ചാത്തന്നൂർ: ചാത്തന്നൂർ ഗവ. വിഎച്ച്എസ്എസിൽ സ്വാതന്ത്ര്യ ദിനാഘോഷം നടത്തി. പ്രിൻസിപ്പൽ ഡി. പ്രമോദ് കുമാർ, ഹെഡ്മിസ്ട്രസ് സി.എസ്. സബീല ബീവി, വൊക്കേഷണൽ ഹയർ സെക്കൻഡറി സീനിയർ അധ്യാപിക ലിൻസി.എൽ. സ്കറിയ എന്നിവർ ചേർന്ന് ദേശീയ പതാക ഉയർത്തി. പിടിഎ പ്രസിഡന്റ് കെ. സേതുമാധവൻ അധ്യക്ഷനായിരുന്നു.
ജില്ലാ പഞ്ചായത്ത് വൈസ് പ്രസിഡന്റ് ശ്രീജ ഹരീഷ് സ്വാതന്ത്ര്യ ദിനാഘോഷം ഉദ്ഘാടനം ചെയ്തു. പഞ്ചായത്ത് പ്രസിഡന്റ് എസ്.കെ. ചന്ദ്രകുമാർ, ഗ്രാമ പഞ്ചായത്ത് അംഗങ്ങളായ സജീന നജീം, രേണുക രാജേന്ദ്രൻ, അഡ്വ. ആർ. ദിലീപ് കുമാർ, ജി. ബിജു, എസ്. സേതുലാൽ, ഡെപ്യൂട്ടി ഹെഡ്മാസ്റ്റർ ജി. ദീപു, പി. മോഹനൻ, എ. അശ്വതി, ശ്രീജ നാഥ്, റീജ, എസ്. നിസാർ എന്നിവർ പ്രസംഗിച്ചു.
ചാത്തന്നൂർ: ഞവരൂർ സെന്റ് ജോർജ് യുപി സ്കൂളിൽ സ്വാതന്ത്ര്യദിനം സമുചിതമായി ആഘോഷിച്ചു. ഹെഡ്മാസ്റ്റർ ബെനിൽ മാത്യു പതാക ഉയർത്തി. പിടിഎ പ്രസിഡന്റ് സിദ്ദിഖ് മൗലവി, മറിയാമ്മ അലക്സാണ്ടർ, സുനുമോൾ, മേഴ്സി, സെയ്ഫുദീൻ തുടങ്ങിയവർ പ്രസംഗിച്ചു. സ്കൂളിൽ നിന്നാരംഭിച്ച് കളിയാക്കുളം, തിരുമുക്ക് വഴി സ്വാതന്ത്ര്യ ദിനറാലി നടത്തി.
പരവൂർ: എസ്എൻവിജിഎച്ച്എസിൽ സ്വാതന്ത്ര്യദിനാഘോഷം നടത്തി. പ്രധാന അധ്യാപിക എസ്. പ്രീത പതാക ഉയർത്തിയശേഷം എസ്പിസി സല്യൂട്ട് സ്വീകരിച്ചു. പിടിഎ പ്രസിഡന്റ് അശോക് കുമാർ, സ്കൂൾ മാനേജർ എസ്. സാജൻ, ഭരണസമിതി അംഗങ്ങൾ തുടങ്ങിയവർ പങ്കെടുത്തു. തുടർന്ന് കുട്ടികളുടെ കലാപരിപാടികൾ അരങ്ങേറി.