കുണ്ടറ: ഇളമ്പള്ളൂർഗ്രാമപഞ്ചായത്തിന്റേയും കൃഷിഭവന്റേയും നേതൃത്വത്തിൽ സംഘടിപ്പിച്ച കർഷക ദിനാചരണം പി.സി. വിഷ്ണുനാഥ് എംഎൽഎ ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡന്റ് റെജി കല്ലംവിള അധ്യക്ഷത വഹിച്ചു. വൈസ് പ്രസിഡന്റ് ജലജ ഗോപൻ, സ്ഥിരം സമിതി അധ്യക്ഷരായ ഷീല കുമാരി, സി.എം. സൈഫുദീൻ, ഇരവിപുരം കൃഷി അസിസ്റ്റന്റ് ഡയറക്ടർ ടി. ഷീബ, കൃഷി ഓഫീസർ റസിയ ഷെരീഫ്, ഗ്രാമപഞ്ചായത്ത് അംഗങ്ങൾ തുടങ്ങിയവർ പ്രസംഗിച്ചു.
കുണ്ടറ: പേരയം പഞ്ചായത്തിന്റേയും കൃഷിഭവന്റേയും നേതൃത്വത്തിൽ പഞ്ചായത്തിൽ കർഷക ദിനം ആചരിച്ചു. പി.സി. വിഷ്ണുനാഥ് എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് അഡ്വ. അനീഷ് പടപ്പക്കര അധ്യക്ഷത വഹിച്ചു.
ചിറ്റുമല ബ്ലോക്ക് പഞ്ചായത്ത് പ്രസിഡന്റ് ജയദേവി മോഹൻ , വൈസ് പ്രസിഡന്റ് ബി. ദിനേശ് എന്നിവർ കർഷകരെ ആദരിച്ചു. പഞ്ചായത്ത് വികസന സ്ഥിരം സമിതി അധ്യക്ഷൻ ബി. സ്റ്റാഫോർഡ് , ക്ഷേമകാര്യ സ്ഥിരം സമിതി അധ്യക്ഷ എൻ. ഷേർളി, ആരോഗ്യ സ്ഥിരം സമിതി അധ്യക്ഷ ലതാ ബിജു, ഗ്രാമപഞ്ചായത്ത് അംഗങ്ങളായ ആലിസ് ഷാജി, പി. രമേശ് കുമാർ, രജിതകുമാരി, വിനോദ് പാപ്പച്ചൻ, ചെറുപുഷ്പം, ബി. സുരേഷ്, കൃഷി അസിസ്റ്റന്റ് രഞ്ജിത്ത് എന്നിവർ പ്രസംഗിച്ചു.
ചാത്തന്നൂർ: ചാത്തന്നൂർ കൃഷിഭവന്റെ ആഭിമുഖ്യത്തിൽ കർഷക ദിനാചരണം സംഘടിപ്പിച്ചു. ജി.എസ്. ജയലാൽ എംഎൽഎ ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡന്റ് ശ്രീജ ഹരീഷ് മുഖ്യപ്രഭാഷണം നടത്തി.
ബ്ലോക്ക് പഞ്ചായത്ത് പ്രസിഡന്റ് അഡ്വ. എം.കെ. ശ്രീകുമാർ കർഷക ദിന സന്ദേശം നൽകി.
കൃഷി അസിസ്റ്റന്റ് ഡയറക്ടർ ശ്രീവത്സ. പി. ശ്രീനിവാസൻ പദ്ധതി വിശദീകരിച്ചു. ഗ്രാമപഞ്ചായത്ത് പ്രസിഡന്റ് എസ്.കെ. ചന്ദ്രകുമാർ അധ്യക്ഷത വഹിച്ചു.
ബ്ലോക്ക് പഞ്ചായത്ത് വൈസ് പ്രസിഡന്റ് നിർമല വർഗീസ്, ഗ്രാമപഞ്ചായത്ത് വൈസ് പ്രസിഡന്റ് ഒ. മഹേശ്വരി, ബ്ലോക്ക് ഗ്രാമപഞ്ചായത്ത് അംഗങ്ങൾ എന്നിവർ പ്രസംഗിച്ചു. കൃഷി ഓഫീസർ മനോജ് ലൂക്കോസ് സ്വാഗതവും അസിസ്റ്റന്റ് കൃഷി ഓഫീസർ കെ. ഷാജി നന്ദിയും പറഞ്ഞു.