ബ്ലാസ്റ്റേഴ്സിനോടു കൈകോർത്ത് സ്റ്റാർട്ടപ്പ് വാൻ ഇലക്‌ട്രിക് മോട്ടോ : Deepika.com Business News |

Click here for detailed news of all items

ബ്ലാസ്റ്റേഴ്സിനോടു കൈകോർത്ത് സ്റ്റാർട്ടപ്പ് വാൻ ഇലക്‌ട്രിക് മോട്ടോ

Wednesday, March 27, 2024 12:45 AM IST

കൊച്ചി: ഇലക്‌ട്രിക് വാഹനനിർമാണ രംഗത്തെ ഇന്ത്യൻ സ്റ്റാർട്ടപ്പായ വാൻ ഇലക്ട്രിക് മോട്ടോ, കേരള ബ്ലാസ്റ്റേഴ്‌സ് ഫുട്ബോൾ ക്ലബിന്‍റെ ഔദ്യോഗിക ഇ-മൊബിലിറ്റി പാർട്ണറായി. ഇതിന്‍റെ ഭാഗമായി കമ്പനി പുറത്തിറക്കിയ പുതിയ മൗണ്ടൈൻ ബൈക്ക് മോഡലായ സ്റ്റെൽവിയോ കേരള ബ്ലാസ്റ്റേഴ്‌സ് കോച്ച് ഇവാൻ വുക്കോമനോവിച്ച് അവതരിപ്പിച്ചു.

സ്റ്റെൽവിയോയുടെ ഔദ്യോഗിക വീഡിയോ പ്രകാശനം ഇന്ത്യൻ പോർട്സ് ഗ്ലോബൽ എംഡി സുനിൽ മുകുന്ദൻ നിർവഹിച്ചു. കേരള ബ്ലാസ്റ്റേഴ്‌സ് ടീമിന്‍റെ പത്താം വാർഷികത്തോടനുബന്ധിച്ച് ‘ബ്ലാസ്റ്റേഴ്‌സ് എഡിഷൻ’ എന്നപേരിൽ ലിമിറ്റഡ് എഡീഷൻ മൗണ്ടൈൻ ബൈക്കുകളും കമ്പനി അവതരിപ്പിച്ചു. ബ്ലാസ്റ്റേഴ്സ് താരങ്ങളായ മിലോസ് ഡ്രിഞ്ചിക്, ഡാനിഷ് ഫാറൂഖ്, ഡായിസുകെ സകായി എന്നിവർ ചേർന്നാണു ലിമിറ്റഡ് എഡീഷൻ ബൈക്കുകൾ അവതരിപ്പിച്ചത്.

ബ്ലാസ്റ്റേഴ്സ് എഡീഷന്‍റെ വീഡിയോ നടി സംസ്കൃതി ഷേണായ് പ്രകാശനം ചെയ്തു. ഇവാൻ വുക്കോമനോവിച്ചിനെ കമ്പനിയുടെ ബ്രാൻഡ് അംബാസഡറായും പ്രഖ്യാപിച്ചു.

സ്റ്റാർട്ട്അപ്പ് ഇന്ത്യയുടെയും കേരള സ്റ്റാർട്ട് അപ്പ് മിഷന്‍റെയും അംഗീകാരമുള്ള സംരംഭമാണ് വാൻ ഇലക്ട്രിക് മോട്ടോ. സ്റ്റെൽവിയോയ്ക്കു ജിഎസ്ടി ഉൾപ്പെടെ 94,500 രൂപയാണു വില. ബ്ലാസ്റ്റേഴ്സിന്‍റെ ലിമിറ്റഡ് എഡീഷന് 99,000 രൂപ.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.