ഗ്രൂപ്പ് എയിലെ അവസാന മത്സരത്തിൽ നാളെ കേരളം റെയിൽവേസിനെയും മുംബൈ ഒഡീഷയെയും നേരിടും. മുംബൈ തോൽക്കുകയും കേരളം ജയിക്കുകയും ചെയ്താൽ സഞ്ജു സാംസണിനും സംഘത്തിനും ഗ്രൂപ്പ് ചാന്പ്യന്മാരാകാം. മറിച്ച് ഇരു ടീമും ജയിച്ചാൽ നെറ്റ് റണ്റേറ്റ് അടിസ്ഥാനത്തിൽ മുംബൈയെ പിന്തള്ളി ഗ്രൂപ്പ് ചാന്പ്യന്മാരാകാനുള്ള സാധ്യത കേരളത്തിനുണ്ട്.
പോണ്ടിച്ചേരിയെ 32.2 ഓവറിൽ 116ന് പുറത്താക്കിയ കേരളം 19.5 ഓവറിൽ നാല് വിക്കറ്റ് നഷ്ടത്തിൽ ലക്ഷ്യം നേടി. 13 പന്തിൽ മൂന്ന് സിക്സും നാല് ഫോറും അടക്കം 35 റണ്സുമായി പുറത്താകാതെനിന്ന ക്യാപ്റ്റൻ സഞ്ജു സാംസണ് ആണ് കേരളത്തിന്റെ ടോപ് സ്കോറർ.
ആറാം നന്പറായാണ് സഞ്ജു ക്രീസിലെത്തിയത്. സച്ചിൻ ബേബിയും (38 പന്തിൽ 25) പുറത്താകാതെനിന്നു. കേരളത്തിനായി അഖിൽ സ്കറിയയും സിജൊമോൻ ജോസഫും മൂന്ന് വിക്കറ്റ് വീതം വീഴ്ത്തി.