പുനലൂർ: പുനലൂർ താലൂക്ക് റിപ്പബ്ലിക് ദിനാഘോഷ കമ്മിറ്റിയുടെ നേതൃത്വത്തിൽ 78-ാം സ്വാതന്ത്ര്യദിനാഘോഷം മിനി സിവിൽ സ്റ്റേഷൻ അങ്കണത്തിൽ നടന്നു. പി. എസ്. സുപാൽ എംഎൽഎ ദേശീയ പതാക ഉയർത്തി. പോലീസ്, എക്സൈസ് തുടങ്ങിയ സേനാംഗങ്ങൾ പതാക വന്ദനം നടത്തി. താലൂക്ക് തഹസിൽദാരും ആഘോഷ കമ്മിറ്റി ചെയർമാനുമായ ഷാജു എം.എസ് അധ്യക്ഷത വഹിച്ചു. പി.എസ്. സുപാൽ എംഎൽഎ സമ്മേളനം ഉദ്ഘാടനം ചെയ്തു.
മുൻസിപ്പൽ ചെയർപേഴ്സൺ കെ. പുഷ്പലത, വൈസ് ചെയർമാൻ രഞ്ജിത്ത് രാധാകൃഷ്ണൻ, ജനറൽ കൺവീനർ വിഷ്ണുദേവ്, പ്രതിപക്ഷ നേതാവ് ജി. ജയപ്രകാശ്, പുനലൂർ ആർഡിഒ സോളി ആന്‍റണി, സർക്കിൾ ഇൻസ്പക്ടർ രാജേഷ് കുമാർ, ഡെപ്യൂട്ടി ലേബർ ഓഫീസർ മുഹമ്മദ് റിജാം, കലയനാട് ബാനർജി എന്നിവർ പ്രസംഗിച്ചു.
ഡപ്യൂട്ടി തഹസിൽദാർ ജിജി, സബ് ഇൻസ്പക്ടർ അനീഷ്, ജോബോയ് പെരേര, എസ്. നൗഷറുദീൻ, കൗൺസിലർ സുന്ദരേശൻ, അഡ്വ. എസ്. ഇ. സഞ്ജയ്ഖാൻ, നെടുങ്കയം നാസർ, ഐക്കര ബാബു, സലീം പുനലൂർ, എസ്. എം. ഷെരീഫ്, എബ്രഹാം, സുരേഷ് ശിവദാസ്, പുനലൂർ വിജയൻ, സഹദേവൻ, നാസറുദീൻ, ജി. അനീഷ് കുമാർ, സി.കെ. ചന്ദ്രൻ, അബ്ദുൾ സമദ്, കൂര്യൻ, ഷാജി ജാജി, പുഷ്പകുമാരി, പി.ടി. ചന്ദ്രബാബു തുടങ്ങി രാഷ്ട്രീയ സാമൂഹിക സാംസ്കാരിക പ്രവർത്തകർ, ഉദ്യോഗസ്ഥർ എന്നിവർ പങ്കെടുത്തു.
കുളത്തുപ്പുഴ: കുളത്തൂപ്പുഴ വൈഎംസിഎ ഓഡിറ്റോറിയത്തിൽ സ്വാതന്ത്ര്യ ദിനാഘോഷം വൈഎംസിഎ പ്രസിഡന്‍റ് കെ. ജോണി പതാക ഉയർത്തി ഉദ്ഘാടനം ചെയ്തു. വൈസ് പ്രസിഡന്‍റ് റോയി ഉമ്മൻ സ്വാതന്ത്ര്യ ദിന സന്ദേശ നൽകി.
സെക്രട്ടറി സാനു ജോർജ്, മീഡിയ കൺവീനർ ബോബൻ ജോർജ്, കെ.സി. ഏബ്രഹാം, എം.പി. ഫിലിപ്, കെ. ബാബുക്കുട്ടി, ജോബ് ഉമ്മൻ, ജോൺസൺ, കൊച്ചുമോൻ തുടങ്ങിയവർ പ്രസംഗിച്ചു. തുടർന്ന് വർഷം തോറും നടത്താറുള്ള ഫ്രീഡം ട്രിപ്പ്‌ ആൻഡ് ഹെൽപ് പ്രോഗ്രാമിന്‍റെ ഭാഗമായി റോസ് മലയിലേക്ക് യാത്ര നടത്തി. ഭവന സന്ദർശന ശേഷം സെന്‍റ്. തോമസ് മാർത്തോമാ ഇടവക അങ്കണത്തിൽ ഒത്തു കൂടി. സാമ്പത്തിക ബുദ്ധിമുട്ട് അനുഭവിക്കുന്ന രണ്ട് കുടുംബങ്ങൾക്ക് സഹായം നൽകി.
റോസ്മല നിവാസികളായ രണ്ട് കുടുംബങ്ങൾക്ക് ധനസഹായം കൈമാറി. സെന്‍റ് തോമസ് മാർത്തോമാ ഇടവക വികാരി ഫോ. റോയ്. പി. തോമസ് സന്നിഹിതനായിരുന്നു.
തേവലക്കര: ഐഎൻടിയുസിയുടെ തേവലക്കര മണ്ഡലം കമ്മിറ്റി കോയിവിള കല്ലുമൂട് ജംഗ്ഷനിൽ സ്വാതന്ത്ര്യദിനം ആചരിച്ചു. റീജിയണൽ പ്രസിഡന്‍റ് ജോസ് വിമൽരാജ് പതാക ഉയർത്തി ഉദ്ഘാടനം ചെയ്തു. ചടങ്ങിൽ സ്വാതന്ത്ര്യസംരക്ഷണ പ്രതിജ്ഞ എടുത്തു.
വി. ശിവൻകുട്ടി പിള്ള അധ്യക്ഷനായി. അനിൽകുമാർ, മോഹനൻ, ബാബു ചെറിയപള്ളിൽ, കുഞ്ഞച്ചൻ ആറാടാൻ, മൈക്കൽ എന്നിവർ പ്രസംഗിച്ചു. തുടർന്ന് മധുര വിതരണം നടത്തി.
ചവറ: ചവറ ബ്ലോക്ക് പഞ്ചായത്തിൽ സ്വാതന്ത്ര്യദിനം ആഘോഷിച്ചു. ചവറ ബ്ലോക്ക് പഞ്ചായത്ത് ഭരണ സമിതിയും ജീവനക്കാരും ബ്ലോക്ക് പഞ്ചായത്ത് അങ്കണത്തിൽ നടത്തിയ പരിപാടി പ്രസിഡന്‍റ് സന്തോഷ് തുപ്പാശേരി ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്‍റ് പതാക ഉയർത്തി. സ്റ്റാൻഡിംഗ് കമ്മിറ്റി ചെയർമാൻമാരായ പ്രസന്നൻ ഉണ്ണിത്താൻ, ജോസ് വിമൽരാജ്, ജിജി.ആർ, പ്രിയ ഷിനു, സജി അനിൽ, ബിഡിഒ അമ്പിളി എന്നിവർ പ്രസംഗിച്ചു.
ചവറ: സംസ്ഥാന പൊതുമേഖലാ വ്യവസായ സ്ഥാപനമായ കേരളാ മിനറല്‍സ് ആന്‍റ് മെറ്റല്‍സ് ലിമിറ്റഡില്‍ സ്വാതന്ത്ര്യദിനം ആഘോഷിച്ചു. യൂണിറ്റ് ഹെഡ് പി.കെ മണിക്കുട്ടന്‍ ടി.പി യൂണിറ്റില്‍ പതാക ഉയര്‍ത്തി.
കമ്പനിയുടെ മിനറല്‍ സപ്പറേഷന്‍ യൂണിറ്റില്‍ യൂണിറ്റ് ഹെഡ് എംയു വിജയകുമാറും ടൈറ്റാനിയം സ്പോഞ്ച് യൂണിറ്റില്‍ എച്ച്ഒഡി കെ. കാര്‍ത്തികും പതാക ഉയര്‍ത്തി.
സുരക്ഷാ ജീവനക്കാരും അഗ്‌നിരക്ഷാ ജീവനക്കാരും ചേര്‍ന്ന് സല്യൂട്ട് നല്‍കി. ശേഷം മധുര വിതരണവും നടന്നു. ടൈറ്റാനിയം എംപ്ലോയീസ് റിക്രിയേഷന്‍ ക്ലബും കൊല്ലത്തെ കെഎംഎംഎല്‍ ഓഫീസേഴ്‌സ് ക്ലബും പതാക ഉയര്‍ത്തിയും മധുരം വിതരണം ചെയ്തും ആഘോഷത്തില്‍ പങ്കാളികളായി.
അംഗീകൃത ട്രേഡ് യൂണിയന്‍ നേതാക്കള്‍, ഉന്നത ഉദ്യോഗസ്ഥര്, വിവിധ സെക്ഷനുകളിലെ ജീവനക്കാര്‍ തുടങ്ങിയവര്‍ പങ്കെടുത്തു.