ബന്ധുവിനു നേരേയുള്ള കൊ​ല​പാതക ശ്ര​മം: പ്ര​തി അ​റ​സ്റ്റി​ൽ
Monday, July 29, 2024 6:17 AM IST
ശാ​സ്താം​കോ​ട്ട: ശൂ​ര​നാ​ട് കു​മ​രം​ചി​റ​യി​ൽ ബ​ന്ധു​വി​നേ​യും സ്വ​ന്തം സു​ഹൃ​ത്തി​നേ​യും വെ​ട്ടി​ക്കൊ​ല​പ്പെടു​ത്താ​ൻ ശ്ര​മി​ച്ച കേ​സി​ലെ പ്ര​തി ശൂ​ര​നാ​ട് പോ​ലീ​സി​ന്‍റെ പി​ടി​യി​ലാ​യി.തൊ​ടി​യൂ​ർ പു​ലി​യൂ​ർ വ​ഞ്ചി ഷാ​ന​വാ​സ് മ​ൻ​സി​ലി​ൽ ഷാ​ന​വാ​സ് ആ​ണ് പോ​ലീ​സ് പി​ടി​യി​ലാ​യ​ത്. ക​ഴി​ഞ്ഞ ഏ​പ്രി​ൽ 22 ന് ​ആ​യി​രു​ന്നു കേ​സി​ന് ആ​സ്പ​ദ​മാ​യ സം​ഭ​വം.

ത​ടി ക​ച്ച​വ​ട​ത്തി​ൽ പ​ങ്കു ചേ​ർ​ക്കാ​ത്ത വി​രോ​ധ​ത്തി​ൽ മാ​തൃ സ​ഹോ​ദ​രി​യു​ടെ പു​ത്ര​നേ​യും സു​ഹൃ​ത്തി​നേ​യും കു​ത്തി​ക്കൊ​ല​പ്പെ​ടു​ത്താ​ൻ ശ്ര​മി​ച്ച​താ​യാ​ണ് കേ​സ്. ഗു​രു​ത​ര​മാ​യി പ​രി​ക്കേ​റ്റ ഇ​രു​വ​രും ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ചി​കി​ത്സ​യി​ലാ​ണ്. സം​ഭ​വ​സ്ഥ​ല​ത്ത് നി​ന്നു ര​ക്ഷ​പ്പെ​ട്ട പ്ര​തി പ​ല സ്ഥ​ല​ങ്ങ​ളി​ലാ​യി ഒ​ളി​വി​ൽ ക​ഴി​ഞ്ഞു വ​രി​ക​യാ​യി​രു​ന്നു.

ശാ​സ്താം​കോ​ട്ട, ച​വ​റ തു​ട​ങ്ങി​യ സ്റ്റേ​ഷ​നു​ക​ളി​ലെ വ​ധ​ശ്ര​മ കേ​സു​ക​ളി​ൽ പ്ര​തി​യാ​യ ഇ​യാ​ൾ സ്വ​ന്ത​മാ​യി മൊ​ബൈ​ൽ ഫോ​ൺ ഉ​ൾ​പ്പെ​ടെ​യു​ള്ള​വ ഉ​പ​യോ​ഗി​ക്കാ​തെ​യും സ്വ​ന്തം കു​ടും​ബ​വു​മാ​യി നേ​രി​ട്ട് കൂ​ടു​ത​ൽ ബ​ന്ധം പു​ല​ർ​ത്താ​തെ​യും ക​ഴി​ഞ്ഞു പോ​ന്നു.

തു​ട​ർ​ന്ന് പ്ര​തി​യു​ടെ ചി​ല മു​ൻ​കാ​ല സു​ഹൃ​ത്തു​ക്ക​ളെ പോ​ലീ​സ് നി​രീ​ക്ഷി​ച്ച് തു​ട​ങ്ങി. ഇ​തി​നി​ടെ ഇ​ട​കു​ള​ങ്ങ​ര ഭാ​ഗ​ത്ത് ചി​ല കെ​ട്ടി​ട​ങ്ങ​ളു​ടെ ടെ​റ​സു​ക​ളി​ൽ പ്ര​തി ഒ​ളി​ച്ചു ക​ഴി​യു​ന്ന​താ​യി വി​വ​രം ല​ഭി​ച്ചു. ശൂ​ര​നാ​ട് ഇ​ൻ​സ്പെ​ക്ട​ർ ജോ​സ​ഫ് ലി​യോ​ൺ, സ​ബ് ഇ​ൻ​സ്പെ​ക്ട​ർ​മാ​രാ​യ രാ​ജേ​ഷ്, പോ​ൾ, എ .​എ​സ് . ഐ ​സ​തീ​ഷ് എ​ന്നി​വ​ർ ഉ​ൾ​പ്പെ​ട്ട സം​ഘം ന​ട​ത്തി​യ തെ​ര​ച്ചി​ലി​ലാ​ണ് പ്ര​തി പി​ടി​യി​ലാ​യ​ത്. തു​ട​ർ​ന്ന് പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ന്‍​ഡ് ചെ​യ്തു.
Copyright @ 2018 , Rashtra Deepika Ltd.