ആറു മണിക്കൂർ നീണ്ട പോരാട്ടത്തിൽ 80 നീക്കങ്ങളിലായിരുന്നു ഗുകേഷ് വിജയിച്ചത്. അതോടെ ഇന്ത്യ 2.5-1.5നു ചൈനയെ തോൽപ്പിച്ചു. ലോക ചാന്പ്യനായ ഡിങ് ലിറനു വിശ്രമം നൽകിയാണ് ചൈന ഏഴാം റൗണ്ടിനിറങ്ങിയത്.
അതേസമയം, വനിതാ വിഭാഗത്തിൽ വന്തിക അഗർവാൾ ഗ്രാൻഡ്മാസ്റ്റർ ബെല്ല ഖോട്ടനാഷ്വില്ലിയെ അട്ടിമറിച്ച് ജോർജിയയ്ക്കെതിരേ ഇന്ത്യക്കു ലീഡ് നൽകി. വൈശാലി ഇന്ത്യയുടെ വിജയം ഉറപ്പിച്ചപ്പോൾ ദിവ്യ ദേശ്മുഖ് - നിനോ ബാറ്റ്സിയാഷ്വിലി മത്സരവും ഹരിക ദ്രോണവല്ലി - നാനാ ദ്സാഗ്നിഡ്സെ പോരാട്ടവും സമനിലയിൽ അവസാനിച്ചു. അതോടെ ഇന്ത്യക്കു 3-1ന്‍റെ ജയം.