മാന്‍ കാന്‍കോറിന്‍റെ പ്യൂരാകാന് യൂറോപ്യന്‍ ബിഎസ്ബി പുരസ്‌കാരം
Friday, April 25, 2025 1:17 AM IST
കൊച്ചി: സ്‌പൈസ് എക്‌സ്ട്രാക്ട് വിപണിയിലെ മുന്‍നിര കമ്പനി മാന്‍ കാന്‍കോര്‍ വികസിപ്പിച്ച കേശസംരക്ഷണ പ്യൂരാകാന്, യൂറോപ്യന്‍ ബിഎസ്ബി ഇന്നൊവേഷന്‍ പുരസ്‌കാരം. താരന്‍ പ്രതിരോധിക്കാന്‍ ശേഷിയുള്ള പ്യൂരാകാന്, ഫലപ്രാപ്തി നല്‍കുന്ന പ്രകൃതിദത്ത ഉത്പന്നങ്ങളുടെ വിഭാഗത്തിലാണ് അവാര്‍ഡ് ലഭിച്ചത്.
സൗന്ദര്യവർധക, പേഴ്‌സണല്‍ കെയര്‍ ഉത്പന്ന നിര്‍മാണ മേഖലയില്‍ 2003 മുതല്‍ നല്‍കിവരുന്ന ബഹുമതിയാണ് ബിഎസ്ബി ഇന്നൊവേഷന്‍.
ഗവേഷണം, നൂതന സാങ്കേതികവിദ്യ, ക്ലിനിക്കല്‍ പഠനങ്ങള്‍ എന്നിവയിലൂടെ വികസിപ്പിച്ചെടുത്ത പ്യൂരാകാന് പേറ്റന്‍റും ലഭിച്ചിട്ടുണ്ടെന്ന് മാന്‍ കാന്‍കോര്‍ സിഇഒയും എക്‌സിക്യൂട്ടീവ് ഡയറക്ടറുമായ ഡോ. ജീമോന്‍ കോര പറഞ്ഞു.