കടുവയെ കുടുക്കാൻ: വെടിവയ്ക്കാന്‍ കൂടുതല്‍ ഉദ്യോഗസ്ഥരെത്തുന്നു : Deepika.com Kerala News |

Click here for detailed news of all items

കടുവയെ കുടുക്കാൻ: വെടിവയ്ക്കാന്‍ കൂടുതല്‍ ഉദ്യോഗസ്ഥരെത്തുന്നു

Monday, June 24, 2024 4:35 AM IST

തിരുവനന്തപുരം: വയനാട് കേണിച്ചിറയില്‍ ഭീതിപരത്തിയ കടുവയെ വെടിവയ്ക്കാന്‍ കൂടുതല്‍ റേഞ്ചുകളിലെ ഫോറസ്റ്റ് ഉദ്യോഗസ്ഥരെ വിന്യസിക്കാന്‍ വനംമന്ത്രിയുടെ നിര്‍ദേശം. ഇതേ തുടര്‍ന്നു തൊട്ടടുത്ത മേഖലകളിലെ റേഞ്ച് ഓഫീസര്‍മാര്‍ക്ക് അധിക ചുമതല നല്‍കി ചീഫ് വൈല്‍ഡ് ലൈഫ് വാര്‍ഡന്‍ ഉത്തരവിറക്കി.

കടുവയെ മയക്കുവെടി വയ്ക്കാന്‍ കേന്ദ്ര മാനദണ്ഡങ്ങള്‍ പ്രകാരം റിപ്പോര്‍ട്ട് സമര്‍പ്പിക്കാനും നിര്‍ദേശിച്ചു. വെറ്ററിനറി ഡോക്ടര്‍ ഉള്‍പ്പെടുന്ന സംഘം സ്ഥലം സന്ദര്‍ശിച്ച് ആവശ്യമായ നടപടി സ്വീകരിക്കും. കൂടാതെ സൗത്ത് വയനാട് ഡിഎഫ്ഒ ആയി തിങ്കളാഴ്ച മുഴുവന്‍ സമയ ഉദ്യോഗസ്ഥനെ നിയമിക്കാനും തീരുമാനിച്ചിട്ടുണ്ട്. കഴിവതും കൂടുവച്ച് പിടിക്കാനുള്ള ശ്രമമാണ് ഇന്നലെ നടത്തിയത്. നിലവില്‍ രണ്ടു കൂട് സ്ഥാപിച്ചിരുന്നു. ഇതു പോരായെന്നു ബോധ്യമായ സാഹചര്യത്തില്‍ കൂടുതല്‍ കൂടുകള്‍ വയ്ക്കാനും മന്ത്രി നിര്‍ദേശിച്ചു.

വയനാട്ടില്‍ പുതിയ ഡിഎഫ്ഒയെ നിയമിച്ചു

തിരുവനന്തപുരം: കടുവ ആക്രമണത്തിനു പിന്നാലെ വയനാട്ടില്‍ പുതിയ ഡിഎഫ്ഒ ആയി അജിത് കെ. രാമനെ നിയമിച്ചു കൊണ്ട് സര്‍ക്കാര്‍ ഉത്തരവിറക്കി.

വയനാട്ടിലെ പ്രത്യേക സാഹചര്യം കണക്കിലെടുത്ത് ഇന്നലെത്തന്നെ നിയമനം നടത്താന്‍ വനംമന്ത്രി എ.കെ. ശശീന്ദ്രന്‍ നിര്‍ദേശിക്കുകയായിരുന്നു. ‌ഞായറാഴ്ച പ്രത്യേക ഉത്തരവിറക്കുകയായിരുന്നു. കണ്ണൂര്‍ ഫ്‌ളൈയിംഗ് സ്‌ക്വാഡ് ഡിഎഫ്ഒ ആയിരുന്നു അജിത് രാമന്‍.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.