11 പോലീസ് വാഹനങ്ങൾക്കും ഒരു ട്രാമിനും ഒരു ബസിനും പ്രതിഷേധക്കാർ തീയിട്ടു. 13 കടകൾ തകർത്ത് അക്രമികൾ കൊള്ളയടിച്ചു. കുടിയേറ്റക്കാർക്കും തീവ്ര ഇസ്ലാമിസ്റ്റുകൾക്കും എതിരേയുള്ള പ്രതിഷേധമാണ് ഡബ്ലിനിൽ അരങ്ങേറിയത്. നാനൂറോളം പോലീസുകാരെ വിന്യസിച്ച് സ്ഥിതിഗതികൾ ശാന്തമാക്കി. ഡബ്ലിനിൽ ട്രാമുകളും ബസുകളും സർവീസ് നിർത്തിവച്ചു.
ഇന്നലെ വീട്ടിലിരുന്നു ജോലി ചെയ്യാൻ വിവിധ സ്ഥാപനങ്ങൾ തങ്ങളുടെ ജീവനക്കാർക്കു നിർദേശം നല്കി. സംഘർഷവുമായി ബന്ധപ്പെട്ട് 34 പേരെ പോലീസ് അറസ്റ്റ് ചെയ്തു. മൂന്നു മണിക്കൂർ നീണ്ട സംഘർഷത്തിൽ നിരവധി പോലീസ് ഓഫീസർമാർക്കു പരിക്കേറ്റു.
ഡബ്ലിനിലെ അക്രമത്തെ ഐറിഷ് പ്രധാനമന്ത്രി ലിയോ വരാഡ്കർ അപലപിച്ചു അഞ്ഞൂറോളം പേരാണ് ആക്രമണം നടത്തിയതെന്ന് അദ്ദേഹം പറഞ്ഞു. ഇന്ത്യൻ വംശജനാണ് ലിയോ വരാഡ്കർ.