ചിറ്റാരിക്കാൽ: തോമാപുരം സെന്‍റ് തോമസ് ഹയർ സെക്കൻഡറി സ്കൂളിൽ പ്രിൻസിപ്പൽ ഇൻ ചാർജ് ബിനു തോമസ് ദേശീയപതാക ഉയർത്തി. സ്കൂൾ മാനേജർ റവ.ഡോ.മാണി മേൽവെട്ടം സ്വാതന്ത്ര്യദിന സന്ദേശം നൽകി. പ്രിൻസിപ്പൽ എസ്ഐ കെ.ജി.രതീഷ് കുട്ടികളുടെ പരേഡിന് സല്യൂട്ട് സ്വീകരിച്ചു.
മുഖ്യാധ്യാപിക സിസ്റ്റർ കെ.എം.ലിനറ്റ്, പിടിഎ പ്രസിഡന്‍റ് ബിജു പുല്ലാട്ട്, ജോസ്കുട്ടി തോമസ്, ലിജോ തോമസ് എന്നിവർ പ്രസംഗിച്ചു. തുടർന്ന് മധുരപലഹാര വിതരണവും നടത്തി.
ചിറ്റാരിക്കാൽ: ഈസ്റ്റ് എളേരി സീനിയർ സിറ്റിസൺ ഫോറത്തിന്‍റെ ആഭിമുഖ്യത്തിൽ കടുമേനിയിൽ നടന്ന സ്വാതന്ത്ര്യ ദിനാഘോഷത്തിൽ പഞ്ചായത്ത് പ്രസിഡന്‍റ് ജോസഫ് മുത്തോലി പതാക ഉയർത്തി. വൈസ് പ്രസിഡന്‍റ് ഫിലോമിന ജോണി പരിപാടികൾ ഉദ്ഘാടനം ചെയ്തു.
കെ.സി.മൈക്കിൾ അധ്യക്ഷത വഹിച്ചു. ജോസഫ് വാഴയിൽ, ജേക്കബ് കാനാട്ട്, ജോർജ് പുള്ളിയിൽ, വി.ജെ.ജോസഫ്, ദേവസ്യ നരിമറ്റം, അബ്ദുൽ സലാം, രാമചന്ദ്രൻ ഗോക്കടവ്, അഗസ്റ്റിൻ അയ്യങ്കനാൽ എന്നിവർ പ്രസംഗിച്ചു.
മാസ്റ്റേഴ്സ് മീറ്റിൽ മൂന്ന് സ്വർണമെഡലുകൾ കരസ്ഥമാക്കിയ കെ.എം.ടാർളി, പാലിയേറ്റീവ് മേഖലയിൽ വർഷങ്ങളായി മികച്ച സേവനം നടത്തുന്ന ജോമോൾ സജി എന്നിവരെ യഥാക്രമം ജോസഫ് മുത്തോലി, വർക്കി തെങ്ങുംപള്ളി എന്നിവർ ആദരിച്ചു.
തയ്യേനി: സ്വാതന്ത്ര്യദിനത്തിൽ പ്രിയദർശിനി പുരുഷ സ്വയംസഹായ സംഘത്തിന്‍റെയും തയ്യേനി വാർഡ് കോൺഗ്രസ് കമ്മിറ്റിയുടെയും നേതൃത്വത്തിൽ പാലാവയൽ-തയ്യേനി റോഡിലെ കുണ്ടാരം ഭാഗത്ത് വാഹനങ്ങൾക്ക് അപകടകരമായ നിലയിൽ നിന്നിരുന്ന കാട് വെട്ടിത്തെളിച്ചു.
പഞ്ചായത്ത് പ്രസിഡന്‍റ് ജോസഫ് മുത്തോലി ഉദ്ഘാടനം ചെയ്തു. പ്രിയദർശിനി സ്വയംസഹായസംഘം സെക്രട്ടറി നിതിൻ ചാക്കോ, സന്തോഷ് പാലംതലയ്ക്കൽ, ജോബി മാത്യു, ബോബിൻ, ലിബിൻ, ജോബിൻ ഗോപാലകൃഷ്ണൻ, ജോർജ് കുന്നുംപുറം, ഗില്‍ റോയ്, ബെന്നി എന്നിവർ നേതൃത്വം നൽകി.
മാലക്കല്ല്: സെന്‍റ് മേരീസ് എയുപി സ്കൂളിൽ വൈവിധ്യമാർന്ന പരിപാടികളോടെ സ്വാതന്ത്ര്യദിനാഘോഷം നടന്നു. അസി.മാനേജർ ഫാ ജോബിഷ് തടത്തിൽ പതാക ഉയർത്തി സ്വാതന്ത്ര്യദിന സന്ദേശം നൽകി.
തുടർന്ന് കുട്ടികളുടെ മാസ് ഡ്രിൽ, ദേശഭക്തിഗാനം, പതാക നിർമാണ മത്സരം, സ്വാതന്ത്ര്യദിന റാലി, പ്രസംഗമത്സരം, നൃത്തശില്പം, ചോദ്യോത്തര പയറ്റ് തുടങ്ങിയ പരിപാടികൾ അരങ്ങേറി. മുഖ്യാധ്യാപകൻ എം.എ.സജി, പിടിഎ പ്രസിഡന്‍റ് എ.സി.സജി, മദർ പിടിഎ പ്രസിഡന്‍റ് ഷൈനി ടോമി, സ്റ്റാഫ് സെക്രട്ടറി ബിജു പി.ജോസഫ് എന്നിവർ പ്രസംഗിച്ചു. മധുര വിതരണവും നടന്നു.
വള്ളിക്കടവ്: സെന്‍റ് സാവിയോ ഇംഗ്ലീഷ് മീഡിയം സ്കൂളിലെ സ്വാതന്ത്ര്യദിനാഘോഷം പിടിഎ പ്രസിഡന്‍റ് മനോജ് മണ്ണൂർ ഉദ്ഘാടനം ചെയ്തു. പ്രിൻസിപ്പൽ സി.ലിയ മരിയ എസ്എബിഎസ് അധ്യക്ഷത വഹിച്ചു.
മാനേജർ സി.ടെസ്മി എസ്എബിഎസ്, വൈസ് പ്രിൻസിപ്പൽ സി.ക്രിസ്റ്റീന എസ്എബിഎസ്, മദർ പിടിഎ പ്രസിഡന്‍റ് ദീപ്തി ജോഷി കട്ടക്കയം, സ്കൂൾ ലീഡർ ജോൺ, ട്രീസ ലോറൻസ് എന്നിവർ പ്രസംഗിച്ചു. തുടർന്ന് കുട്ടികളുടെ കലാപരിപാടികളും ദേശഭക്തിഗാന മത്സരവും നടന്നു.
മാലോം: മാലോം ടൗണിൽ ബളാൽ പഞ്ചായത്ത് പ്രസിഡന്‍റ് രാജു കട്ടക്കയം ദേശീയ പതാക ഉയർത്തി. സ്ഥിരം സമിതി ചെയർമാൻ അലക്സ്‌ നെടിയകാലായിൽ, വാർഡ് അംഗം ശ്രീജ രാമചന്ദ്രൻ എന്നിവർ നേതൃത്വം നൽകി. ടൗണിൽ പായസ വിതരണവും നടത്തി.
കാഞ്ഞിരടുക്കം: ഉര്‍സുലൈന്‍ പബ്ലിക് സ്‌കൂളില്‍ നടന്ന സ്വാതന്ത്ര്യദിനാഘോഷത്തിൽ പ്രിന്‍സിപ്പല്‍ സിസ്റ്റര്‍ ബിജി മാത്യു ദേശീയ പതാക ഉയര്‍ത്തി. വൈസ് പ്രിന്‍സിപ്പല്‍ സിസ്റ്റര്‍ അനിത അധ്യക്ഷതവഹിച്ചു.
സ്റ്റാഫ് സെക്രട്ടറി എം.മോഹിനി, സീനിയര്‍ അധ്യാപിക കെ.നിര്‍മല എന്നിവര്‍ പ്രസംഗിച്ചു. ഇന്ത്യ മേക്കിങ്ങ് ഡിസ്‌പ്ലേ, സ്വാതന്ത്ര്യ സമര സേനാനികളുടെ സംഗമം, കലാപരിപാടികള്‍, മധുരപലഹാര വിതരണം എന്നിവ നടന്നു.
ചുള്ളിക്കര: ഗവ.എൽപി സ്കൂൾ സ്വാതന്ത്ര്യദിനാഘോഷം പഞ്ചായത്ത് വികസനകാര്യ സ്റ്റാന്‍റിംഗ് കമ്മിറ്റി ചെയർമാൻ കെ.ഗോപി ഉദ്ഘാടനം ചെയ്തു. പിടിഎ പ്രസിഡന്‍റ് അജയകുമാർ അധ്യക്ഷത വഹിച്ചു. റിട്ട. അധ്യാപകൻ ബേബി ജോസഫ് സ്വാതന്ത്ര്യദിന സന്ദേശം നൽകി.
എംപിടിഎ പ്രസിഡന്‍റ് സന്ധ്യ രാജേഷ്, സ്റ്റാഫ് സെക്രട്ടറി പി.ശോഭ എന്നിവർ പ്രസംഗിച്ചു. 24 വർഷത്തെ സൈനിക സേവനത്തിനു ശേഷം വിരമിച്ച കെ.ബാലനെ ചടങ്ങിൽ ആദരിച്ചു.
മുഖ്യാധ്യാപിക സി.മീനാക്ഷി സ്വാഗതവും സീനിയർ അസിസ്റ്റന്‍റ് കെ.ഉണ്ണികൃഷ്ണൻ നന്ദിയും പറഞ്ഞു.