കോ​ൽ​ക്ക​ത്ത: ഇം​ഗ്ലീ​ഷ് ബാ​റ്റ​റി​ന്‍റെ സെ​ഞ്ചു​റി പ്ര​ത്യാ​ക്ര​മ​ണ​ത്തി​ൽ വീ​ണ്ടും കോ​ൽ​ക്ക​ത്ത നൈ​റ്റ് റൈ​ഡേ​ഴ്സി​ന് തോ​ൽ​വി.

രാ​ജ​സ്ഥാ​നെ​തി​രേ ജോ​സ് ബ​ട്‌ല​റിന്‍റെ സെ​ഞ്ചു​റി​യി​ൽ പ​രാ​ജ​യ​പ്പെ​ട്ട കെ​കെ​ആ​ർ പ​ഞ്ചാ​ബ് കിം​ഗ്സി​നെ​തി​രേ ജോ​ണി ബെ​യ​ർ​സ്റ്റോ​യു​ടെ (48 പ​ന്തി​ൽ 108 നോ​ട്ടൗ​ട്ട്) ഇ​ന്നിം​ഗ്സി​നു മു​ന്നി​ലും ത​ല കു​നി​ച്ചു. അ​തോ​ടെ ഐ​പി​എ​ൽ ട്വ​ന്‍റി-20 ക്രി​ക്ക​റ്റി​ൽ പ​ഞ്ചാ​ബ് കിം​ഗ്സ് എ​ട്ട് വി​ക്ക​റ്റി​ന് കോ​ൽ​ക്ക​ത്ത​യെ കീ​ഴ​ട​ക്കി. സ്കോ​ർ: കോ​ൽ​ക്ക​ത്ത 261/6 (20). പ​ഞ്ചാ​ബ് 262/2 (18.4).

ട്വ​ന്‍റി-20 ക്രി​ക്ക​റ്റ് ച​രി​ത്ര​ത്തി​ലെ ഏ​റ്റ​വും വ​ലി​യ ചേ​സിം​ഗ് ആ​ണ് പ​ഞ്ചാ​ബ് ന​ട​ത്തി​യ​ത്. കെ​കെ​ആ​ർ സ്വ​പ്ന​ങ്ങ​ൾ ത​ല്ലി​ത്ത​ക​ർ​ത്ത് ബെ​യ​ർ​സ്റ്റോ​യ്ക്ക് ഒ​പ്പം ശ​ശാ​ങ്ക് സിം​ഗും (28 പ​ന്തി​ൽ 68 നോ​ട്ടൗ​ട്ട് ) പു​റ​ത്താ​കാ​തെ നി​ന്നു. ഓ​പ്പ​ണ​ർ പ്ര​ഭ്സിം​റ​ൻ സിം​ഗ് ആ​യി​രു​ന്നു (20 പ​ന്തി​ൽ 54) പ​ഞ്ചാ​ബി​ന്‍റെ പ്ര​ത്യാ​ക്ര​മ​ണ​ത്തി​ന് തു​ട​ക്ക​മി​ട്ട​ത്.

ടോ​സ് ന​ഷ്ട​പ്പെ​ട്ട് ക്രീ​സി​ലെ​ത്തി​യ കോ​ൽ​ക്ക​ത്ത നൈ​റ്റ് റൈ​ഡേ​ഴ്സി​നാ​യി ഫി​ൽ സാ​ൽ​ട്ടും സു​നി​ൽ ന​രെ​യ്നും ക്രീ​സി​ൽ ത​ല്ലി​ത്ത​ക​ർ​ത്ത് മു​ന്നേ​റി. ഇ​വ​രു​ടെ ക​ട​ന്നാ​ക്ര​മ​ണ​ത്തി​ൽ പ​ഞ്ചാ​ബ് കിം​ഗ്സ് ബൗ​ള​ർ​മാ​ർ​ക്ക് മ​റു​പ​ടി​യി​ല്ലാ​യി​രു​ന്നു. 37 പ​ന്തി​ൽ ആ​റ് സി​ക്സും ആ​റ് ഫോ​റും അ​ട​ക്കം ഫി​ൽ സാ​ൾ​ട്ട് 75 റ​ണ്‍​സ് നേ​ടി. 32 പ​ന്തി​ൽ നാ​ല് സി​ക്സും ഒ​ന്പ​ത് ഫോ​റും അ​ട​ക്കം സു​നി​ൽ ന​രെ​യ്ൻ 71 റ​ണ്‍​സ് അ​ടി​ച്ചു. 10.2 ഓ​വ​റി​ൽ 138 റ​ണ്‍​സ് സ്കോ​ർ​ബോ​ർ​ഡി​ൽ എ​ത്തി​ച്ച​ശേ​ഷ​മാ​ണ് ഇ​വ​ർ പി​രി​ഞ്ഞ​ത്.

പി​ന്നാ​ലെ എ​ത്തി​യ​വ​രും കെ​കെ​ആ​റി​നാ​യി ക​ട​ന്നാ​ക്ര​മ​ണം ന​ട​ത്തി. പ​ഞ്ചാ​ബ് ക്യാ​പ്റ്റ​ൻ സാം ​ക​ര​ണി​ന്‍റെ നാ​ല് ഓ​വ​റി​ൽ 60 റ​ണ്‍​സ് പി​റ​ന്നു. ഐ​പി​എ​ൽ ച​രി​ത്ര​ത്തി​ൽ കെ​കെ​ആ​റി​ന്‍റെ ഏ​റ്റ​വും ഉ​യ​ർ​ന്ന ര​ണ്ടാ​മ​ത് ടീം ​ടോ​ട്ട​ലാ​ണ് പ​ഞ്ചാ​ബി​നെ​തി​രേ ഇ​ന്ന​ലെ നേ​ടി​യ 261/6. ഈ ​സീ​സ​ണി​ൽ ഡ​ൽ​ഹി ക്യാ​പ്പി​റ്റ​ൽ​സി​നെ​തി​രേ 272/7 അ​ടി​ച്ച​താ​ണ് ഒ​ന്നാം സ്ഥാ​ന​ത്ത്.