എസി റോഡിന്‍റെ പുനര്‍നിര്‍മാണം അശാസ്ത്രീയം: കത്തോലിക്ക കോണ്‍ഗ്രസ്
1564486
Tuesday, June 3, 2025 5:56 AM IST
ചങ്ങനാശേരി: എസി റോഡില്‍ നിലവില്‍ നടത്തിയിട്ടുള്ള നിര്‍മാണപ്രവര്‍ത്തനങ്ങള്‍ പരിസ്ഥിതിയെ ദോഷകരമായി ബാധിക്കുന്നതാണെന്നും ആ മേഖലയില്‍ ജീവിക്കുന്നവരുടെ ജീവിതത്തെ കൂടുതല്‍ സങ്കീര്‍ണമാക്കുന്ന തരത്തിലുള്ള നിര്‍മാണ പ്രവര്‍ത്തനങ്ങളാണ് നടത്തിയിട്ടുള്ളതെന്നും കത്തോലിക്ക കോണ്‍ഗ്രസ് ചങ്ങനാശേരി അതിരൂപതാ സമിതി.
വലിയതോതില്‍ മുതല്‍മുടക്കി നിര്‍മാണപ്രവര്‍ത്തനങ്ങള്‍ നടത്തിയിട്ടും ഈ കഴിഞ്ഞദിവസങ്ങളിലെ മഴയില്‍ റോഡില്‍ കിലോമീറ്ററുകളോളം വെള്ളക്കെട്ടുകള്‍ രൂപപ്പെട്ടു. വലിയ വാഹനങ്ങള്‍ക്ക് മാത്രമാണ് റോഡിലൂടെ സഞ്ചാരം സാധ്യമാകുന്നത്. അപാകതകള്‍ പരിഹരിക്കാന്‍ സര്‍ക്കാര്‍ ഉടന്‍ മുന്‍കൈയെടുക്കണമെന്നും കത്തോലിക്കാ കോണ്‍ഗ്രസ് ആവശ്യപ്പെട്ടു.
അതിരൂപത പ്രസിഡന്‍റ് ബിജു സെബാസ്റ്റ്യന്‍റെ അധ്യക്ഷതയില്‍ ചേര്‍ന്ന നേതൃസമ്മേളനം അതിരൂപതാ ഡയറക്ടര്‍ ഫാ. സെബാസ്റ്റ്യന്‍ ചാമക്കാല ഉദ്ഘാടനം ചെയ്തു. ജനറല്‍ സെക്രട്ടറി ബിനു ഡൊമിനിക്, ജോസ് വെങ്ങാന്തറ, സി.ടി. തോമസ്, ജോര്‍ജുകുട്ടി മുക്കത്ത്, ഷിജി ജോണ്‍സണ്‍, റോസിലിന്‍ കുരുവിള, ജിനോ ജോസഫ് എന്നിവര്‍ പ്രസംഗിച്ചു.