ന്യൂ​ഡ​ൽ​ഹി: ഡ​ൽ​ഹി ഹൈ​ക്കോ​ട​തി​ക്കാ​യി അ​നു​വ​ദി​ച്ച സ്ഥ​ല​ത്തു സ്ഥി​തി​ചെ​യ്യു​ന്ന ആം​ആദ്മി പാ​ർ​ട്ടി ഓ​ഫീ​സ് ജൂ​ണ്‍ 15നു ​മു​ന്പാ​യി ഒ​ഴി​യ​ണ​മെ​ന്ന് സു​പ്രീം​കോ​ട​തി. 2017ന് ​ശേ​ഷം ആ സ്ഥ​ല​ത്തു തു​ട​രാ​ൻ ആം​ ആദ്മി പാ​ർ​ട്ടി​ക്ക് നി​യ​മ​പ​ര​മാ​യി അ​വ​കാ​ശ​മി​ല്ലെ​ന്നും കോ​ട​തി പറ​ഞ്ഞു.

ഡ​ൽ​ഹി കോ​ട​തി വി​പു​ലീ​ക​രി​ക്കു​ന്നി​ന്‍റെ ഭാ​ഗ​മാ​യാ​ണ് സ്ഥ​ലം കോ​ട​തി​ക്ക് അ​നു​വ​ദി​ച്ച​ത്. ജൂ​ണ്‍ 15നു ​മു​ന്പാ​യി കെ​ട്ടി​ടം ഒ​ഴി​യ​ണം. മ​റ്റൊ​രു സ്ഥ​ല​ത്തി​നാ​യി കേ​ന്ദ്ര സ​ർ​ക്കാ​രി​ന്‍റെ ലാ​ൻ​ഡ് ആ​ൻ​ഡ് ഡെ​വ​ല​പ്മെ​ന്‍റ് ഓ​ഫീ​സി​ൽ (എ​ൽ ആ​ൻ​ഡ് ഡി​ഒ) പാ​ർ​ട്ടി​ക്ക് അ​പേ​ക്ഷ ന​ൽ​കാം- സു​പ്രീം​കോ​ട​തി വ്യ​ക്ത​മാ​ക്കി. ആം​ആ​ദ്മി പാ​ർ​ട്ടി​യു​ടെ അ​പേ​ക്ഷ എ​ൽ ആ​ൻ​ഡ് ഡി​ഒ പ​രി​ഗ​ണി​ക്ക​ണ​മെ​ന്നും ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ്, ജ​സ്റ്റീ​സു​മാ​രാ​യ ജെ.​ബി. പ​ർ​ദി​വാ​ല, മ​നോ​ജ് മി​ശ്ര എ​ന്നി​വ​രു​ൾ​പ്പെ​ട്ട ബെ​ഞ്ച് പ​റ​ഞ്ഞു.

കോ​ട​തി സ​മു​ച്ച​യ​ത്തി​ൽ കൂ​ടു​ത​ൽ മു​റി​ക​ൾ ല​ഭ്യ​മ​ല്ലാ​ത്ത​തി​നാ​ൽ സ്ഥ​ലം അ​ടി​യ​ന്ത​ര​മാ​യി അ​നു​വ​ദി​ക്ക​ണ​മെ​ന്നും സു​പ്രീം​കോ​ട​തി ഉ​ത്ത​ര​വി​ൽ രേ​ഖ​പ്പെ​ടു​ത്തി. നേ​ര​ത്തേ നി​ർ​ദേ​ശി​ച്ച എം​ടി​എ​ൻ​എ​ൽ കെ​ട്ടി​ടം അ​നു​യോ​ജ്യ​മ​ല്ലെ​ന്ന് ക​ണ്ടെ​ത്തി​യ​തി​നാ​ൽ ര​ണ്ടാ​ഴ്ച​യ്ക്ക​കം ബ​ദ​ൽ നി​ർ​ദേ​ശം കൊ​ണ്ടു​വ​ന്ന് ഹൈ​ക്കോ​ട​തി ചീ​ഫ് ജ​സ്റ്റീസി​നെ അ​റി​യി​ക്കാ​ൻ ഡ​ൽ​ഹി ചീ​ഫ് സെ​ക്ര​ട്ട​റി​ക്ക് സു​പ്രീം​കോ​ട​തി നി​ർ​ദേ​ശം ന​ൽ​കി​യി​ട്ടു​ണ്ട്.


ദേ​ശീ​യ പാ​ർ​ട്ടി എ​ന്ന നി​ല​യി​ലാ​ണ് ആം​ ആ​ദ്മി പാ​ർ​ട്ടി​ക്ക് സ്ഥ​ലം അ​നു​വ​ദി​ച്ച​ത്. ബാ​ദ​ർ​പു​രി​ൽ പ​ക​രം ത​രാ​ൻ നി​ശ്ച​യി​ച്ചി​രി​ക്കു​ന്ന സ്ഥ​ലം ന​ഗ​ര​ത്തി​നു പു​റ​ത്താ​ണെ​ന്ന് പാ​ർ​ട്ടി​ക്കുവേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ അ​ഭി​ഷേ​ക് മ​നു സിം​ഗ്‌​വി വാ​ദി​ച്ചു. എ​ന്നാ​ൽ, ആം​ ആ​ദ്മി പാ​ർ​ട്ടി​ക്ക് ഭൂ​മി അ​നു​വ​ദി​ച്ച​ത് 2017 ജൂ​ണി​ൽ റ​ദ്ദാ​ക്കി​യെ​ന്നും അ​ന്നു മു​ത​ൽ കൈ​യേ​റി​യി​രി​ക്കു​ക​യാ​ണെ​ന്നും കേ​ന്ദ്ര​സ​ർ​ക്കാ​രി​നുവേ​ണ്ടി ഹാ​ജ​രാ​യ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത കോ​ട​തി​യി​ൽ പ​റ​ഞ്ഞു.