ദേശീയ പാർട്ടി എന്ന നിലയിലാണ് ആം ആദ്മി പാർട്ടിക്ക് സ്ഥലം അനുവദിച്ചത്. ബാദർപുരിൽ പകരം തരാൻ നിശ്ചയിച്ചിരിക്കുന്ന സ്ഥലം നഗരത്തിനു പുറത്താണെന്ന് പാർട്ടിക്കുവേണ്ടി ഹാജരായ മുതിർന്ന അഭിഭാഷകൻ അഭിഷേക് മനു സിംഗ്വി വാദിച്ചു. എന്നാൽ, ആം ആദ്മി പാർട്ടിക്ക് ഭൂമി അനുവദിച്ചത് 2017 ജൂണിൽ റദ്ദാക്കിയെന്നും അന്നു മുതൽ കൈയേറിയിരിക്കുകയാണെന്നും കേന്ദ്രസർക്കാരിനുവേണ്ടി ഹാജരായ സോളിസിറ്റർ ജനറൽ തുഷാർ മേത്ത കോടതിയിൽ പറഞ്ഞു.