കള്ളാർ: കള്ളാർ പഞ്ചായത്തിന്റെയും കൃഷിഭവന്റെയും നേതൃത്വത്തിൽ നടന്ന കർഷകദിനാചരണം ഇ.ചന്ദ്രശേഖരൻ എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ടി.കെ.നാരായണൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് പ്രിയ ഷാജി, ജില്ലാ പഞ്ചായത്തംഗം ഷിനോജ് ചാക്കോ, പരപ്പ ബ്ലോക്ക് അംഗങ്ങളായ സി.രേഖ, ശ്രീലത, സ്ഥിരംസമിതി അധ്യക്ഷരായ കെ.ഗോപി, സന്തോഷ് വി.ചാക്കോ, പി.ഗീത, വാർഡ് അംഗങ്ങൾ, പനത്തടി സർവീസ് സഹകരണ ബാങ്ക് പ്രസിഡന്റ് ഷാലു മാത്യു, രാജപുരം അഗ്രികൾച്ചർ ഇംപ്രൂവ്മെന്റ് സഹകരണ ബാങ്ക് പ്രസിഡന്റ് പി.സി.തോമസ്, എ.നാരായണൻ, വിവിധ രാഷ്ട്രീയ പാർട്ടി പ്രതിനിധികൾ, കാർഷിക വികസന സമിതി അംഗം ടി.കെ. നാരായണൻ, പാടശേഖര പ്രതിനിധി സേതുമാധവൻ എന്നിവർ പ്രസംഗിച്ചു. കള്ളാർ കൃഷി ഓഫീസർ ഹനീന സ്വാഗതവും കൃഷി അസിസ്റ്റന്റ് പി.കെ ശാലിനി നന്ദിയും പറഞ്ഞു.
കർഷകരായ വി.സി.ജയിംസ്, കെ.കെ.കൃഷ്ണൻ, കെ.കെ.തോമസ്, ലീലാമ്മ കുര്യാക്കോസ്, ഷിനോ ഫിലിപ്പ്, ആർ.കുഞ്ഞികൃഷ്ണൻ, എം.എൻ.കുഞ്ഞമ്പു നായർ, പി.ഗീത, സന്ദേശ് എച്ച്.ഭട്ട്, സന്തോഷ് പിണർക്കയിൽ എന്നിവരെ ആദരിച്ചു.
ചിറ്റാരിക്കാൽ: ഈസ്റ്റ് എളേരി പഞ്ചായത്തിന്റെയും കൃഷിഭവന്റെയും ആഭിമുഖ്യത്തിൽ നടത്തിയ കർഷകദിനാചരണം പഞ്ചായത്ത് പ്രസിഡന്റ് ജോസഫ് മുത്തോലി ഉദ്ഘാടനം ചെയ്തു. വൈസ് പ്രസിഡന്റ് ഫിലോമിന ജോണി അധ്യക്ഷത വഹിച്ചു. ബ്ലോക്ക് പഞ്ചായത്തംഗം ജോസ് കുത്തിയതോട്ടിൽ, പഞ്ചായത്ത് സ്ഥിരം സമിതി ചെയർമാൻ കെ.കെ.മോഹനൻ, കൃഷി ഓഫീസർ എസ്.ഉമ, വി.ആർ.മനോജ്, ജയപ്രകാശ് എന്നിവർ പ്രസംഗിച്ചു. കാർഷിക മേഖലയിൽ മികവ് തെളിയിച്ച ടി.ജി.ശശിധരൻ, എൻ.കെ.ദേവി ചാവറഗിരി, ബിജു ലുക്കോസ്, അതുൽ കൃഷ്ണ, അഗസ്റ്റിൻ ജോസഫ്, ലക്ഷ്മണൻ, പി.വിശ്വനാഥ് എന്നിവരെ ആദരിച്ചു.
രാജപുരം:പനത്തടി സർവീസ് സഹകരണ ബാങ്ക് മികച്ച കർഷകർക്കായി ഏർപ്പെടുത്തിയ പുരസ്കാരവിതരണം ഇ.ചന്ദ്രശേഖരൻ എംഎൽഎ ഉദ്ഘാടനം ചെയ്തു. ടി.പി.ഷിബു, ലീലാമ്മ കുര്യാക്കോസ്, പ്രിൻസ് ജോയി, വന്ദന ബാലകൃഷ്ണൻ, അദ്വൈത് പ്രമോദ് എന്നിവർ പുരസ്കാരങ്ങൾ ഏറ്റുവാങ്ങി. ബാങ്ക് പ്രസിഡന്റ് ഷാലു മാത്യു അധ്യക്ഷതവഹിച്ചു. കള്ളാർ കൃഷി ഓഫീസർ കെ.എം.ഹനീന, പനത്തടി പഞ്ചായത്തംഗം എൻ.വിൻസെന്റ്, അബ്ദുൾ മജീദ്, കള്ളാർ ബാങ്ക് ഭരണസമിതി അംഗങ്ങളായ കെ.കെ.സുകുമാരൻ, ചിഞ്ചുമോൾ എന്നിവർ പ്രസംഗിച്ചു. ബാങ്ക് സെക്രട്ടറി ദീപുദാസ് സ്വാഗതം പറഞ്ഞു.