ഫ്ളാ​ഗ് ച​ല​ഞ്ചി​ലൂ​ടെ കു​രു​ന്നു​ക​ൾ സ​മാ​ഹ​രി​ച്ച കാ​ൽ​ല​ക്ഷം രൂ​പ ദു​രി​താ​ശ്വാ​സ ഫ​ണ്ടി​ലേ​ക്ക്
Tuesday, August 20, 2024 2:51 AM IST
തോ​ട്ടു​മു​ക്കം: ഉ​രു​ൾ​പൊ​ട്ട​ൽ ദു​ര​ന്തം വി​ത​ച്ച വ​യ​നാ​ടി​ന്‍റെ അ​തി​ജീ​വ​ന​ത്തി​ൽ പ​ങ്കാ​ളി​ക​ളാ​യി കൊ​ടി​യ​ത്തൂ​ർ തോ​ട്ടു​മു​ക്കം ഗ​വ. യു​പി സ്കൂ​ളി​ലെ കു​രു​ന്നു​ക​ൾ. ഫ്ളാ​ഗ് ച​ല​ഞ്ചി​ലൂ​ടെ ദേ​ശീ​യ പ​താ​ക വി​റ്റ് വി​ദ്യാ​ർ​ഥി​ക​ൾ സ്വ​രൂ​പി​ച്ച 25,710 രൂ​പ​യാ​ണ് വ​യ​നാ​ടി​നാ​യി ന​ൽ​കി​യ​ത്. ഈ ​തു​ക മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്കാ​യി കു​ട്ടി​ക​ൾ നേ​രി​ട്ട് കോ​ഴി​ക്കോ​ട് ക​ള​ക്ട​റേ​റ്റി​ലെ​ത്തി ജി​ല്ലാ ക​ള​ക്ട​ർ സ്നേ​ഹി​ൽ​കു​മാ​ർ സിം​ഗി​ന് കൈ​മാ​റി.

ത​ങ്ങ​ളെ പോ​ലെ​യു​ള്ള നി​ര​വ​ധി കു​ട്ടി​ക​ളെ​യും ബാ​ധി​ച്ച ദു​ര​ന്ത​ത്തി​ൽ ത​ങ്ങ​ളാ​ലാ​കു​ന്ന​ത് ചെ​യ്യു​ക​യെ​ന്ന ല​ക്ഷ്യ​ത്തോ​ടെ​യാ​യി​രു​ന്നു സ​ർ​ക്കാ​ർ വി​ദ്യാ​ല​യ​ത്തി​ലെ കു​ട്ടി​ക​ൾ ഫ്ളാ​ഗ് ച​ല​ഞ്ചു​മാ​യി രം​ഗ​ത്തി​റ​ങ്ങി​യ​ത്. ഈ ​ദൗ​ത്യ​ത്തി​ൽ സ്കൂ​ളി​ലെ അ​ധ്യാ​പ​ക​രും മ​റ്റു ജീ​വ​ന​ക്കാ​രും പി​ടി​എ ഉ​ൾ​പ്പെ​ടെ​യു​ള്ള​വ​രും പി​ന്തു​ണ ന​ൽ​കി.

വ​യ​നാ​ട് ദു​ര​ന്ത​ത്തി​ൽ അ​ക​പ്പെ​ട്ട കു​രു​ന്നു​ക​ൾ​ക്കാ​യി തോ​ട്ടു​മു​ക്കം സ്കൂ​ളി​ലെ ഇ​തേ വി​ദ്യാ​ർ​ഥി​ക​ൾ നേ​ര​ത്തെ ക​ളി​പ്പാ​ട്ട​ങ്ങ​ളും ഡ്രോ​യിം​ഗ് ബു​ക്കു​ക​ളും മ​റ്റും ന​ൽ​കി​യി​രു​ന്നു. ചി​ല​ർ ത​ങ്ങ​ൾ​ക്കു ല​ഭി​ച്ച പി​റ​ന്നാ​ൾ സ​മ്മാ​ന​ങ്ങ​ളും ഇ​ഷ്ട​പ്പെ​ട്ട സാ​ധ​ന​ങ്ങ​ൾ വാ​ങ്ങാ​നാ​യി സ്വ​രൂ​പി​ച്ച തു​ക​യും മ​റ്റു​മാ​യാ​ണ് സ്കൂ​ളി​ലെ​ത്തി​യ​ത്.

അ​വ​യെ​ല്ലാം സ​മാ​ഹ​രി​ച്ച് അ​ധ്യാ​പ​ക​ർ വ​യ​നാ​ട്ടി​ലെ ദു​രി​താ​ശ്വാ​സ ക്യ​ന്പു​ക​ളി​ലെ കു​ട്ടി​ക​ൾ​ക്ക് എ​ത്തി​ച്ചു​ന​ൽ​കു​ക​യാ​യി​രു​ന്നു. മാ​തൃ​കാ​പ​ര​മാ​യ പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കി​യ വി​ദ്യാ​ർ​ഥി​ക​ളെ ക​ള​ക്ട​ർ അ​ഭി​ന​ന്ദി​ച്ചു. സ്കൂ​ൾ പ്ര​ധാ​നാ​ധ്യാ​പി​ക ബി. ​ഷെ​റീ​ന, പി​ടി​എ ഭാ​ര​വാ​ഹി​ക​ൾ എ​ന്നി​വ​ർ​ക്കൊ​പ്പ​മാ​ണ് വി​ദ്യാ​ർ​ഥി​ക​ൾ ക​ള​ക്ട​റേ​റ്റി​ലെ​ത്തി​യ​ത്.
Copyright @ 2018 , Rashtra Deepika Ltd.