കൂരാച്ചുണ്ട്: വെൽഫെയർ പാർട്ടി മുൻ മണ്ഡലം വൈസ് പ്രസിഡന്റും കൂരാച്ചുണ്ട് പഞ്ചായത്ത് കമ്മിറ്റി പ്രസിഡന്റുമായിരുന്ന കല്ലാനോട് ചാലിൽമീത്തൽ സി.എം. നാരായണന്റെ അനുസ്മരണ പരിപാടി ബാലുശേരി മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ചു. ജില്ലാ വൈസ് പ്രസിഡന്റ് ശശീന്ദ്രൻ ബപ്പൻകാട് അധ്യക്ഷത വഹിച്ചു. മണ്ഡലം സെക്രട്ടറി ടി.നജ്മുദ്ദീൻ, പഞ്ചായത്ത് പ്രസിഡന്റ് പോളി കാരക്കട, പഞ്ചായത്ത് വികസന കാര്യ സ്റ്റാൻഡിംഗ് കമ്മിറ്റി ചെയർമാൻ ഒ.കെ.അമ്മദ്, പഞ്ചായത്തംഗങ്ങളായ അരുണ് ജോസ്, വിൽസണ് പാത്തിച്ചാലിൽ, ജോബി വാളിയാംപ്ലാക്കൽ, ബാലൻ നിർമല്ലൂർ എന്നിവർ പ്രസംഗിച്ചു.
കൊയിലാണ്ടി: അഡ്വ. ഇ. രാജഗോപാലൻ നായരുടെ 31-ാം അനുസ്മരണ സമ്മേളനം വനംമന്ത്രി എ.കെ. ശശീന്ദ്രൻ ഉദ്ഘാടനം ചെയ്തു. എൻസിപി ജില്ലാ പ്രസിഡന്റ് മുക്കം മുഹമ്മദ് അധ്യക്ഷത വഹിച്ചു. മുൻ മന്ത്രി സി.കെ. നാണു മുഖ്യപ്രഭാഷണം നടത്തി. അഡ്വ. കെ. പ്രവീണ്കുമാർ, അഡ്വ.കെ. സത്യൻ, അഡ്വ. സുനിൽ മോഹൻ, അഡ്വ. എ.വിനോദ് കുമാർ, സി. സത്യചന്ദ്രൻ, പി. ചാത്തപ്പൻ, പി.കെ.എം. ബാലകൃഷ്ണൻ, കെ.ടി.എം. കോയ, സി.രമേശൻ, ഇ.എസ്. രാജൻ എന്നിവർ സംസാരിച്ചു.