പൂ​വ​ച്ച​ൽ പ​ഞ്ചാ​യ​ത്ത് പ്ര​സി​ഡ​ന്‍റി​നു നേ​രെ വ​ധ​ശ്രമം
Monday, September 23, 2024 5:31 AM IST
കാ​ട്ടാ​ക്ക​ട : പൂ​വ​ച്ച​ൽ പ​ഞ്ചാ​യ​ത്ത് പ്ര​സി​ഡ​ന്‍റി​നു നേ​രെ വ​ധ​ശ്ര​മ​മെ​ന്ന് പ​രാ​തി. പൂ​വ​ച്ച​ൽ പു​ന്നാം​ക​രി​ക്ക​കം സ്വ​ദേ​ശി പ്ര​സി​ഡ​ന്‍റി​ന്‍റെ കാ​ബി​നി​ൽ ക​യ​റി വ​ധി​ക്കു​മെ​ന്ന് ഭീ​ഷ​ണി​പ്പെ​ടു​ത്തു​ക​യും ആ​ക്ര​മി​ക്കു​ക​യും ചെ​യ്ത​താ​യാ​ണ് പ​രാ​തി.

വ​ഴി​യോ​ര​ത്തെ അ​ന​ധി​കൃ​ത മ​ത്സ്യ​ക്ക​ച്ച​വ​ടം കാ​ട്ടാ​ക്ക​ട മാ​ർ​ക്ക​റ്റി​ലേ​ക്ക് മാ​റ്റ​ണ​മെ​ന്ന് പ​ഞ്ചാ​ത്ത് പ്ര​സി​ഡ​ന്‍റ് ആ​വ​ശ്യ​പ്പെ​ടു​ക​യും നി​യ​മ ന​ട​പ​ടി സ്വീ​ക​രി​ക്കു​ക​യും ചെയ്ത​തി​ലെ വൈ​രാ​ഗ‍്യ​മാ​ണ് ആ​ക്ര​മ​ണ​ത്തി​നു പി​ന്നി​ലെ​ന്ന് ക​രു​തു​ന്ന​താ​യി അ​ദ്ദേ​ഹം പ​റ​ഞ്ഞു. പ​ഞ്ചാ​യ​ത്ത് ഓ​ഫീ​സി​ൽ മാ​ലി​ന്യ​മു​ക്ത ന​വ​കേ​ര​ള​വു​മാ​യി ബ​ന്ധ​പ്പെ​ട്ട യോ​ഗം ന​ട​ന്നു​കൊ​ണ്ടി​രി​ക്കു​ന്ന സ​മ​യ​ത്താ​ണ് ആ​ക്ര​മ​ണം ന​ട​ന്ന​ത്.

കാ​ബി​നി​ൽ ഉ​ണ്ടാ​യി​രു​ന്ന ഉ​ദ്യോ​ഗ​സ്ഥ​ർ പു​റ​ത്തേ​ക്ക് ഓ​ടു​ക​യും, ബ​ഹ​ളം കേ​ട്ട് അ​വി​ടേ​ക്ക് എ​ത്തി​യ പ​ഞ്ചാ​യ​ത്ത് സെ​ക്ര​ട്ട​റി​യും മ​റ്റ് സ്റ്റാ​ഫു​ക​ളും ചേ​ർ​ന്ന് പ്ര​സി​ഡന്‍റിനെ ര​ക്ഷ​പ്പെ​ടു​ത്തു​ക​യും പ്ര​തി​യെ കാ​ബി​നു​ള്ളി​ൽ പൂ​ട്ടി​യി​ടു​ക​യും ചെ​യ്തു.


അ​ക്ര​മാ​സ​ക്ത​മാ​യ പ്ര​തി ഓ​ഫീ​സി​നു​ള്ളി​ലെ പ്ര​ധാ​ന​പ്പെ​ട്ട ഫ​യ​ലു​ക​ളും പ​ഞ്ചാ​യ​ത്ത് രാ​ജ് ആ​ക്ട് രേ​ഖ​ക​ളും ന​ശി​പ്പി​ച്ചു. തു​ട​ർ​ന്ന് മു​ൻ​വ​ശ​ത്തെ വാ​തി​ൽ അ​ടി​ച്ചു​ത​ക​ർ​ക്കു​ക​യും ഉ​ദ്യോ​ഗ​സ്ഥ​രോ​ട് വ​ധ​ഭീ​ഷ​ണി മു​ഴ​ക്കു​ക​യും ചെ​യ്ത​താ​യാ​ണ് പ​രാ​തി. അ​ര​മ​ണി​ക്കൂ​റോ​ളം പ​ഞ്ചാ​യ​ത്ത് ഓ​ഫീ​സി​നു​ള്ളി​ൽ ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യും ചെ​യ്തു. പൊ​തു​മു​ത​ൽ ന​ശി​പ്പി​ക്ക​ൽ ഉ​ൾ​പ്പെ​ടെ​യു​ള്ള വ​കു​പ്പു​ക​ൾ ചു​മ​ത്തി അ​റ​സ്റ്റ് അ​റ​സ്റ്റ് ചെ​യ്തു.