രാജപുരം/ഭീമനടി: സോയില്‍ ഹെല്‍ത്ത് കാര്‍ഡിലെ വിവരങ്ങള്‍ മലയാളത്തില്‍ നല്കുമെന്ന് ജില്ലാ കളക്‌ടര്‍ കെ. ഇമ്പശേഖര്‍ പറഞ്ഞു. നീതി ആയോഗിന്‍റെ ആസ്പിരേഷന്‍ ബ്ലോക്ക് പദ്ധതില്‍ ഉള്‍പ്പെട്ട പരപ്പ ബ്ലോക്ക് പഞ്ചായത്തില്‍ സമ്പൂര്‍ണത അഭിയന്‍റെ ഭാഗമായി പൂര്‍ത്തീകരിച്ച സോയില്‍ ഹെല്‍ത്ത് കാര്‍ഡുകളുടെ പഞ്ചായത്തുതല വിതരണ ചടങ്ങ് ഉദ്ഘാടനം കള്ളാറിലും ഭീമനടിയിലുമായി ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക് പ്രസിഡന്‍റ് എം. ലക്ഷ്മി അധ്യക്ഷത വഹിച്ചു.
കള്ളാര്‍ പഞ്ചായത്ത് ഹാളില്‍ നടന്ന ചടങ്ങില്‍ കള്ളാര്‍, പനത്തടി, കോടോം-ബേളൂര്‍ പഞ്ചായത്തുകളിലെ കര്‍ഷകര്‍ക്ക് ഹെല്‍ത്ത് കാര്‍ഡ് വിതരണം നടത്തി.
പനത്തടി പഞ്ചായത്ത് പ്രസിഡന്‍റ് പ്രസന്ന പ്രസാദ് മുഖ്യാതിഥിയായി. കള്ളാര്‍ വൈസ് പ്രസിഡന്‍റ് പ്രിയ ഷാജി, കള്ളാര്‍ പഞ്ചായത്ത് സ്ഥിരംസമിതി അധ്യക്ഷന്‍മാര്‍, പരപ്പ ബ്ലോക്ക് ഡെവലപ്മെന്‍റ് ഓഫീസര്‍ ജോസഫ് എം. ചാക്കോ, കളളാര്‍ പഞ്ചായത്ത് സെക്രട്ടറി എ. പ്രേമ എന്നിവര്‍ പ്രസംഗിച്ചു. കള്ളാര്‍ പഞ്ചായത്ത് പ്രസിഡന്‍റ് ടി.കെ. നാരായണന്‍ സ്വാഗതവും കള്ളാര്‍ കൃഷി ഓഫീസര്‍ ഹനീന നന്ദിയും പറഞ്ഞു.
ഭീമനടി വ്യാപാരഭവാനില്‍ നടന്ന ചടങ്ങില്‍ വെസ്റ്റ് എളേരി, കിനാനൂര്‍-കരിന്തളം, ഈസ്റ്റ് എളേരി, ബളാല്‍ പഞ്ചായത്തുകളിലെ കര്‍ഷകര്‍ക്കുള്ള മണ്ണ് ആരോഗ്യ കാര്‍ഡ് വിതരണം വെസ്റ്റ് എളേരി പഞ്ചായത്ത് വെച്ചാണ് സംഘടിപ്പിച്ചത്.
കിനാനൂര്‍-കരിന്തളം പ്രസിഡന്‍റ് ടി.കെ. രവി, ബളാല്‍ പഞ്ചായത്ത് പ്രസിഡന്‍റ് രാജു കട്ടക്കയം, ഈസ്റ്റ് എളേരി പഞ്ചായത്ത് പ്രസിഡന്‍റ് ജോസഫ് മുത്തോലി എന്നിവര്‍ മുഖ്യാതിഥികളായി. വെസ്റ്റ് എളേരി പഞ്ചായത്ത് വൈസ് പ്രസിഡന്‍റ് പി.സി. ഇസ്മയില്‍, വികസന കാര്യ സ്ഥിരം സമിതി അധ്യക്ഷന്‍ മുഹമ്മദ് ഷെരീഫ്, ബ്ലോക്ക് പഞ്ചായത്തംഗങ്ങളായ അന്നമ്മ മാത്യു, എ.വി. രാജേഷ്, വെസ്റ്റ് എളേരി പഞ്ചായത്ത് സെക്രട്ടറി സി.കെ. പങ്കജാക്ഷന്‍, കൃഷി ഓഫീസര്‍മാരായ ബെല്‍സി ബാബു, എസ്. ഉമ, നിഖില്‍ നാരായണന്‍, എ.ബി.പി. ഫെലോ, പി. അമൃത എന്നിവര്‍ സംബന്ധിച്ചു. വെസ്റ്റ് എളേരി പഞ്ചായത്ത് പ്രസിഡന്‍റ് ഗിരിജ മോഹന്‍ സ്വാഗതവും കൃഷി ഓഫീസര്‍ വി.വി. രാജീവന്‍ നന്ദിയും പറഞ്ഞു.