ആ​ല​പ്പു​ഴ: കെ​എ​സ്ആ​ർ​ടി​സി ബ​സി​നു​ള്ളി​ൽ കു​ഴ​ഞ്ഞു​വീ​ണു ബോ​ധ​ര​ഹി​ത​യാ​യ സ്ത്രീ​ക്ക് ര​ക്ഷ​ക​യാ​യി ന​ഴ്സിം​ഗ് ഓ​ഫീ​സ​ർ. ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ലെ ന​ഴ്സിം​ഗ് ഓ​ഫീ​സ​ർ ബി​ൻ​സി ആ​ന്‍റ​ണി​യാ​ണ് പ​ള്ളി​പ്പു​റം സ്വ​ദേ​ശി​നി​യാ​യ മ​ധ്യ​വ​യ​സ്ക​യ്ക്ക് ബ​സി​നു​ള്ളി​ൽ സി​പി​ആ​ർ ന​ൽ​കി ര​ക്ഷ​പ്പെ​ടു​ത്തി​യ​ത്.

ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ൽ​നി​ന്നു ക​ഴി​ഞ്ഞ​ദി​വ​സം ഡ്യൂ​ട്ടി ക​ഴി​ഞ്ഞ് ചേ​ർ​ത്ത​ല​യി​ലു​ള്ള വീ​ട്ടി​ലേ​ക്കു പോ​കു​ന്ന​തി​നാ​യി ആ​ല​പ്പു​ഴ ബ​സ് സ്റ്റാ​ൻ​ഡി​ൽ​നി​ന്നു ബി​ൻ​സി ക​യ​റി​യ കെ​എ​സ്ആ​ർ​ടി​സി ബ​സി​നു​ള്ളി​ലാ​യി​രു​ന്നു സം​ഭ​വം. കാ​യം​കു​ള​ത്തു​നി​ന്നു വ​ന്ന ബ​സി​നു​ള്ളി​ൽ കു​റ​ച്ചു യാ​ത്ര​ക്കാ​ർ മാ​ത്ര​മാ​ണ് ഉ​ണ്ടാ​യി​രു​ന്ന​ത്.

സ്റ്റാ​ൻ​ഡി​ൽ​നി​ന്നു പു​റ​പ്പെ​ട്ട ബ​സി​നു​ള്ളി​ൽ​നി​ന്നു നി​ല​വി​ളി കേ​ട്ടാ​ണ് മു​ൻ സീ​റ്റി​ൽ ഇ​രു​ന്ന ബി​ൻ​സി പി​ന്നി​ലേ​ക്കു നോ​ക്കി​യ​ത്. അ​പ്പോ​ൾ ഒ​രു സ്ത്രീ​യു​ടെ ദേ​ഹ​ത്തേ​ക്കു മ​റ്റൊ​രു സ്ത്രീ ​വീ​ണു​കി​ട​ക്കു​ന്ന​താ​ണ് ക​ണ്ട​ത്. ബ​സ് നി​ർ​ത്തി​യ​തി​നെ​ത്തു​ട​ർ​ന്ന് ക​ണ്ട​ക്ട​റു​ടെ​യും യാ​ത്ര​ക്കാ​രു​ടെ​യും സ​ഹാ​യ​ത്തോ​ടെ ബോ​ധ​ര​ഹി​ത​യാ​യ സ്ത്രീ​യെ ബ​സി​നു​ള്ളി​ൽ നി​ല​ത്തു​കി​ട​ത്തി ബി​ൻ​സി സി​പി​ആ​ർ ന​ൽ​കി. തു​ട​ർ​ന്ന് ബോ​ധം ല​ഭി​ച്ച സ്ത്രീ​യെ കെ​എ​സ്ആ​ർ​ടി​സി ബ​സി​ൽ​ത്ത​ന്നെ ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ൽ എ​ത്തി​ച്ചു.

അ​ടി​യ​ന്ത​ര ചി​കി​ത്സ ന​ൽ​കി​യ ശേ​ഷം വ​ണ്ടാ​നം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ അ​ഡ്മി​റ്റ് ചെ​യ്തു. ആ​ല​പ്പു​ഴ ജ​ന​റ​ൽ ആ​ശു​പ​ത്രി​യി​ൽ ക​ഴി​ഞ്ഞ ഒ​രു വ​ർ​ഷ​മാ​യി ജോ​ലി ചെ​യ്യു​ന്ന ബി​ൻ​സി ചേ​ർ​ത്ത​ല പ​ള്ളി​പ്പു​റം ചാ​ത്ത​മം​ഗ​ല​ത്ത് നി​ക​ർ​ത്ത് സി​ബി​യു​ടെ ഭാ​ര്യ​യാ​ണ്. മ​ക്ക​ൾ: വി​ദ്യാ​ർ​ഥി​ക​ളാ​യ അ​ല​ക്സ്, ബേ​സി​ൽ. ബി​ൻ​സി​യെ ആ​ശു​പ​ത്രി സൂ​പ്ര​ണ്ട് ഡോ. ​ആ​ർ. സ​ന്ധ്യ​യു​ടെ നേ​തൃ​ത്വ​ത്തി​ൽ ജീ​വ​ന​ക്കാ​ർ അ​ഭി​ന​ന്ദ​ന​ങ്ങ​ൾ അ​റി​യി​ച്ചു.