2018 ലോകകപ്പിൽ ക്രൊssssssssssssssssssssssssയേഷ്യയെ ചരിത്രപരമായ രണ്ടാം സ്ഥാനത്തേക്കും 2022 ലോകകപ്പിൽ മൂന്നാം സ്ഥാനത്തേക്കും നയിച്ച ശേഷം ഒരു അന്താരാഷ്ട്ര കിരീടത്തോടെ ഈ സുവർണ കരിയറിനു വിരാമമിടുകയാണു ലക്ഷ്യം.
മാനുവൽ നോയർ മാർച്ചിൽ 38 വയസ് തികഞ്ഞ ജർമനിയുടെ ഗോൾകീപ്പർ മാനുവൽ നോയർ 2024 യൂറോ ചാന്പ്യൻഷിപ്പോടെ വിരമിക്കുമെന്നാണു കരുതുന്നത്.
2022 ലോകകപ്പിൽ ഗ്രൂപ്പ് ഘട്ടത്തിൽ പുറത്തായ നോയർ പിന്നീട് ദേശീയ ടീമിനായി കളിച്ചിട്ടില്ല. പരിക്കിനെത്തുടർന്ന് ഏകദേശം ഒരു വർഷത്തോളം കളിക്കളത്തിൽനിന്നു വിട്ടുനിൽക്കുകയും ചെയ്തു. 2024ൽ രണ്ട് അന്താരാഷ്ട്ര സൗഹൃദ മത്സരങ്ങളിൽ കളിച്ചു.
ജർമനിയുടെ ഫസ്റ്റ് ചോയ്സ് കീപ്പർ ആണെങ്കിലും, നോയർ യൂറോയിൽ എല്ലാ മത്സരങ്ങളും കളിക്കാൻ സാധ്യത കുറവാണ്. എന്നാൽ നോയർ പരിക്കിലൊന്നും പെടാതെ യൂറോ 2024-ൽ നിറഞ്ഞു കളിച്ചാൽ ജർമൻ ആരാധകർക്ക് ’സ്വീപ്പർ കീപ്പറുടെ’ അതുല്യമായ പ്രകടനം കാണാനുള്ള അവസാന അവസരമാകും.
ക്രിസ്റ്റ്യാനോ റൊണാൾഡോ ക്രിസ്റ്റ്യാനോ റൊണാൾഡോ ആറാം തവണയും യൂറോയിൽ കളിക്കാൻ ഒരുങ്ങുകയാണ്. നിലവിൽ അഞ്ചു യൂറോ കളിച്ചിട്ടുള്ള സ്പെയിനിന്റെ മുൻ ഗോൾകീപ്പർ ഇകർ കസിയെസിനൊപ്പം റിക്കാർഡ് പങ്കിടുകയാണ്.
39 വയസായെങ്കിലും പ്രായത്തെ വെല്ലുന്ന അത്ലറ്റിസിസവും ഫിറ്റ്നസ് നിലവാരവും റൊണാൾഡോയെ ശ്രദ്ധേയനാക്കുന്നു. ഇപ്പോഴും പോർച്ചുഗലിന്റെ ഒരു പ്രധാന കളിക്കാരനായി തുടരുന്നു.
എന്നാൽ യൂറോ 2024 പതിപ്പ് റൊണാൾഡോ മിന്നലാട്ടം ആരാധകർക്ക് ആസ്വദിക്കാനുള്ള അവസാന അവസരമായാണ് കരുതുന്നത്. ഭാവിയെക്കുറിച്ച് റൊണാൾഡോയോ പോർച്ചുഗൽ മാനേജ്മെന്റോ ഇതുവരെ ഒന്നും വെളിപ്പെടുത്തിയിട്ടില്ല.
അടുത്ത യൂറോ നടക്കുന്പോൾ, അന്താരാഷ്ട്ര ഫുട്ബോളിലെ ഏറ്റവും ഉയർന്ന സ്കോററായ റൊണാൾഡോയ്ക്ക് 43 വയസ് ആകും. ആ പ്രായത്തിൽ വീണ്ടും കളത്തിലെത്താനുള്ള സാധ്യത കുറവാണ്. യൂറോപ്യൻ ചാന്പ്യൻഷിപ്പിലെ ഏറ്റവും പ്രായം കൂടിയ കളിക്കാരനെന്ന റിക്കാർഡ് ഹംഗറി ഗോൾകീപ്പർ ഗാബോർ കിരാലിയുടെ (40 വർഷവും 86 ദിവസവും) പേരിലാണ്. എന്നാൽ ഒരു ഫോർവേഡ് റോളിന് ആവശ്യപ്പെടുന്ന കാര്യങ്ങൾ കണക്കിലെടുക്കുന്പോൾ യൂറോ 2028 വരെ തുടരാൻ സാധ്യത കുറവാണ്. എന്നിരുന്നാലും, 2024 യൂറോയ്ക്കു ശേഷം പോർച്ചുഗൽ ആരാധകർക്ക് ആശ്വസിക്കാവുന്ന ചില വാർത്തകളുണ്ട് - 2026 ഫിഫ ലോകകപ്പിൽ കളിക്കില്ലെന്നു പറഞ്ഞിട്ടില്ല.
പെപെ,റോബർട്ട് ലെവൻഡോവ്സ്കി, തോമസ് മുള്ളർ, ഇവാൻ പെരിസിച്ച് എന്നിവരുടെയും അവസാന അന്താരാഷ്ട്ര ടൂർണമെന്റാകും .