മു​ക്കൂ​ട്ടു​ത​റ​യി​ലെ പൊ​തി​ച്ചോ​റു​ക​ളു​ടെ ന​ന്മ​യ്ക്ക് ഇ​ന്ന് ഒ​ന്നി​ച്ചൊ​രു ദി​നം
Sunday, September 29, 2024 12:06 AM IST
മു​ക്കൂ​ട്ടു​ത​റ: അ​ഞ്ചു വ​ർ​ഷ​മാ​യി മു​ട​ങ്ങാ​തെ എ​ല്ലാ തി​ങ്ക​ളാ​ഴ്ച​യും എ​ത്തു​ന്ന പൊ​തി​ച്ചോ​റ് ക​ഴി​ക്കും മു​മ്പ് അ​ഗ​തി മ​ന്ദി​ര​ത്തി​ലെ നൂ​റോ​ളം സ്ത്രീ​ക​ൾ ഒ​രേ​പോ​ലെ പ്രാ​ർ​ഥി​ക്കും. പി​ന്നെ സ്നേ​ഹ​ത്തി​ന്‍റെ രു​ചി​യാ​ണ്. അ​ത് ക​ഴി​ക്കു​മ്പോ​ൾ ത​ങ്ങ​ൾ​ക്ക് ആ​രോ​രും ഇ​ല്ലെ​ന്ന സ​ങ്ക​ടം അ​വി​ടെ മ​റ​യും. ഇ​ന്ന് അ​വ​രെ​ല്ലാം ഒ​രു​മി​ച്ച് ചേ​രു​ക​യാ​ണ്. രാ​വി​ലെ ആ​രം​ഭി​ക്കു​ന്ന ഗാ​ന​മേ​ള​യ്ക്ക് ശേ​ഷം ഉ​ച്ച​ക്ക് ഒ​രു​മി​ച്ചി​രു​ന്ന് ഭ​ക്ഷ​ണം ക​ഴി​ച്ച് നാ​ട​ൻ​പാ​ട്ടു​ക​ളും ആ​ഘോ​ഷ​ങ്ങ​ളും ന​ട​ത്തും. ഒ​പ്പം വീ​ൽ​ചെ​യ​ർ വി​ത​ര​ണ​വു​മു​ണ്ട്.

സ്നേ​ഹം വി​ള​മ്പു​ന്ന​തി​ലെ അ​ഞ്ചു​വ​ർ​ഷം പൂ​ർ​ത്തി​യാ​കു​ന്ന​തി​ന്‍റെ ഈ ​ആ​ഘോ​ഷ​കാ​ഴ്ച വെ​ച്ചൂ​ച്ചി​റ മേ​ഴ്‌​സി ഹോ​മി​ലാ​ണ്. മു​ക്കൂ​ട്ടു​ത​റ മേ​ഖ​ല​യി​ൽ​നി​ന്ന് ക​ഴി​ഞ്ഞ അ​ഞ്ചു വ​ർ​ഷ​മാ​യി എ​ല്ലാ തി​ങ്ക​ളാ​ഴ്ച​ക​ളി​ലും ഇ​വി​ടേ​ക്ക് ഉ​ച്ച​ഭ​ക്ഷ​ണ​മാ​യി പൊ​തി​ച്ചോ​റ് ത​ന്നു​വി​ടു​ന്ന​വ​രാ​ണ് ഇ​ന്ന് നേ​രി​ട്ടെ​ത്തു​ന്ന​ത്. അ​വ​രെ കാ​ണാ​ൻ കാ​ത്തി​രി​ക്കു​ക​യാ​ണ് അ​ന്തേ​വാ​സി​ക​ൾ.


അ​ഞ്ചു​വ​ർ​ഷം മു​മ്പ് 25 പേ​രി​ലൂ​ടെ തു​ട​ങ്ങി​യ ഈ ​സ്നേ​ഹ ഭ​ക്ഷ​ണ​വി​ത​ര​ണം ഇ​പ്പോ​ൾ 78 പേ​രാ​യി. എ​ല്ലാ തി​ങ്ക​ളാ​ഴ്ച​യി​ലും വാ​ട്സ്ആ​പ്പ് ഗ്രൂ​പ്പി​ലൂ​ടെ പൊ​തി​ച്ചോ​റ് വി​ത​ര​ണ​വി​വ​രം പ​ങ്കു​വ​യ്ക്കു​ന്ന ഇ​വ​രും ഇ​ന്ന് ഒ​രു​മി​ച്ചു ചേ​രു​ക​യാ​ണ്.

കോ​വി​ഡ് സ​മ​യ​ത്ത് പൊ​തി​ച്ചോ​റ് ന​ൽ​കാ​ൻ ത​ട​സ​മാ​യ​പ്പോ​ൾ പ​ക​രം പാ​ച​കം ചെ​യ്യാ​ൻ ഭ​ക്ഷ​ണ സാ​ധ​ന​ങ്ങ​ൾ ന​ൽ​കി​യി​രു​ന്നെ​ന്ന് കൂ​ട്ടാ​യ്മ​യ്ക്ക് നേ​തൃ​ത്വം ന​ൽ​കു​ന്ന​വ​രി​ൽ ഒ​രാ​ളാ​യ മു​ക്കൂ​ട്ടു​ത​റ 35ലെ ​മ​രി​യ സ്റ്റോ​ഴ്സ് ഉ​ട​മ വ​ട്ട​പ്പ​റ​മ്പി​ൽ ജെ​യ്‌​മോ​ൻ പ​റ​ഞ്ഞു.

മ​നീ​ഷ് മോ​ഹ​ൻ, സു​ധീ​ഷ് ആ​റ്റു​കു​ഴി, ബോ​ബി വാ​ഴ​ക്കു​ന്ന​ത്, ജൈ​സ് ഈ​ട്ടി​ക്ക​ൽ തു​ട​ങ്ങി​യ​വ​രു​ടെ നേ​തൃ​ത്വ​ത്തി​ലാ​ണ് ആ​ഘോ​ഷ പ​രി​പാ​ടി​ക​ൾ.