എസ്എസ്കെ പഠനോത്സവം സമഗ്രശിക്ഷാ കേരളം 2023-24 സ്റ്റാർസ് പദ്ധതിയിൽ ഉൾപ്പെടുത്തി സംഘടിപ്പിക്കുന്ന പഠനോത്സവത്തിന്റെ സംസ്ഥാനതല ഉദ്ഘാടനം പൂജപ്പുര ഗവണ്മെന്റ് യുപിഎസിൽ 11ന് നടത്തുമെന്ന് മന്ത്രി വി. ശിവൻകുട്ടി അറിയിച്ചു. സംസ്ഥാനമൊട്ടാകെ പഠനോത്സവം സംഘടിപ്പിക്കുന്നതിനു നാലു കോടി രൂപയാണ് ചെലവു കണക്കാക്കുന്നത്.
വായന പ്രോത്സാഹിപ്പിക്കുന്നതിന്റെ ഭാഗമായി വായനയ്ക്ക് ഗ്രേസ് മാർക്ക് നൽകുമെന്ന് മുൻപ് പ്രഖ്യാപിച്ചിരുന്നു. എല്ലാ സ്കൂളുകളിലെയും കുട്ടികൾ പുസ്തകങ്ങളും വർത്തമാനപത്രങ്ങളും നിരന്തരം വായിക്കാൻ ഇതു സഹായിക്കുമെന്നാണ് പ്രതീക്ഷ. ഇതുമായി ബന്ധപ്പെട്ട് പ്രിന്റ് മീഡിയ ചീഫ് എഡിറ്റർമാരുടെ യോഗം 12ന് വിളിച്ചുചേർക്കുമെന്നും മന്ത്രി അറിയിച്ചു.