നർക്കിലക്കാട്: വിദ്യാർഥികൾക്ക് ഉപകാരപ്രദമായ ട്രിപ്പുകൾ കെഎസ്ആർടിസി പുനരാരംഭിച്ചു. കാഞ്ഞങ്ങാട് നിന്ന് ഉച്ചക്ക് 2.20ന് പുറപ്പെട്ട് 2.45നു നീലേശ്വരം, 3.50നു എളേരി,പുങ്ങംച്ചാൽ വഴി മാലോത്തേക്കും തിരിച്ചു മാലോത്തു നിന്നു 4.10ന് പുറപ്പെട്ട് 4.30ന് എളേരി, 4.35ന് വരക്കാട് കടന്ന് ഭീമനടി, നീലേശ്വരം വഴി കാഞ്ഞങ്ങാടേക്കും പോകുന്നു. രാവിലെ 7.50നു ചെറുവത്തൂർ, 8.10 ചീമേനി, പള്ളിപ്പാറ, മുക്കട, ഭീമനടി വഴി എളേരി കോളേജിലേക്കും, തിരിച്ചു 9.00നു പുറപ്പെട്ട്, ഭീമനടി, നീലേശ്വരം വഴി കാഞ്ഞങ്ങാട് എത്തിച്ചേരും.
കാഞ്ഞങ്ങാട് നിന്ന് ഉച്ചക്ക് 1.35ന് പുറപ്പെട്ട് 2.10ന് നീലേശ്വരം, അണ്ടോൾ, മുക്കട വഴി എളേരിത്തട്ട് കോളജിലേക്കും 3.35നു കോളജിൽ നിന്ന് പുറപ്പെട്ട് ഭീമനടി, കരിന്തളം കോളേജ് വഴി നീലേശ്വരത്തും എത്തിച്ചേരും.
മുന്പ് ഓടിയ കെഎസ്ആർടിസി സർവീസിന്റെ ട്രിപ്പുകൾ പുനരാരംഭിച്ചത് ഫുൾ ടിക്കറ്റ് എടുത്തു യാത്ര ചെയ്യുന്ന വിദ്യാർഥികൾക്ക് വളരെ ഉപകാരപ്രദമായി. ബസിന് പഞ്ചായത്തംഗം സി.പി. സുരേഷ്, സിപിഎം ലോക്കൽ സെക്രട്ടറി ജനാർദ്ദനൻ, പാസഞ്ചേഴ്സ് അസോസിയേഷൻ കൺവീനർ എം.വി. രാജു എന്നിവരുടെ നേതൃത്വത്തിൽ വരക്കാട് സ്വീകരണം നൽകി.