ന​വീ​ക​ര​ണം തു​ട​ങ്ങി​യി​ട്ട് ആ​റു​വ​ർ​ഷം: ന​ഗ​ര​സ​ഭ​യു​ടെ ഏ​ഴു​നി​ല സ​മു​ച്ച​യം ഇ​നി​യും തു​റ​ന്നി​ല്ല
Sunday, July 28, 2024 6:21 AM IST
പു​ന​ലൂ​ർ: ഒ​രു​വ​ർ​ഷ​ത്തി​നു​ള്ളി​ൽ പൂ​ർ​ത്തീ​ക​രി​ക്കു​മെ​ന്ന വാ​ഗ്ദാ​ന​വു​മാ​യി പു​ന​രു​ദ്ധാ​ര​ണം തു​ട​ങ്ങി​യ പു​ന​ലൂ​ർ ന​ഗ​ര​സ​ഭ​യു​ടെ ഏ​ഴു​നി​ല വ്യാ​പാ​ര​ സ​മു​ച്ച​യം ആ​റു​കൊ​ല്ല​ത്തി​നു​ശേ​ഷ​വും യാ​ഥാ​ർ​ഥ്യ​മാ​യി​ല്ല.

വി​വി​ധ കാ​ര​ണ​ങ്ങ​ളു​ടെ പേ​രി​ൽ നി​ർ​മാ​ണം അ​നി​ശ്ചി​ത​മാ​യി വൈ​കുന്നു. ലി​ഫ്റ്റു​ക​ൾ സ്ഥാ​പി​ക്കു​ന്ന​തും ഫ​യ​ർ​ഫോ​ഴ്സി​ൽ​ നി​ന്നു​ള്ള എ​തി​ർ​പ്പി​ല്ലാ​രേ​ഖ (എ​ൻഒസി) ല​ഭ്യ​മാ​ക്കു​ന്ന​തും ഉൾപ്പെ​ടെ ഇ​നി​യും ജോ​ലി​ക​ളേ​റെ​യാ​ണ്.

ന​വീ​ക​ര​ണം അ​നി​ശ്ചി​ത​മാ​യി വൈ​കു​ന്ന​ത് സാ​മ്പ​ത്തി​ക പ്ര​തി​സ​ന്ധി​യി​ൽ ഉ​ഴ​ലു​ന്ന ന​ഗ​ര​സ​ഭ​യ്ക്ക് വ​രു​മാ​ന ന​ഷ്ടം ഉ​ണ്ടാ​ക്കു​ക​യാ​ണ്.

നി​ശ്ചി​ത ഇ​ട​വേ​ള​യ്ക്കു​ശേ​ഷം ലി​ഫ്റ്റ് സ്ഥാ​പി​ക്കു​ന്ന​തി​നും എ​ൻ​ഒസി ല​ഭ്യ​മാ​ക്കാനും മു​ന്നോ​ടി​യാ​യു​ള്ള അ​ടി​സ്ഥാ​ന​ സൗ​ക​ര്യ​ങ്ങ​ൾ ഒ​രു​ക്കാ​ൻ ന​ഗ​ര​സ​ഭ ന​ട​പ​ടി ആ​രം​ഭി​ച്ചു. ഇ​തി​നാ​യി ചു​മ​ത​ല​പ്പെ​ടു​ത്തി​യ ഏ​ജ​ൻ​സി​യു​ടെ ചുമതലക്കാർ ക​ഴി​ഞ്ഞ ദി​വ​സം കെ​ട്ടി​ടം പ​രി​ശോ​ധി​ച്ചു. ന​ഗ​ര​സ​ഭാ​ധ്യ​ക്ഷ കെ.​ പു​ഷ്പ​ല​ത​യു​ടെ സാ​ന്നി​ധ്യ​ത്തി​ലാ​യി​രു​ന്നു പ​രി​ശോ​ധ​ന. ഇ​നി അ​ട​ങ്ക​ൽ ത​യാ​റാ​ക്ക​ണം.

അ​തേ​സ​മ​യം ഫ​യ​ർ​ഫോ​ഴ്‌​സി​ന്‍റെ എ​ൻഒസി ല​ഭ്യ​മാ​ക്കാ​ൻ കെ​ട്ടി​ട​ത്തി​ന്‍റെ മു​റ്റ​ത്ത് സ്ഥാ​പി​ച്ചി​ട്ടു​ള്ള ആ​കാ​ശ​വാ​ണി​യു​ടെ ഡി​ഷ് ആ​ന്‍റി​ന മാ​റ്റി​സ്ഥാ​പി​ക്കേ​ണ്ട​തു​ണ്ട്.

ഇ​തി​നാ​യി ര​ണ്ടു​വ​ർ​ഷം മു​മ്പു​ത​ന്നെ ന​ഗ​ര​സ​ഭ ആ​കാ​ശ​വാ​ണി​ക്ക് ക​ത്ത്‌ ന​ൽ​കി​യി​രു​ന്നു. എ​ന്നാ​ൽ ഇ​തേ​വ​രെ ആ​ന്‍റി​ന മാ​റ്റി സ്ഥാ​പി​ച്ചി​ട്ടി​ല്ല.

ഇ​തി​നി​ടെ കെ​ട്ടി​ട​ത്തി​ൽ സ്ഥാ​പി​ക്കാ​നെ​ത്തി​ച്ച ലി​ഫ്റ്റു​ക​ൾ, ക​രാ​റെ​ടു​ത്ത സ്ഥാ​പ​നം ക​ഴി​ഞ്ഞ ഒ​ക്ടോ​ബ​റി​ൽ തി​രി​കെ കൊ​ണ്ടു​പോ​യി​രു​ന്നു. ലി​ഫ്റ്റ് സ്ഥാ​പി​ക്കാനുള്ള മ​രാ​മ​ത്തു​പ​ണി​ക​ൾ ന​ട​ത്താ​തി​രു​ന്ന​താ​ണ് കാ​ര​ണം. മൂ​ന്നാ​ഴ്ച​യോ​ളം കാ​ത്ത​ശേ​ഷ​മാ​ണ് സ്ഥാ​പ​നം ലി​ഫ്റ്റു​ക​ൾ തി​രി​ച്ചെ​ടു​ത്ത​ത്.

അ​ടി​സ്ഥാ​ന​സൗ​ക​ര്യ​ങ്ങ​ൾ പൂ​ർ​ത്തി​യാ​യ​ശേ​ഷ​മേ ഇ​നി ലി​ഫ്റ്റു​ക​ൾ എ​ത്തി​ക്കൂ.2018 ഏ​പ്രി​ൽ 25-ന് 3.96 ​കോ​ടി രൂ​പ​യു​ടെ അ​ട​ങ്ക​ലി​ൽ തു​ട​ങ്ങി​യ ന​വീ​ക​ര​ണ ജോ​ലി​യാ​ണി​ത്. ആ​റു​കൊ​ല്ല​ത്തി​നി​ടെ പ​ണി​ക​ൾ പ​ല​ത​വ​ണ നി​ല​ച്ചു. ഇ​പ്പോ​ൾ മൊ​ത്ത അ​ട​ങ്ക​ൽ അ​ഞ്ചു​കോ​ടി​യോ​ളം രൂ​പ​യാ​യി ഉ​യ​ർ​ന്നി​ട്ടു​ണ്ട്.
Copyright @ 2018 , Rashtra Deepika Ltd.