ചവറ: ഐഎൻടിയുസി സംസ്ഥാന കമ്മിറ്റിയുടെ നേതൃത്വത്തിൽ 21 ന് നടക്കുന്ന സെക്രട്ടേറിയറ്റ് മാർച്ചും ധർണയും വിജയിപ്പിക്കാൻ ഐഎൻടിയുസി ചവറ റീജിയണൽ നേതൃത്വ യോഗം തീരുമാനിച്ചു.
വിലക്കയറ്റം തടയുക, ഒരു മാസത്തെ ശമ്പളം ബോണസ് ആയി നൽകുക, പരമ്പരാഗത തൊഴിൽ മേഖലയെ സംരക്ഷിക്കുക, തൊഴിലാളി ക്ഷേമനിധികളുടെ പ്രവർത്തനം ശക്തിപ്പെടുത്തുക,സ്കീം വർക്കേഴ്സിനെ സംരക്ഷിക്കുക, തൊഴിലുറപ്പ് തൊഴിലും കൂലിയും ഉറപ്പ് വരുത്തുക, പൊതു മേഖലാ വ്യവസായത്തെ സംരക്ഷിക്കുക,ആരോഗ്യ വിദ്യാഭ്യാസ രംഗത്തെ തൊഴിൽ സംരക്ഷണം ഉറപ്പ് വരുത്തുക എന്നീ ആവശ്യങ്ങൾ ഉന്നയിച്ചാണ് പ്രതിഷേധ മാർച്ച് നടത്തുന്നത്.
യോഗം ജില്ലാ ജനറൽ സെക്രട്ടറി കോതേത്തു ഭാസുരൻ ഉദ്ഘാടനം ചെയ്തു. റീജിയണൽ പ്രസിഡന്‍റ് ജോസ് വിമൽരാജ് യോഗത്തിൽ അധ്യക്ഷനായി.
ആർ. ജയകുമാർ, ചവറ ഹരീഷ്, പ്രശാന്ത് പൊന്മന, നിസാർ മേക്കാട്ട്, സതീശൻ, ആൽബർട്ട് നീണ്ടകര, വസന്തൻ, റീന, ജോസഫ് ജോൺ, നിസാർ കൊല്ലക, സൈനുദീൻ എന്നിവർ പ്രസംഗിച്ചു.