52ലെ ഹെൽസിങ്കി ഒളിന്പിക്സിനായി അദ്ദേഹം വീണ്ടും യോഗ്യത നേടിയെങ്കിലും മദ്രാസ് ലയോള കോളജിൽനിന്നു ബിരുദം കഴി ഞ്ഞ് ഇന്ത്യൻ എയർഫോഴ്സിൽ ജോലിയിൽ പ്രവേശിച്ചിരുന്ന സമയമായിരുന്നു.
പരിശീലനക്കാലയളവ് ആയിരുന്നതിനാൽ സീനിയോറിറ്റി നഷ്ടപ്പെടും എന്ന് ഇന്ത്യൻ എയർ ഫോഴ്സ് അധികൃതർ അറിയിച്ചതിനെത്തുടർന്ന് ഒളിന്പിക്സ് സ്വപ്നം ഉപേക്ഷിക്കുകയായിരുന്നു. അതോടെ നാലോ അഞ്ചോ ഒളിന്പിക്സിൽ മെഡൽ ലഭിക്കാമായിരുന്ന ഒരു താരം അസ്തമിക്കുകയായിരുന്നു.
അറിഞ്ഞനാൾ മുതലേ ഈ ഇതിഹാസത്തെ അടുത്തറിയണം എന്നൊരു താത്പര്യം ഉണ്ടായിരുന്നു. അതിശയകരമെന്നു പറയട്ടെ, ഞാൻ കാലിക്കട്ട് യൂണിവേഴ്സിറ്റി കോച്ച് ആയിരുന്ന സമയത്ത് അന്തർ സർവകലാശാല അത്ലറ്റിക് മത്സരത്തിൽ പങ്കെടുക്കാൻ അദ്ദേഹത്തിന്‍റെ മൂത്തമകൻ മാർക്ക് റെബല്ലോ ഡൽഹി യൂണിവേഴ്സിറ്റിയെ പ്രതിനിധീകരിച്ച് സെന്‍റ് സ്റ്റീഫൻസ് കോളജിൽനിന്ന് എത്തുകയും ട്രിപ്പിൾ ജംപിൽ സ്വർണവും ലോംഗ് ജംപിൽ വെള്ളിയും നേടുകയും ചെയ്തു. അതോടെ ഞങ്ങൾ തമ്മിൽ ഒരു സൗഹൃദം ആരംഭിക്കുകയായിരുന്നു, ഒപ്പം ട്രിപ്പിൾ ജംപിലെ ഇതിഹാസമായ ഹെൻറി റെബല്ലോയുമായും.
(കാലിക്കട്ട് യൂണിവേഴ്സിറ്റിയെ പലതവണ അന്തർസർവകലാശാല ചാന്പ്യന്മാരാക്കിയ അത്ലറ്റിക് കോച്ചാണ് ഡോ. എസ്.എസ്. കൈമൾ)