ജൂലൈ മൂന്നിലെ പരീക്ഷകൾ മാറ്റിവയ്ക്കണം: സീറോമലബാർ പബ്ലിക് അഫയേഴ്‌സ് കമ്മീഷൻ : Deepika.com Kerala News |

Click here for detailed news of all items

ജൂലൈ മൂന്നിലെ പരീക്ഷകൾ മാറ്റിവയ്ക്കണം: സീറോമലബാർ പബ്ലിക് അഫയേഴ്‌സ് കമ്മീഷൻ

Tuesday, June 25, 2024 1:23 AM IST

കൊച്ചി: ജൂലൈ മൂന്നിനു നടത്താൻ നിശ്ചയിച്ചിരിക്കുന്ന വിവിധ യൂണിവേഴ്സിറ്റികളുടെയും മറ്റു വിദ്യാഭ്യാസസ്ഥാപനങ്ങളുടെയും പരീക്ഷകൾ മാറ്റിവയ്ക്കണമെന്നാവശ്യപ്പെട്ട് സീറോമലബാർ പബ്ലിക് അഫയേഴ്‌സ് കമ്മീഷൻ കേരള, എംജി, കാലിക്കട്ട്, കണ്ണൂർ സർവകലാശാലാ വൈസ് ചാൻസലർമാർക്ക് കത്ത് നൽകി.

ക്രിസ്ത്യൻ മതന്യൂനപക്ഷങ്ങളെ സംബന്ധിച്ച് മതപരമായ പ്രാധാന്യം കൽപ്പിച്ച് പാവനമായി ആചരിച്ചുപോരുന്ന ദിവസമാണ് ജൂലൈ മൂന്നിലെ ദുക്റാനയെന്ന് (സെന്‍റ് തോമസ് ദിനം) കമ്മീഷൻ ചൂണ്ടിക്കാട്ടി.

ക്രിസ്ത്യൻ മാനേജ്മെന്‍റ് വിദ്യാഭ്യാസസ്ഥാപനങ്ങളിൽ അന്ന് അവധിയാണ്. പകരം ഒരു ശനിയാഴ്ച പ്രവൃത്തിദിവസമാക്കുകയും ചെയ്യുന്നു. അന്നേ ദിവസം പരീക്ഷകൾ നടത്തുന്നത് ക്രിസ്ത്യൻ വിദ്യാർഥികളുടെയും അധ്യാപകരുടെയും ജീവനക്കാരുടെയും മതപരമായ അവകാശങ്ങൾ നിഷേധിക്കുന്ന നടപടിയായി മാറും.

ഈ സാഹചര്യത്തിൽ അന്നു നിശ്ചയിച്ചിട്ടുള്ള എല്ലാ പരീക്ഷകളും മാറ്റി മറ്റൊരു ദിവസത്തേക്ക് ക്രമീകരിക്കണമെന്ന് കമ്മീഷൻ ചെയർമാൻ ആർച്ച്ബിഷപ് മാർ ആൻഡ്രൂസ് താഴത്ത് ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.