കൂടരഞ്ഞി: ഓയിസ്ക ഇന്റർനാഷണൽ കൂടരഞ്ഞി ചാപ്റ്ററും സെന്റ് സെബാസ്റ്റ്യൻസ് ഹയർസെക്കൻഡറി സ്കൂൾ സാമൂഹ്യശാസ്ത്ര ക്ലബും ചേർന്ന് വിദ്യാർഥികൾക്കായി ഒളിമ്പിക്സ് ക്വിസ് മത്സരം സംഘടിപ്പിച്ചു. ഓയിസ്ക ചാപ്റ്റർ പ്രസിഡന്റ് അജു പ്ലാക്കാട്ട് മത്സരം ഉദ്ഘാടനം ചെയ്തു.
ഹൈസ്കൂൾ വിഭാഗത്തിൽ ജെഫിൻ ജോസഫ്, മുഹമ്മദ് റിഷാൽ, അശ്വിൻ ലിത്തേഷ് എന്നിവരും യുപി വിഭാഗത്തിൽ ജൂഡ് ഷിന്റോ, ഡെൽന ബിജു, എവിൻ ഡേവിസ് ബൈജു എന്നിവരും ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. സമാപന ചടങ്ങിൽ സ്കൂൾ അസിസ്റ്റന്റ് മാനേജർ ഫാ. ജോബിൻ കണ്ണാട്ട് വിജയികൾക്ക് മെമന്റോയും ക്യാഷ് അവാർഡും സമ്മാനിച്ചു.
ജയ്സൺ മാസ്റ്റർ, ജോഷി ആലുങ്കൽ, ഷിന്റോ മാനുവൽ എന്നിവർ നേതൃത്വം നൽകി. സാമൂഹ്യശാസ്ത്ര ക്ലബ് കൺവീനർ സൗമ്യ റോസ് മാർട്ടിൻ, ആശ ആന്റണി, ഓയിസ്ക പ്രതിനിധികളായ സജി പെണ്ണാപറമ്പിൽ, ജോബി പുതിയേടത്ത്, ജോസ് മൂക്കിലക്കാട്ട്, അനൂപ് മണിമലയിൽ, ബേബി പുറവക്കാട്ട്, രാജു പുഞ്ചത്തറപ്പിൽ, ബിജു നിറം, ഷാജി കടമ്പനാട്, ബിജു മറ്റത്തിൽ എന്നിവർ പങ്കെടുത്തു.