സിക്കിമിൽ കനത്ത മഴയും ഉരുൾപൊട്ടലും; ആറു പേർ മരിച്ചു
Friday, June 14, 2024 3:19 AM IST
ഗാംഗ്ടോക്: വടക്കൻ സിക്കിമിലെ മംഗൻ ജില്ലയിൽ കനത്ത മഴയിലും ഉരുൾപൊട്ടലിലും ആറു പേർ മരിച്ചു.
മേഖലയിൽ 1500 വിനോദസഞ്ചാരികൾ കുടുങ്ങി. സംഗ്കലാംഗിൽ പുതുതായി നിർമിച്ച ബെയ്ലി പാലം തകർന്നുവീണു. ഇതോടെ മംഗൻ ജില്ല ഒറ്റപ്പെട്ട നിലയിലാണ്. ഉരുൾപൊട്ടലിൽ പല റോഡുകളും നിരവധി വീടുകളും തകർന്നു. പാക്ഷെപ്പിൽ ദുരിതാശ്വാസ കേന്ദ്രം തുറന്നു.