കൂരാച്ചുണ്ട്: മുൻ പ്രധാനമന്ത്രിയായിരുന്ന രാജീവ്ഗാന്ധിയുടെ ജന്മദിനത്തോനുബന്ധിച്ച് കൂരാച്ചുണ്ട് കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ അനുസ്മരണവും പുഷ്പാർച്ചനയും നടത്തി.
കോൺഗ്രസ് മണ്ഡലം പ്രസിഡന്റ് ജോൺസൺ താന്നിക്കൽ, പഞ്ചായത്ത് പ്രസിഡന്റ് പോളി കാരക്കട, മണ്ഡലം വൈസ് പ്രസിഡന്റ് പയസ് വെട്ടിക്കാട്ട്, ഷാജി ഒറ്റപ്ലാക്കൽ, ബിജു മാണി, ജെറിൻ കുര്യാക്കോസ്, സിബി കാരക്കട, അജ്മൽ ചാലിടം എന്നിവർ പങ്കെടുത്തു.
പേരാമ്പ്ര: മുൻ പ്രധാനമന്ത്രി രാജീവ് ഗാന്ധിയുടെ എൺപതാം ജൻമദിനം പേരാമ്പ്ര മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ സദ്ഭാവനാ ദിനമായി ആചരിച്ചു. പുഷ്പാർച്ചനയും അനുസ്മരണയോഗവും പ്രവാസി കോൺഗ്രസ് സംസ്ഥാന വൈസ് പ്രസിഡന്റ് കെ.സി. രവീന്ദ്രൻ ഉദ്ഘാടനം ചെയ്തു.
മണ്ഡലം കോൺഗ്രസ് പ്രസിഡന്റ് പി.എസ്. സുനിൽകുമാർ അധ്യക്ഷത വഹിച്ചു. ബ്ലോക്ക് കോൺഗ്രസ് വൈസ് പ്രസിഡന്റ് ബാബു തത്തക്കാടൻ, ബ്ലോക്ക് ജനറൽ സെക്രട്ടറി ഇ.പി. മുഹമ്മദ്, കെ. മഞ്ജുള, ശശി ശിശിരം, കെ.പി. മായൻകുട്ടി എന്നിവർ പ്രസംഗിച്ചു.
കോഴിക്കോട്: മുൻ പ്രധാനമന്ത്രി രാജീവ് ഗാന്ധിയുടെ ജന്മദിനം എരഞ്ഞിപ്പാലം മണ്ഡലം കോൺ ഗ്രസ് കമ്മിറ്റിയുടെ നേതൃത്വത്തിൽ ആഘോഷിച്ചു. രാജീവ് ഗാന്ധിയുടെ ഛായാ ചിത്രത്തിൽ പുഷ്പാർച്ചന നടത്തി. പി.എസ്. ജയപ്രകാശ് കുമാർ, എ. വത്സലൻ, എം. സുമേഷ്, കെ. ജയപ്രകാശ്, യു.ബി. ബ്രിജി, ടി.വി. പുരുഷോത്തമൻ, പി. ബാലസുബ്രഹ്മണ്യൻ, ടി. അശോകൻ എന്നിവർ നേതൃത്വം നൽകി.
സദ്ഭാവന പ്രതിജ്ഞ ഡിസിസി സെക്രട്ടറി എൻ.വി. ബാബുരാജ് ചെല്ലിക്കൊടുത്തു. മണ്ഡലം കോൺഗ്രസ് പ്രസിഡന്റ് സി.എ. തോമസ് അധ്യക്ഷത വഹിച്ചു.
താമരശേരി: മുൻ പ്രധാനമന്ത്രി രാജീവ് ഗാന്ധിയുടെ ജൻമദിനത്തിൽ താമരശേരി മണ്ഡലം കോൺഗ്രസ് കമ്മറ്റിയുടെ ആഭിമുഖ്യത്തിൽ പുഷ്പാർച്ചനയും അനുസ്മരണവും നടത്തി. മണ്ഡലം പ്രസിഡന്റ് എം.സി. നാസിമുദ്ദീൻ അധ്യക്ഷത വഹിച്ചു. ബ്ലോക്ക് കോൺഗ്രസ് പ്രസിഡന്റ് പി. ഗിരീഷ് കുമാർ പ്രതിജ്ഞ ചൊല്ലി. കെപിസിസി അംഗം പി.സി. ഹബീബ് തമ്പി അനുസ്മരണ പ്രഭാഷണം നടത്തി.