Ltd.