Deepika.com Nri News :എൻഎസ്എസ് ഓഫ് ഹഡ്സൺ വാലി ചട്ടമ്പിസ്വാമി സമാധി ശതാബ്ദിയും ഓണാഘോഷവും ഗംഭീരമായി.......

Americas

എൻഎസ്എസ് ഓഫ് ഹഡ്സൺ വാലി ചട്ടമ്പിസ്വാമി സമാധി ശതാബ്ദിയും ഓണാഘോഷവും ഗംഭീരമായി

Back To NRI Home Forward This News Click here for detailed news of all items

ന്യൂയോർക്ക്: എൻഎസ്എസ് ഓഫ് ഹഡ്സൺവാലി, ഓറഞ്ച്ബർഗിലുള്ള സിതാർ പാലസിൽ വച്ച് സെപ്റ്റംബർ 1 ഞായറാഴ്ച ഓണാഘോഷവും വിദ്യാധിരാജ പരമഭട്ടാരക ചട്ടമ്പിസ്വാമികളുടെ സമാധിശതാബ്ദി അനുസ്മരണവും നടത്തപ്പെട്ടു.

പ്രസിഡന്‍റ് ജി.കെ. നായർ സ്വാഗതം ആശംസിച്ചു. സെക്രട്ടറി പത്മാവതി നായരും ഫസ്റ്റ് ലേഡി ജഗദമ്മ നായരും ചേർന്ന് ഭദ്രദീപം തെളിയിച്ചു. മാസ്റ്റർ ഈശാനും ധീരജും ചേർന്ന് പ്രാർഥനാഗാനം ആലപിച്ചു. ഓണ സന്ദേശം നൽകിയശേഷം എൻബിഎയുടെ സ്ഥാപകരിലൊളായ പി.ജി. നായർ ഓണാഘോഷത്തിൽ പങ്കെടുത്ത ഏവർക്കും ഓണസമ്മാനവും നൽകുകയുണ്ടായി.

വയനാട് ദുരന്തത്തിൽ ജീവൻ നഷ്ടപ്പെട്ടവർക്കുവേണ്ടി പ്രത്യേക പ്രാർഥന നടത്തുകയും കഷ്ടത അനുഭവിക്കുന്നവർക്കുള്ള ഫണ്ട് കളക്റ്റു ചെയ്തത് സേവാഭാരതി ഇന്‍റർനാഷണൽ വഴി അർഹരായവർക്ക് എത്തിച്ചുകൊടുക്കുവാനും തീരുമാനിച്ചു.

തുടർന്ന് ട്രഷറർ കൃഷ്ണകുമാർ ചട്ടമ്പിസ്വാമികളുടെ ശതാബ്ദി അനുസ്മരണ ഗുരുവന്ദനം ആലപിച്ചു. അയ്യപ്പസേവാസംഘം പ്രസിഡന്‍റും കെഎച്ച്എൻഎ ട്രസ്റ്റി ബോർഡ് അംഗവുമായ ഗോപിനാഥ് കുറുപ്പ് പരമ ഭട്ടാരക വിദ്യാധിരാജ ചട്ടമ്പി സ്വാമികളുടെ 1853 ഓഗസ്റ്റ് 25ന് ജനനം മുതൽ 1924 മേയ് 5ന് സമാധിയാകുന്നതുവരെയുള്ള ലഘുവിവരണവും സമാധിശതാബ്ദി അനുസ്മരണവും നടത്തി.
എൻ.എസ്.എസ്. ഹഡ്സൺവാലി പ്രസിഡന്റ് ജി.കെ. നായർ, എൻ.ബിഎ. മുൻ പ്രസിഡന്റ് അപ്പുക്കുട്ടൻ നായർ, എൻ.ബി.എ. ജോയിന്റ് സെക്രട്ടറിയും കേരള ഹിന്ദൂസ് ഓഫ് നോർത്ത് അമേരിക്കയുടെ ഡയറക്ടർ ബോർഡ് മെമ്പറുമായ ജയപ്രകാശ് നായർ, മന്ത്ര നാഷണൽ ഓർഗനൈസേഷൻ പ്രസിഡന്റ് ഇലക്റ്റ് കൃഷ്ണരാജ് മോഹൻ തുടങ്ങിയവർ ചട്ടമ്പിസ്വാമികളുടെ സമാധിശതാബ്ദിയിൽ സ്വാമിജിയുടെ നവോത്ഥാന പ്രവർത്തനങ്ങളെ അനുസ്മരിച്ച് സംസാരിച്ചു.

ജയപ്രകാശ് നായർ ആലപിച്ച ഓണക്കവിതയും സുജിത്തിന്‍റെ ഗാനാലാപനവും സദസ് ആസ്വദിച്ചു. എൻഎസ്എസ് ഓഫ് ഹഡ്സൺ വാലി ന്യൂയോർക്കിന്‍റെ അംഗങ്ങളുടെ മേയ്, ജൂൺ, ജൂലൈ, ഓഗസ്റ്റ് മാസങ്ങളിൽ ജന്മനക്ഷത്രം വരുന്നവരുടെ ബർത്ത് ഡേ കേക്ക് മുറിച്ചുകൊണ്ട് ആഘോഷിച്ചു. സിത്താർ പാലസ് ഒരുക്കിയ വിഭവസമൃദ്ധമായ ഓണസദ്യക്കുശേഷം സെക്രട്ടറി പത്മാവതി നായർ, പങ്കെടുത്ത ഏവർക്കും നന്ദി പ്രകാശിപ്പിച്ചു.

യുഎസ് പൗരത്വമുള്ള മലയാളി കൊച്ചി വിമാനത്താവളത്തിൽ കുഴഞ്ഞുവീണു മരിച്ചു.

നെടുമ്പാശേരി: കൊച്ചി രാജ്യാന്തര വിമാനത്താവളത്തിലെ ഡ്യൂട്ടി ഫ്രീ ഷോപ്പിൽ യുഎസ് പൗരത്വമുള്ള മലയാളി കുഴഞ്ഞുവീണു മരിച്ചു

ഇന്ത്യൻ എംബസി ഉദ്യോഗസ്ഥനായ തൃശൂർ സ്വദേശി അമേരിക്കയിൽ അന്തരിച്ചു.

ന്യൂഡൽഹി: ഇന്ത്യൻ എംബസി ഉദ്യോഗസ്ഥൻ അമേരിക്കയിൽ അന്തരിച്ചു. തൃശൂർ സ്വദേശി തോമസ് കെ. തോമസ് ആണ് മരിച്ചത്.

മാമ്മൻ തോമസ് ഡിട്രോയിറ്റിൽ അന്തരിച്ചു.

മിഷിഗൺ: കല്ലിശേരി നമ്പുമഠത്തിൽ കുടുംബാംഗമായ മാമ്മൻ തോമസ് (ദാസ് 84) ഡിട്രോയിറ്റിൽ അന്തരിച്ചു.

മിസ് ഇന്ത്യ വേൾഡ് വൈഡ് കിരീടം ധ്രുവി പട്ടേലിന്.

വാഷിംഗ്ടണ്‍ ഡിസി: ഈ വർഷത്തെ മിസ് ഇന്ത്യ വേൾഡ് വൈഡ് കിരീടം ധ്രുവി പട്ടേൽ സ്വന്തമാക്കി.

ടോറോണ്ടോ സെന്‍റ് മേരീസ് ക്‌നാനായ കത്തോലിക്കാ ഇടവകയില്‍ പ്രധാന തിരുനാള്‍ നടത്തി.

ടോറോണ്ടോ: കാനഡയിലെ ആദ്യത്തെ ക്‌നാനായ കത്തോലിക്കാ ഇടവകയായ സെന്‍റ് മേരീസ് ക്‌നാനായ കത്തോലിക്കാ ഇടവകയിലെ പ്രധാന തിരു