ശാസ്‌ത്രജ്ഞര്‍ കര്‍ഷകരുമായി അഭിമുഖം നടത്തി
1564497
Tuesday, June 3, 2025 5:56 AM IST
അകലക്കുന്നം: വികസിത കൃഷി സങ്കല്‍പ്പ്‌ അഭിയാന്‍ പദ്ധതിയുടെ ഭാഗമായി കൃഷി വിജ്ഞാന്‍ കേന്ദ്രത്തിലെയും ഇന്ത്യന്‍ കാര്‍ഷിക ഗവേഷണ കേന്ദ്രത്തിലെയും ശാസ്‌ത്രജ്ഞര്‍ കര്‍ഷകരുമായി മുഖാമുഖം പരിപാടി നടത്തി. അകലക്കുന്നം പഞ്ചായത്ത് ഹാളില്‍ നടന്ന പരിപാടിയുടെ ഉദ്ഘാടനം പഞ്ചായത്ത് പ്രസിഡന്‍റ് സിന്ധു അനില്‍കുമാര്‍ നിര്‍വഹിച്ചു.പഞ്ചായത്ത് വൈസ് പ്രസിഡന്‍റ് മാത്തുക്കുട്ടി ഞായര്‍കുളം അധ്യക്ഷനായിരുന്നു.
ഇന്ത്യന്‍ ഇന്സ്റ്റിറ്റ്യൂട്ട് ഓഫ് സ്‌പൈസസ്‌ റിസര്‍ച്ചിലെ സീനിയര്‍ സയന്‍റിസ്റ്റ് ബി. മണിമാരന്‍, കോട്ടയം കൃഷി വിജ്ഞാന്‍ കേന്ദ്രത്തിലെ അസി. പ്രഫസര്‍മാരായ ഡോ. ക്രിസ്‌ ജോസഫ്, മാനുവല്‍ അലക്സ് എന്നിവർ ക്ലാസെടുക്കുകയും കർഷകരുടെ സംശയങ്ങള്‍ക്ക്‌ മറുപടി നല്‌കുകയും ചെയ്തു. മണ്ണ് പരിപോഷണ പദ്ധതിയുടെ ഭാഗമായി ചടങ്ങിൽ കര്‍ഷകര്‍ക്ക്‌ സൂക്ഷ്‌മ മൂലകക്കൂട്ടുകളും വിതരണം ചെയ്തു.