എ​സ്ഐക്കെതിരേ കേ​സെ​ടു​ക്കാ​ൻ കോടതി ഉ​ത്ത​രവിട്ടു : കൊട്ടാരക്കര പോ​ലീ​സ് സ്റ്റേ​ഷ​നി​ൽ യു​വാ​വി​ന് ക്രൂ​ര മ​ർ​ദ​നം
Saturday, September 7, 2024 6:17 AM IST
കൊ​ട്ടാ​ര​ക്ക​ര: യു​വാ​വി​നെ കൊ​ട്ടാ​ര​ക്ക​ര പോ​ലീ​സ് സ്റ്റേ​ഷ​നി​ൽ പോ​ലീ​സു​കാ​ർ സം​ഘം ചേ​ർ​ന്ന് ക്രൂ​ര​മാ​യി മ​ർ​ദി​ച്ച​താ​യി പ​രാ​തി. അ​വ​ശ​നി​ല​യി​ലാ​യ യു​വാ​വ് താ​ലൂ​ക്കാ​ശു​പ​ത്രി​യി​ൽ ചി​കി​ത്സ​യി​ലാ​ണ്. പ​ള്ളി​ക്ക​ൽ സ്വ​ദേ​ശി​യും ഇ​ഞ്ച​ക്കാ​ട് ബാ​ർ ഹോ​ട്ട​ലി​ലെ ജീ​വ​ന​ക്കാ​ര​നു​മാ​യ ഹ​രീ​ഷ് (38) നാ​ണ് മ​ർ​ദ​ന​മേ​റ്റ​ത്.

ക​ഴി​ഞ്ഞ ദി​വ​സം വൈ​കു​ന്നേ​രം കു​ഞ്ഞി​നെ ആ​ശു​പ​ത്രി​യി​ൽ കാ​ണി​ക്കാ​ൻ ഭാ​ര്യ​യോ​ടൊ​പ്പം കാ​റി​ൽ പോ​ക​വേ എ​തി​ർ ദി​ശ​യി​ൽ വ​ന്ന കാ​റി​ന് സൈ​ഡ് കൊ​ടു​ത്തി​ല്ലെ​ന്ന് പ​റ​ഞ്ഞ് കാ​റോ​ടി​ച്ചി​രു​ന്ന​യാ​ളു​മാ​യി ത​ർ​ക്ക​മു​ണ്ടാ​യി. ഇ​യാ​ൾ കൊ​ട്ടാ​ര​ക്ക​ര സ്റ്റേ​ഷ​നി​ലെ പോ​ലീ​സു​കാ​ര​നാ​യി​രു​ന്നു.

കു​ഞ്ഞി​നെ ആ​ശു​പ​ത്രി​യി​ൽ എ​ത്തി​ച്ച​ശേ​ഷം പ​ണം സം​ഘ​ടി​പ്പി​ക്കാ​നാ​യി രാ​ത്രി ഒ​ന്പ​തോ​ടെ ഹ​രീ​ഷ് ബാ​ർ ഹോ​ട്ട​ലി​ൽ എ​ത്തി. ഈ ​സ​മ​യം സ്വ​കാ​ര്യ വാ​ഹ​ന​ത്തി​ലെ​ത്തി​യ നാ​ലം​ഗ പോ​ലീ​സ് സം​ഘം ഹ​രീ​ഷി​നെ പി​ടി​കൂ​ടി കാ​റി​ലി​ട്ട് മ​ർ​ദ​നം തു​ട​ങ്ങി.

പ​ല സ്ഥ​ല​ങ്ങ​ളി​ലൂ​ടെ കാ​റോ​ടി​ച്ച് മ​ർ​ദ​നം തു​ട​രു​ക​യും പു​ല​ർ​ച്ചെ ര​ണ്ടോ​ടെ സ്റ്റേ​ഷ​നി​ലെ​ത്തി​ക്കു​ക​യും ചെ​യ്തു. സ്റ്റേ​ഷ​നി​ൽ മേ​ശ​യി​ൽ ക​മി​ഴ്ത്തി കി​ട​ത്തി ഇ​ല​ക്ട്രി​ക് ലാ​ത്തി കൊ​ണ്ട് ക്രൂ​ര​മാ​യി അ​ടി​ച്ച​താ​യും കൈ​കൊ​ണ്ട് ഇ​ടി​ച്ചതാ​യും ഹ​രീ​ഷ് ആ​രോ​പി​ക്കു​ന്നു.

ഹ​രീ​ഷി​ന്‍റെ ശ​രീ​ര​മാ​സ​ക​ലം അ​ടി​കൊ​ണ്ട പാ​ടും പൊ​ട്ട​ലു​മു​ണ്ട്. കോ​ട​തി​യി​ൽ ഹാ​ജ​രാ​ക്കി​യ​പ്പോ​ൾ എ​ഴു​ന്നേ​റ്റ് നി​ൽ​ക്കാ​ൻ ക​ഴി​യാ​ത്ത അ​വ​സ്ഥ​യാ​യി​രു​ന്നു. ജ​ഡ്ജി ഹ​രീ​ഷി​നെ ചേം​ബ​റി​ലേ​ക്ക് വി​ളി​പ്പി​ച്ച് കാ​ര്യ​ങ്ങ​ൾ വി​ശ​ദ​മാ​യി ചോ​ദി​ച്ച​റി​ഞ്ഞു.

സം​ഭ​വ​ങ്ങ​ൾ മ​ന​സി​ലാ​ക്കി​യ ജ​ഡ്ജി ഹ​രീ​ഷി​ന് ജാ​മ്യം അ​നു​വ​ദി​ക്കു​ക​യും വി​ദ​ഗ്ധ ചി​കി​ത്സ​യ്ക്ക് നി​ർ​ദേ​ശി​ക്കു​ക​യും ചെ​യ്തു. കൂ​ടാ​തെ മ​ർ​ദ​ന​ത്തി​ന് നേ​തൃ​ത്വം ന​ൽ​കി​യ എ​സ്ഐ പ്ര​ദീ​പി​നെ​തി​രേ കേ​സെ​ടു​ക്കാ​ൻ ഉ​ത്ത​ര​വി​ടു​ക​യും ചെ​യ്തു.

ഡി​ജി​പി​ക്കും മ​നു​ഷ്യാ​വ​കാ​ശ ക​മ്മീ​ഷ​നും പോ​ലീ​സ് കം​പ്ല​യി​ന്‍റ് അ​ഥോ​റി​റ്റി​ക്കും പ​രാ​തി​ക​ൾ ന​ൽ​കാ​നൊ​രു​ങ്ങു​ക​യാ​ണ് ഹ​രീ​ഷും കു​ടും​ബ​വും.
Copyright @ 2018 , Rashtra Deepika Ltd.