കാസർഗോഡ്: ജില്ലാ കോൺഗ്രസ് കമ്മിറ്റി ഓഫീസിൽ സ്വാതന്ത്ര്യദിനാഘോഷം നടത്തി. ഡിസിസി പ്രസിഡന്‍റ് പി.കെ.ഫൈസൽ ദേശീയ പതാക ഉയർത്തി. സ്വാതന്ത്ര്യസമരത്തിൽ ഏറെ സംഭാവനകൾ നൽകിയ കർഷക ജനതയുടെ അവകാശങ്ങളും ജീവിത പ്രശ്നങ്ങളും പരിഹരിക്കപ്പെടാതെ നീളുകയാണെന്ന് അദ്ദേഹം പറഞ്ഞു.
കെപിസിസി സെക്രട്ടറി കെ.നീലകണ്ഠൻ, കെപിസിസി അംഗം പി.എ.അഷ്‌റഫലി, നേതാക്കളായ എം.സി.പ്രഭാകരൻ, എം.കുഞ്ഞമ്പു നമ്പ്യാർ, വി.ആർ.വിദ്യാസാഗർ, യു.എസ്.ബാലൻ, എം.രാജീവൻ നമ്പ്യാർ, എ.വാസുദേവൻ, മനാഫ് നുള്ളിപ്പാടി, എം.വി.ഉദ്ദേശ് കുമാർ, ജവാദ് പുത്തൂർ, എ.ഷാഹുൽ ഹമീദ്, സി.അശോക് കുമാർ, പി.പി.സുമിത്രൻ, എം.എ.അബ്ദുൾ റസാഖ്, സി.കെ.വസന്തൻ, ജമീല അഹമ്മദ്, ബി.എ.ഇസ്മയിൽ, കെ.ശ്രീധരൻ നായർ, ഖാദർ മാന്യ, ആബിദ് എടച്ചേരി, ശ്രീനാഥ്‌ ബദിയടുക്ക എന്നിവർ പ്രസംഗിച്ചു.
ഭീമനടി: ഭീമനടി ഗ്രാമീണ കോടതിയിൽ ലോവർ ഡിവിഷൻ സിവിൽ ജഡ്ജ് സി.അബ്ദുൾ റാസിഖ് ദേശീയപതാക ഉയർത്തി. അഭിഭാഷകരായ വേണുഗോപാൽ എളേരി, സോജൻ കുന്നേൽ, മാത്യു നായ്ക്കംപറമ്പിൽ, ബിനീഷ് കുമാർ, പഞ്ചായത്തംഗം ടി.വി.രാജീവൻ എന്നിവർ പ്രസംഗിച്ചു.