അങ്ങാടിപ്പുറം: പെന്ഷന് പരിഷ്കരണ നടപടികള് ആരംഭിക്കുക, അഞ്ചുഗഡു (19 ശതമാനം) ക്ഷാമാശ്വാസം അനുവദിക്കുക, പെന്ഷന് പരിഷ്കരണ കുടിശികകള് വിതരണം ചെയ്യുക, ജീവാനന്ദം പദ്ധതി ഉപേക്ഷിക്കുക, മെഡിസെപ്പിലെ ന്യൂനതകള് പരിഹരിക്കുക എന്നീ ആവശ്യങ്ങള് ഉന്നയിച്ച് മക്കരപ്പറമ്പ് സബ് ട്രഷറിക്കു മുന്നില് കെഎസ്എസ്പിഎ മങ്കട നിയോജക മണ്ഡലം കമ്മിറ്റി പ്രതിഷേധ ധര്ണയും വിശദീകരണ യോഗവും നടത്തി.
നിയോജക മണ്ഡലം പ്രസിഡന്റ് സി.എ സുരേഷ്ബാബു ഉദ്ഘാടനം ചെയ്തു. വി.ജെ സ്വര്ഗകുമാര്, സേതുമാധവന്, പി. ശിവശങ്കരന്, പി.പി ഹരികൃഷ്ണന്, ടി. ഇന്ദിര, പി.ടി വര്ഗീസ്, പി.രാജഗോപാലന് എന്നിവര് പ്രസംഗിച്ചു.
നിലമ്പൂര്: നിലമ്പൂര് നിയോജകമണ്ഡലം കമ്മിറ്റി പ്രതിഷേധ ധര്ണയും പ്രകടനവും നടത്തി. ഡിസിസി പ്രസിഡന്റ് വി.എസ്. ജോയി ധര്ണ ഉദ്ഘാടനം ചെയ്തു. നിയോജകമണ്ഡലം പ്രസിഡന്റ് സണ്ണി കുര്യന് അധ്യക്ഷത വഹിച്ചു.
ബ്ലോക്ക് കോണ്ഗ്രസ് മുന് പ്രസിഡന്റ് എ. ഗോപിനാഥ്, എം.സി. മാത്തുക്കുട്ടി, സി.പി. തോമസ്, സി. രാമകൃഷ്ണന്, ബാബു കല്ലായി, യൂസഫ് സിദ്ദീഖ്, ടി.പി. ഷൗക്കത്തലി, എന്.പി. രാമകൃഷ്ണന്, എം.വി. മാത്യു എന്നിവര് പ്രസംഗിച്ചു.