പാരിപ്പള്ളി: കല്ലുവാതുക്കൽ സമുദ്രതീരം മതേതര വയോജന കേന്ദ്രത്തിന്റെ ആഭിമുഖ്യത്തിൽ കർഷക ദിനാചരണവും പ്രദേശത്തെ മികച്ച കർഷകരെ ആദരിക്കൽ ചടങ്ങും സംഘടിപ്പിച്ചു. കല്ലുവാതുക്കൽ, ചാത്തന്നൂർ, ചിറക്കര ഗ്രാമപഞ്ചായത്തുകളിലെ 19 മികച്ച കർഷകരെയാണ് ആദരിച്ചത്.
സമുദ്രതീരം ഓഡിറ്റോറിയത്തിൽ നടന്ന ചടങ്ങ് ഇലകമൺ കൃഷിഭവൻ അസിസ്റ്റന്റ് അഗ്രികൾച്ചർ ഓഫീസർ ജി. അനിൽ കുമാർ ഉദ്ഘാടനം ചെയ്തു. ഗ്രാമപഞ്ചായത്തംഗം ഡി. സുഭദ്രാമ്മ അധ്യക്ഷത വഹിച്ചു. കൃഷി ഓഫീസർ എ. ഫൗസിയ കർഷക ദിന സന്ദേശം നൽകി.
സമ്മിശ്ര കർഷകർ, നെൽ കർഷകർ, കുട്ടി കർഷകർ തുടങ്ങി മികവ് തെളിയിച്ച 19 കർഷകർക്ക് എ. ഫൗസിയ, ജി. അനിൽകുമാർ, കൊടിമൂട്ടിൽ എസ്. പ്രകാശൻ എന്നിവർ ആദരവ് സമർപ്പിച്ചു. ഗ്രാമ പഞ്ചായത്തംഗം അപ്പുക്കുട്ടൻപിള്ള, സമുദ്രതീരം ചെയർമാൻ എം. റുവൽ സിംഗ്, ചിറക്കര ഗ്രാമപഞ്ചായത്ത് അംഗം ഉളിയനാട് ജയൻ, ജി. ദിവാകരൻ, സമുദ്രതീരം പിആർഒ ശശിധരൻപിള്ള, പ്ലാക്കാട് ശ്രീകുമാർ, സന്തോഷ് പാരിപ്പള്ളി, ശരത് ചന്ദ്രൻപിള്ള തുടങ്ങിയവർ പ്രസംഗിച്ചു.
ചാത്തന്നൂർ: ചിറക്കര കൃഷിഭവന്റെ ആഭിമുഖ്യത്തിൽ കർഷകദിനം ആചരിച്ചു. കൃഷിഭവൻ പരിധിയിൽ മാതൃകാപരമായ പ്രവർത്തനം കാഴ്ചവച്ച മികച്ച കർഷകരെ ആദരിച്ചു. 11 കർഷകരെയാണ് ആദരിച്ചത്. കർഷകദിനാചരണം ജി.എസ്. ജയലാൽ എംഎൽഎ ഉദ്ഘാടനം ചെയ്തു. ചിറക്കര പഞ്ചായത്ത് പ്രസിഡന്റ് ടി.ആർ. സജില അധ്യക്ഷത വഹിച്ചു.
പച്ചക്കറി വികസന പദ്ധതിയുടെ ഭാഗമായി 100 പോഷകത്തോട്ടങ്ങൾ ഒരുക്കുന്നതിന്റെ പ്രവർത്തനോദ്ഘാടനവും നടന്നു. സെമിനാറിൽ മീര ക്ലാസ് നയിച്ചു.
ഇത്തിക്കര ബ്ലോക്ക് പഞ്ചായത്ത് പ്രസിഡന്റ് അഡ്വ. എം.കെ. ശ്രീകുമാർ, ജില്ലാ പഞ്ചായത്ത് വൈസ് പ്രസിഡന്റ് ശ്രീജാ ഹരീഷ്, പഞ്ചായത്ത് വൈസ് പ്രസിഡന്റ് കെ. സുജയകുമാർ, സ്ഥിരം സമിതി അധ്യരായ ദിലീപ് ഹരിദാസൻ,സുബി പരമേശ്വരൻ, ചാത്തന്നൂർ കൃഷി അസിസ്റ്റന്റ് ഡയറക്ടർ ശ്രീവൽസ പി ശ്രീനിവാസൻ, പഞ്ചായത്ത് അംഗങ്ങളായ സി. സുശീലാദേവി, പി. സുചിത്ര, എസ്. ജയകുമാർ, മേരി റോസ്, ദേവദാസ്, ബി. സുദർശനൻപിള്ള, കെ. സുരേന്ദ്രൻ, എൽ. രാഗിണി, കൃഷി ഓഫീസർ എസ്. ശില്പ, ആർ. സുനിൽകുമാർ, കൃഷി അസിസ്റ്റന്റ് ഡി.എസ്. വർഷ തുടങ്ങിയവർ പ്രസംഗിച്ചു.