കാഞ്ഞങ്ങാട്: മുന്‍ ഡിസിസി പ്രസിഡന്‍റും മുന്‍ കെപിസിസി ജനറല്‍ സെക്രട്ടറിയും മുന്‍ ഉദുമ എംഎല്‍എയും ആയിരുന്ന കെ.പി. കുഞ്ഞിക്കണ്ണന്‍റെ നിര്യാണത്തില്‍ പുതിയകോട്ട മാന്തോപ്പ് മൈതാനിയില്‍ ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ സര്‍വകക്ഷി അനുശോചനയോഗം നടത്തി. ഡിസിസി പ്രസിഡന്‍റ് പി.കെ. ഫൈസല്‍ അധ്യക്ഷത വഹിച്ചു.
സിപിഎം ജില്ലാ സെക്രട്ടറി എം.വി. ബാലകൃഷ്ണന്‍, സിപിഐ ജില്ലാ സെക്രട്ടറി സി.പി. ബാബു, ബിജെപി സംസ്ഥാന സെക്രട്ടറി കെ. ശ്രീകാന്ത്, യുഡിഎഫ് ജില്ലാ കണ്‍വീനര്‍ എ. ഗോവിന്ദന്‍ നായര്‍, മുന്‍ ഡിസിസി പ്രസിഡന്‍റ് ഹക്കീം കുന്നില്‍, മുസ്‌ലിംലീഗ് ജില്ലാ വൈസ് പ്രസിഡന്‍റ് എന്‍.എ. ഖാലിദ്, കെപിസിസി സെക്രട്ടറി എം. അസിനാര്‍, ഡിസിസി ജനറല്‍ സെക്രട്ടറിമാരായ എം.സി. പ്രഭാകരന്‍, പി.വി. സുരേഷ്, കേരള കോണ്‍ഗ്രസ് ജില്ലാ പ്രസിഡന്‍റ് ജെറ്റോ ജോസഫ്, നഗരസഭ ചെയര്‍പേഴ്‌സണ്‍ കെ.വി. സുജാത, കേരള കോണ്‍ഗ്രസ്-എം ജില്ലാ സെക്രട്ടറി കെ.പി. പീറ്റര്‍, ആര്‍എസ്പി ജില്ലാ സെക്രട്ടറി ഹരീഷ് ബി. നമ്പ്യാര്‍, സിഎംപി സെന്‍ട്രല്‍ എക്‌സിക്യൂട്ടീവ് മെമ്പര്‍ വി. കമ്മാരന്‍, ഉദിനൂര്‍ സുകുമാരന്‍, മുഹമ്മദ് അസ്‌ലം, വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്‍റ് സി.കെ. ആസിഫ്, ബഷീര്‍ വെള്ളിക്കോത്ത്, ടി.കെ. സുധാകരന്‍ എന്നിവര്‍ പ്രസംഗിച്ചു.
പാണത്തൂർ: പാണത്തൂരിൽ നടന്ന സർവകക്ഷി അനുശോചന യോഗത്തിൽ പനത്തടി മണ്ഡലം കോൺഗ്രസ് പ്രസിഡന്‍റ് കെ.ജെ. ജയിംസ് അധ്യക്ഷത വഹിച്ചു.
പനത്തടി പഞ്ചായത്ത് പ്രസിഡന്‍റ് പ്രസന്ന പ്രസാദ്, പഞ്ചായത്ത് അംഗം രാധ സുകുമാരൻ, കർഷക കോൺഗ്രസ് ജില്ലാ ജനറൽ സെക്രട്ടറി ജോണി തോലമ്പുഴ, സിപിഎം ലോക്കൽ കമ്മിറ്റി അംഗം റോണി ആന്‍റണി, ബിജെപി നിയോജക മണ്ഡലം ജനറൽ സെക്രട്ടറി കെ.കെ. വേണുഗോപാൽ, സിപിഐ ലോക്കൽ സെക്രട്ടറി കെ.കെ. സുകുമാരൻ, മുസ്‌ലിംലീഗ് നിയോജകമണ്ഡലം കമ്മിറ്റി അംഗം എം. അബ്ബാസ്, സീനിയർ സിറ്റിസൺ ഫോറം സംസ്ഥാന സെക്രട്ടറി ജോർജ് വർഗീസ്, വ്യാപാരി വ്യവസായി ഏകോപന സമിതി പാണത്തൂർ യൂണിറ്റ് പ്രസിഡന്‍റ് പി.എൻ. സുനിൽകുമാർ, കോൺഗ്രസ് മണ്ഡലം വൈസ് പ്രസിഡന്‍റ് കെ.എം. വിജയകുമാരൻ നായർ, മണ്ഡലം ജനറൽ സെക്രട്ടറി സണ്ണി കുന്നംകുളം എന്നിവർ പ്രസംഗിച്ചു.
കരിന്തളം: കെ.പി. കുഞ്ഞിക്കണ്ണന്‍റെ നിര്യാണത്തിൽ അനുശോചിച്ചുകൊണ്ട് കിനാനൂർ-കരിന്തളം മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ കോയിത്തട്ടയിൽ സർവകക്ഷി അനുശോചനയോഗം ചേർന്നു. മണ്ഡലം കോൺഗ്രസ് പ്രസിഡന്‍റ് മനോജ് തോമസ് അധ്യക്ഷത വഹിച്ചു.
കെപിസിസി അംഗം ശാന്തമ്മ ഫിലിപ്പ്, സിപിഎം നേതാക്കളായ കയനി മോഹനൻ, ഒ.എം. ബാലക്യഷ്ണൻ, സിപിഐ വെളരിക്കുണ്ട് മണ്ഡലം സെക്രട്ടറി പുഷ്പരാജൻ, കേരള കോൺഗ്രസ് നേതാവ് മാത്യു മാഷ്, കാഞ്ഞങ്ങാട് ബ്ലോക്ക് കോൺഗ്രസ് പ്രസിഡന്‍റ് ഉമേശൻ വേളൂർ, ഐഎൻടിയുസി സംസ്ഥാന കമ്മറ്റിയംഗം സി.ഒ. സജി, മണ്ഡലം വൈസ് പ്രസിഡന്‍റ് അജയൻ വേളൂർ, സെക്രട്ടറി ബാലഗോപാലൻ കാളിയാനം എന്നിവർ പ്രസംഗിച്ചു.
കാലിച്ചാമരത്ത് നിന്നാരംഭിച്ച മൗനജാഥയ്ക്ക് ദിനേശൻ പെരിയങ്ങാനം, സിജോ പി. ജോസഫ്, അശോകൻ ആറളം, കണ്ണൻ പട്ട്ളം, ജയകുമാർ ചാമക്കുഴി, വിജിമോൻ കിഴക്കുംകര, റെജി തോമസ്, ജോണി കുന്നാണി,രാജീവൻ കൂവാറ്റി, ഹമീദ് കാലിച്ചാമരം, എ.യു. ചാക്കോ, തമ്പാൻ കരിമ്പിൽ എന്നിവർ നേത്യത്വം നല്കി.
ചിറ്റാരിക്കാൽ: കെ.പി. കുഞ്ഞിക്കണ്ണന്‍റെ വേർപാടിൽ അനുശോചിച്ച് ഈസ്റ്റ് എളേരി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ചിറ്റാരിക്കാലിൽ സർവകക്ഷി അനുശോചനയോഗം ചേർന്നു.
മാത്യു പടിഞ്ഞാറേൽ, ജോർജ് കരിമഠം, ടോമി പ്ലാച്ചേരി, ജോസഫ് മുത്തോലി, ശിവദാസൻ, ടി.ഡി.ജോണി, ചാക്കോ തെന്നിപ്ലാക്കൽ, ജോസ് കുത്തിയതോട്ടിൽ എന്നിവർ പ്രസംഗിച്ചു.
വെള്ളരിക്കുണ്ട്: കെ.പി. കുഞ്ഞിക്കണ്ണന്‍റെ നിര്യാണത്തിൽ അനുശോചിച്ച് വെള്ളരിക്കുണ്ടിൽ നടന്ന സർവകക്ഷിയോഗത്തിൽ മണ്ഡലം കോൺഗ്രസ് കമ്മിറ്റി പ്രസിഡന്‍റ് എം.പി. ജോസഫ് അധ്യക്ഷത വഹിച്ചു.
പഞ്ചായത്ത് പ്രസിഡന്‍റ് രാജു കട്ടക്കയം, കെപിസിസി മെംബർ മീനാക്ഷി ബാലകൃഷ്ണൻ, സിപിഎം ലോക്കൽ കമ്മിറ്റി അംഗം ടി. മോഹൻ, യുഡിഎഫ് കാഞ്ഞങ്ങാട് നിയോജകമണ്ഡലം കമ്മിറ്റി ചെയർമാൻ പ്രിൻസ് ജോസ്, മുസ്‌ലിംലീഗ് നേതാവ് ടി. അബ്ദുൾ ഖാദർ, ഡിസിസി അംഗം എൻ.ടി. വിൻസന്‍റ്, ബ്ലോക്ക് പഞ്ചായത്തംഗം ഷോബി ജോസഫ്, പി.കെ. ബാലചന്ദ്രൻ, വി.മാധവൻ നായർ, സിബിച്ചൻ പുളിങ്കാല, സണ്ണി കള്ളുവേലി, ജോസ് മണിയങ്ങാട്ട്, എൻ.ജെ. ജോർജ്, ജിമ്മി ഇടപ്പാടി, സാജൻ ജോസഫ്, കെ.ടി. തോമസ് എന്നിവർ പ്രസംഗിച്ചു.