ലുലു മാളില്‍ ബിഗ് ചോക്കോ ഡേ
Monday, April 28, 2025 1:32 AM IST
കൊച്ചി: മികച്ച ബ്രാന്‍ഡുകളുടെ ചോക്ലേറ്റുകള്‍, വാഫിള്‍സ്, ഡോനട്ട്‌സ്, കേക്കുകള്‍ എന്നിവയുമായി ലുലു ഹൈപ്പര്‍ മാര്‍ക്കറ്റില്‍ ബിഗ് ചോക്കോ ഡേക്ക് തുടക്കമായി. സ്‌നിക്കേഴ്‌സ് ഗാലക്‌സി, നെസ്റ്റ്‌ലേ, ഫെരേറോ റോച്ചര്‍, ഡാര്‍ക്ക് ഫാന്‍റസി, ഹെര്‍ഷേസ്, കാഡ്ബറി എന്നിവരുമായി സഹകരിച്ചാണ് ബിഗ് ചോക്കോ ഡേ നടത്തുന്നത്. ചോക്കോ ഡേയുടെ ഉദ്ഘാടനം നടി ഗൗരി നന്ദ നിര്‍വഹിച്ചു.
ചോക്ലേറ്റ് തീമിലുള്ള നിരവധി ഗെയിമുകളും പുതിയ ചോക്ലേറ്റ് ഉത്പന്നങ്ങളുടെ ലോഞ്ചും നടന്നു. ചോക്ലേറ്റ് ടേസ്റ്റിംഗും ചോക്കോ ഡേയുടെ ഭാഗമായി നടക്കും.
പ്രീമിയം ഇന്പോര്‍ട്ടഡ് ഡാര്‍ക്ക്, മില്‍ക്ക് വൈറ്റ് തുടങ്ങിയ ചോക്ലേറ്റുകളുടെ വൈവിധ്യമാര്‍ന്ന രുചികളാണ് ഉപഭോക്താക്കള്‍ക്കായി തയാറാക്കിയിരിക്കുന്നത്. വിവിധ ചോക്ലേറ്റ് ഉത്പന്നങ്ങള്‍ 50 ശതമാനം വരെ വിലക്കുറവില്‍ ലുലു ഹൈപ്പര്‍മാര്‍ക്കറ്റില്‍ ലഭിക്കും.