കാഞ്ഞങ്ങാട്: വയനാട് ദുരന്തം ദേശീയദുരന്തമായി പ്രഖ്യാപിക്കണമെന്നും ദുരിതമനുഭവിക്കുന്ന ജനതയുടെ പുനരധിവാസം എത്രയുംവേഗം പൂർത്തിയാക്കണമെന്നും ഡിസിസി പ്രസിഡന്‍റ് പി.കെ.ഫൈസൽ ആവശ്യപ്പെട്ടു. കർഷക കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ മാന്തോപ്പ് മൈതാനിയിൽ നടത്തിയ വയനാട് ഐക്യദാർഢ്യ സദസ്സും സർവമത പ്രാർഥനയും ഉദ്ഘാടനം ചെയ്യുകയായിരുന്നു അദ്ദേഹം. കർഷക കോൺഗ്രസ് സംസ്ഥാന ജനറൽ സെക്രട്ടറി സോജൻ കുന്നേൽ വയനാട് ഐക്യദാർഢ്യ പ്രമേയം അവതരിപ്പിച്ചു. ഡോ.ടിറ്റോ ജോസഫ് അധ്യക്ഷനായി.
പി.വി.സുരേഷ്, അഡ്വ.കെ.എ.ജോയ്, അശോക് ഹെഗ്‌ഡെ, കെ.ശിവറാം ഭട്ട്, ഉമേശൻ വേളൂർ, സി.വി.ബാലകൃഷ്ണൻ, അനിൽ വാഴുന്നോറടി, സാബു എബ്രഹാം, ഇ.പി.കുഞ്ഞബ്ദുള്ള, ജോണി തോലമ്പുഴ, പ്രഭാകരൻ ചീമേനി, തിരുപ്പതി ഭട്ട്, സി.എ.ബാബു, നോബിൾ മാത്യു, എം.കുഞ്ഞികൃഷ്ണൻ, എബ്രഹാം കാരക്കാട് എന്നിവർ പ്രസംഗിച്ചു.