കു​ര​ങ്ങ​നെ​തി​രേ പ​രാ​തി ന​ല്കാ​ൻ ഒ​രു ഗ്രാ​മം
Thursday, June 20, 2024 1:28 AM IST
സ്വ​ന്തം ലേ​ഖ​ക​ൻ

ചെ​റു​പു​ഴ: നാ​ട്ടു​കാ​രു​ടെ ഓ​മ​ന​യാ​യി​രു​ന്ന കാ​നം​വ​യ​ലി​ലെ രാ​മ​ൻ എ​ന്ന ഹ​നു​മാ​ൻ കു​ര​ങ്ങ് ഇ​പ്പോ​ൾ അ​ക്ര​മ​കാ​രി​യാ​യ​തോ​ടെ പ​രി​ക്കേ​റ്റ​ത് നി​ര​വ​ധി​യാ​ളു​ക​ൾ​ക്ക്. ഇ​ന്ന​ലെ രാ​വി​ലെ സ്കൂ​ളി​ലേ​ക്ക് ബ​സു​ക​യ​റാ​ൻ പോ​കു​ക​യാ​യി​രു​ന്ന കോ​ഴി​ച്ചാ​ൽ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ഒ​ൻ​പ​താം ക്ലാ​സ് വി​ദ്യാ​ർ​ഥി ജോ​സ​ഫ് ടി​ജോ​യെ പി​ന്നി​ൽ നി​ന്നെ​ക്കി കു​ര​ങ്ങ് ആ​ക്ര​മി​ച്ചു. കൈ​യി​ലും കാ​ലി​ലും മാ​ന്തി​യും ക​ടി​ച്ചും പ​രി​ക്കേ​ല്പി​ച്ചു. ഇ​തു​ര​ണ്ടാം ത​വ​ണ​യാ​ണ് ജോ​സ​ഫി​നെ കു​ര​ങ്ങ് ആ​ക്ര​മി​ക്കു​ന്ന​ത്. ജോ​സ​ഫ് പെ​രി​ങ്ങോം താ​ലൂ​ക്ക് ആ​ശു​പ​ത്രി​യി​ലെ​ത്തി ചി​കി​ത്സ​തേ​ടി. പോ​ലീ​സി​ൽ പ​രാ​തി​യും ന​ൽ​കി.

ആ​ദ്യ​ത്തെ ആ​ക്ര​മ​ണ​ത്തെ തു​ട​ർ​ന്ന് ജോ​സ​ഫ് പ്ര​തി​രോ​ധ കു​ത്തി​വ​യ്പ് എ​ടു​ത്തു​കൊ​ണ്ടി​രി​ക്കു​ക​യാ​ണ്. അ​തി​നി​ട​യി​ലാ​ണ് ര​ണ്ടാ​മ​തും ജോ​സ​ഫി​നെ ആ​ക്ര​മി​ക്കു​ന്ന​ത്. ഇ​തി​ന് മു​ന്പും പ​ല കു​ട്ടി​ക​ളേ​യും കു​ര​ങ്ങ് ആ​ക്ര​മി​ച്ച് പ​രി​ക്കേ​ല്പി​ച്ചി​ട്ടു​ണ്ട്. സ്ത്രീ​ക​ളേ​യും ഉ​പ​ദ്ര​വി​ക്കു​ന്നു​ണ്ട്. ഇ​തി​നാ​ൽ രാ​വി​ലെ​യു​ള്ള ന​ട​ത്തം പോ​ലും പ​ല​രും ഉ​പേ​ക്ഷി​ച്ചു.

കു​ട്ടി​ക​ളെ വീ​ടി​ന് പു​റ​ത്തി​റ​ക്കാ​ൻ ര​ക്ഷി​താ​ക്ക​ൾ​ക്ക് ഭ​യ​മാ​ണ്. പ​ച്ച​ക്ക​റി​ക​ൾ ഒ​ന്നു​പോ​ലും നി​ർ​ത്തി​ല്ല. മു​ഴു​വ​ൻ പ​റി​ച്ച് ന​ശി​പ്പി​ക്കും. കൊ​ക്കോ, വാ​ഴ എ​ല്ലാം ന​ശി​പ്പി​ക്കു​ന്നു. കോ​ഴി, ആ​ട് എ​ന്നി​വ​യെ എ​ല്ലാം ആ​ക്ര​മി​ക്കു​ന്നു. വ​ലി​യ മ​ര​ങ്ങ​ളി​ൽ​ക്ക​യ​റി വീ​ടു​ക​ളു​ടെ​യും ക​ട​ക​ളു​ടെ​യും മു​ക​ളി​ലേ​യ്ക്ക് ചാ​ടു​ന്ന​തി​നാ​ൽ ഓ​ടു​ക​ൾ പൊ​ട്ടു​ക​യും അ​ലു​മി​നി​യം ഷീ​റ്റു​ക​ൾ ഉ​ൾ​പ്പെ​ടെ ത​ക​രു​ക​യും ചെ​യ്യു​ന്നു.

കാ​നം​വ​യ​ലി​ലും ഇ​പ്പോ​ൾ ഇ​വ​ൻ പ്ര​ശ്ന​ക്കാ​ര​നാ​യി മാ​റി​യി​രി​ക്കു​ന്നു. കൂ​ട്ടം തെ​റ്റി ചെ​റു​താ​യി​രു​ന്ന​പ്പോ​ൾ ഇ​വി​ടെ​യെ​ത്തി​യ കു​ര​ങ്ങി​നെ ഇ​വി​ടെ​യു​ള്ള​വ​രാ​ണ് ഭ​ക്ഷ​ണം കൊ​ടു​ത്ത് സം​ര​ക്ഷി​ച്ച​ത്. രാ​മ​ൻ എ​ന്ന പേ​രു​മി​ട്ടു. നാ​ട്ടു​കാ​രു​ടെ ഓ​മ​ന​യാ​യ ഹ​നു​മാ​ൻ കു​ര​ങ്ങി​നെ​ക്കു​റി​ച്ച് ദീ​പി​ക മു​ൻ​പ് വാ​ർ​ത്ത ചെ​യ്തി​രു​ന്നു. ഇ​പ്പോ​ഴും രാ​മാ എ​ന്ന് കാ​നം​വ​യ​ലു​കാ​ർ വി​ളി​ച്ചാ​ൽ കു​ര​ങ്ങ് ഓ​ടി​യെ​ത്തും. എ​ന്നാ​ൽ ഇ​ന്ന് ഇ​വ​ൻ എ​ല്ലാ​വ​ർ​ക്കും ഒ​രു പേ​ടി സ്വ​പ്ന​മാ​ണ്. കാ​നം​വ​യ​ലി​ലെ​ത്തു​ന്ന സ​ഞ്ചാ​രി​ക​ളേ​യും ഇ​വ​ൻ ആ​ക്ര​മി​ക്കു​ന്നു.

ക​ഴി​ഞ്ഞ ദി​വ​സം കാ​നം​വ​യ​ലി​ലെ​ത്തി​യ നാ​ലു​യു​വാ​ക്ക​ളെ ആ​ക്ര​മി​ച്ചി​രു​ന്നു. ഇ​വ​ർ ഭ​യ​ന്ന് നി​ല​വി​ളി​ച്ച് ഓ​ടി സ​മീ​പ​ത്തെ വീ​ടു​ക​ളി​ൽ​ക്ക​യ​റി​യാ​ണ് ര​ക്ഷ​പ്പെ​ട്ട​ത്. ഒ​രു കു​ര​ങ്ങു കാ​ര​ണം ജീ​വി​ക്കാ​ൻ ക​ഴി​യാ​ത്ത അ​വ​സ്ഥ​യി​ലാ​യി​രി​ക്കു​ക​യാ​ണ് നാ​ട്. നാ​ട്ടു​കാ​ർ മാ​സ് പെ​റ്റീ​ഷ​ൻ ത​യാ​റാ​ക്കി ചെ​റു​പു​ഴ പ​ഞ്ചാ​യ​ത്തി​ലും കൃ​ഷി​ഭ​നി​ലും ഫോ​റ​സ്റ്റ് അ​ധി​കൃ​ത​ർ​ക്കും ന​ൽ​കി​യെ​ങ്കി​ലും ഒ​രു ന​ട​പ​ടി​യു​മു​ണ്ടാ​യി​ട്ടി​ല്ല.
Copyright @ 2018 , Rashtra Deepika Ltd.