കണ്ടറ: കോൺഗ്രസ് ചിറ്റുമല മണ്ഡലം കമ്മിറ്റിയുടെ നേതൃത്വത്തിൽ സ്വാതന്ത്ര്യ ദിനം ആഘോഷിച്ചു. മണ്ഡലം പ്രസിഡന്റ് രാജു ലോറൻസ് പതാക ഉയർത്തി. കെപിസിസി മുൻ അംഗം കല്ലട രമേശ് സ്വതന്ത്ര്യദിന സന്ദേശം നൽകി.
ബ്ളോക്ക് സെക്രട്ടറി ബിജു ചിറ്റുമല, പഞ്ചായത്ത് പ്രസിഡന്റ് കെ.ജി. ലാലി, കോശി അലക്സ്, ചന്ദ്രസേനൻ, ജിതിൻ കല്ലട, കമലൻ കണിയാംകുന്നത്ത്, വെള്ളാവിൽ ഡാനിയൽ, ചന്ദ്രബാബു, അജു, നാരായണൻ എന്നിവർ പങ്കെടുത്തു.
ചവറ: ചവറ ബ്ലോക്ക് പഞ്ചായത്തിൽ സ്വാതന്ത്ര്യ ദിനം ആഘോഷിച്ചു. ബ്ലോക്ക് പഞ്ചായത്ത് പ്രസിഡന്റ് സന്തോഷ് തുപ്പാശേരി ഉദ്ഘാടനം നിർവഹിച്ച് പതാക ഉയർത്തി.സ്റ്റാൻഡിംഗ് കമ്മിറ്റി ചെയർമാൻമാരായ പ്രസന്നൻ ഉണ്ണിത്താൻ, ജോസ് വിമൽരാജ്, ആർ. ജിജി, പ്രിയ ഷിനു, സജി അനിൽ, ബിഡിഒ അമ്പിളി എന്നിവർ പ്രസംഗിച്ചു.
തേവലക്കര: ഐഎൻടിയുസി തേവലക്കര മണ്ഡലം കമ്മിറ്റി കോയിവിള കല്ലുമൂട് ജംഗ്ഷനിൽ സ്വാതന്ത്ര്യദിനം ആഘോഷിച്ചു. റീജിയണൽ പ്രസിഡന്റ് ജോസ് വിമൽരാജ് പതാക ഉയർത്തി ഉദ്ഘാടനം ചെയ്തു. സ്വാതന്ത്ര്യ സംരക്ഷണ പ്രതിജ്ഞയെടുത്തു.
വി. ശിവൻകുട്ടി പിള്ള അധ്യക്ഷനായി. അനിൽകുമാർ, മോഹനൻ, ബാബു ചെറിയപള്ളിൽ, കുഞ്ഞച്ചൻ ആറാടാൻ, മൈക്കൽ എന്നിവർ പ്രസംഗിച്ചു. തുടർന്ന് മധുര വിതരണം നടത്തി.
ചാത്തന്നൂർ: ചാത്തന്നൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ സ്വാതന്ത്ര്യദിനം ആഘോഷിച്ചു.
ചാത്തന്നൂർ നെഹ്രുഭവൻ അങ്കണത്തിൽ ബ്ലോക്ക് കോൺഗ്രസ് കമ്മിറ്റി പ്രസിഡന്റ് ബിജുവിശ്വരാജൻ ദേശീയ പതാക ഉയർത്തി ദേശീയോദ്ഗ്രഥന പ്രതിജ്ഞയെടുത്തു. സ്വാതന്ത്ര്യ ദിന സംഗമം ഡിസിസി ജനറൽ സെക്രട്ടറി എസ്. ശ്രീലാൽ ഉദ്ഘാടനം ചെയ്തു.
ഡിസിസി ജനറൽ സെക്രട്ടറി സുഭാഷ് പുളിയ് ക്കൽ, മണ്ഡലം കോൺഗ്രസ് കമ്മിറ്റി പ്രസിഡന്റ് ടി.എം. ഇക്ബാൽ, ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റുമാരായ ജോൺ എബ്രഹാം, നിസാർ ചിറക്കട, മൈലോട് പ്രസന്നകുമാർ, ബ്ലോക്ക് കമ്മിറ്റി ജനറൽ സെക്രട്ടറിമാരായ ശശാങ്കൻ ഉണ്ണിത്താൻ, സുഗതൻ പറമ്പിൽ, സി.ആർ. അനിൽകുമാർ, ജി. രാധാകൃഷ്ണൻ, എസ്.വി. ശാർങദാസ്, പ്രമോദ് കാരംകോട് തുടങ്ങിയവർ പ്രസംഗിച്ചു.
ചാത്തന്നൂർ: ഉളിയനാട് കെ.പി. ഗോപാലൻ ഗ്രന്ഥശാലയുടെ നേതൃത്വത്തിൽ നടന്ന സ്വാതന്ത്ര്യദിനാഘോഷം ചിറക്കര ഗ്രാമപഞ്ചായത്ത് മുൻ പ്രസിഡന്റ് ടി.ആർ. ദീപു ഉദ്ഘാടനം ചെയ്തു.
ഗ്രന്ഥശാല പ്രസിഡന്റ് പി. ബിനു പതാക ഉയർത്തി. ദേശഭക്തിഗാന മത്സരവും, ക്വിസ് മത്സരവും ഭരണഘടന സാക്ഷരത ക്ലാസും നടന്നു. വിജയികൾക്ക് ഗ്രാമപഞ്ചായത്ത് അംഗം വിനിത ദീപു സമ്മാനദാനം നിർവഹിച്ചു.
ഫ്രാൻസിസ്, ബിജു, സുനിൽ, ഷാനവാസ്, ശ്രീകല, അനിൽകുമാർ, ഷൈജു, ലൈബ്രറിയിൽ രാജി തുടങ്ങിയവർ പ്രസംഗിച്ചു.
കല്ലുവാതുക്കൽ :സമുദ്രതീരം മതേതര വയോജന കേന്ദ്രത്തിൽ സ്വാതന്ത്ര്യദിനാഘോഷം സംഘടിപ്പിച്ചു. മതേതര വയോജനകേന്ദ്രം അങ്കണത്തിൽ ഹോണററി ക്യാപ്റ്റൻ ആർ. രാജീവ് പതാക ഉയർത്തി.
ഹോണററി ക്യാപ്റ്റൻ ആർ. രാജീവ് ഉദ്ഘാടനം ചെയ്തു. സമുദ്രതീരം ചെയർമാൻ റുവൽ സിംഗ് അധ്യക്ഷത വഹിച്ചു. ശ്രീകുമാർ പ്ലാക്കാട്, ശരത്ചന്ദ്രൻ പിള്ള, ശശിധരൻ പിള്ള, രജീഷ്, ഉളിയനാട് ജയൻ, ഡോ. വിനയ് കവിരാജ്, മനീഷ്, സനീഷ്, ജയഘോഷ് പട്ടേൽ, സന്തോഷ് പാരിപ്പള്ളി, ശ്രീകണ്ഠൻ നായർ തുടങ്ങിയവർ പ്രസംഗിച്ചു.
വർക്കല ഇടവ ജവഹർ പബ്ലിക് സ്കൂൾ വിദ്യാർഥികളും അധ്യാപകരും രക്ഷകർത്താക്കളും സ്റ്റാഫും പങ്കെടുത്തു. സമുദ്രതീരം കൂട്ടുകുടുംബത്തിലെ അച്ഛനമ്മമാർ ഗാനങ്ങൾ ആലപിച്ചു. ജവഹർ പബ്ലിക് സ്കൂളിലെ വിദ്യാർഥികൾ കലാപരിപാടികൾ അലതരിപ്പിച്ചു. ഷഹനാസ് സലീം, അനുപമ, അശ്വതി, സന്തോഷ് കുമാർ, ഷമീമ, അനിതകുമാരി തുടങ്ങിയവർ നേതൃത്വം നൽകി.
കൊല്ലം: മരുത്തടി കണിമേൽ ആദിത്യ വിലാസം 2531-ാം നമ്പർ എൻഎസ്എസ് കരയോഗത്തിന്റെ ആഭിമുഖ്യത്തിൽ സംഘടിപ്പിച്ച സ്വാതന്ത്ര്യദിനാഘോഷം കൊല്ലം താലൂക്ക് എൻഎസ്എസ് കരയോഗ യൂണിയൻ ചെയർമാൻ ആദിക്കാട് ഗിരീഷ് ഉദ്ഘാടനം ചെയ്തു.
എൻ. ഗോപാലകൃഷ്ണപിള്ള അധ്യക്ഷത വഹിച്ചു. താലൂക്ക് യൂണിയൻ സെക്രട്ടറി കെ.ജി. ജീവകുമാർ പ്രതിഭകളെ ആദരിച്ചു. കെ. ഉണ്ണി കൃഷ്ണപിള്ള കാഷ് അവാർഡ് വിതരണം നിർവഹിച്ചു.
റോട്ടറി ക്ലബ് പ്രസിഡന്റ് ശ്യാം ബി. പിള്ള, ജി. സുനിൽ കുമാർ, കൃഷ്ണകുമാർ മരുത്തടി, രാജേന്ദ്രൻപിള്ള, കരയോഗ സെക്രട്ടറി ടി. ഉണ്ണികൃഷ്ണപിള്ള, വൈസ് പ്രസിഡന്റ് എ. മണിക്കുട്ടൻ പിള്ള എന്നിവർ പ്രസംഗിച്ചു.