ചെങ്ങ​ന്നൂ​ര്‍: ആ​ധു​നി​ക സൗ​ക​ര്യ​ങ്ങ​ളോ​ടെ പാ​ണ്ട​നാ​ട് നി​ര്‍​മി​ച്ച പൊ​തു​ശ്മ​ശാ​നം പ്ര​വ​ര്‍​ത്ത​ന​ര​ഹി​ത​മാ​യി​ട്ട് നാ​ളേ​റെ​യാ​യി. ന​ട​ത്തി​പ്പു​മാ​യി ബ​ന്ധ​പ്പെ​ട്ട ത​ര്‍​ക്ക​ങ്ങ​ളെ​ത്തു​ട​ര്‍​ന്നാ​ണ് ശ്മ​ശാ​നം പൂ​ട്ടി​ക്കി​ട​ക്കു​ന്ന​ത്. പാ​ണ്ട​നാ​ട് പ​ഞ്ചാ​യ​ത്തും ചെ​ങ്ങ​ന്നൂ​ര്‍ ബ്ലോ​ക്ക് പ​ഞ്ചാ​യ​ത്തും ന​ട​ത്തി​പ്പുചു​മ​ത​ല ഏ​റ്റെ​ടു​ക്കാ​ന്‍ ത​യാ​റാ​കാ​ത്ത​തോ​ടെ​യാ​ണ് ശ്മ​ശാ​നം അ​നാ​ഥ​മാ​യ​ത്. കോ​ടി​ക​ള്‍ മു​ട​ക്കി നി​ര്‍​മി​ച്ച ശ്മ​ശാ​ന​മാ​ണ് നാ​ശ​ത്തി​ന്‍റെ വ​ക്കി​ലെ​ത്തി​യി​രി​ക്കു​ന്ന​ത്.

നി​ര്‍​മാ​ണം പൂ​ര്‍​ത്തി​യാ​യി ര​ണ്ടു വ​ര്‍​ഷം പി​ന്നി​ട്ടി​ട്ടും വൈ​ദ്യു​തീ​ക​ര​ണം ന​ട​ന്നി​ട്ടി​ല്ല. സം​സ്ഥാ​ന ബ​ജ​റ്റി​ല്‍ ര​ണ്ടു കോ​ടി രൂ​പ വ​ക​യി​രു​ത്തി പാ​ണ്ട​നാ​ട് കീ​ഴ്‌വന്മ​ഴി​യി​ല്‍ പ​ഞ്ചാ​യ​ത്ത് വി​ട്ടു​ന​ല്‍​കി​യ 36 സെ​ന്‍റ് സ്ഥ​ല​ത്താ​ണ് 6000 ച​തു​ര​ശ്ര അ​ടി വി​സ്തീ​ര്‍​ണ​ത്തി​ല്‍ ശ്മ​ശാ​നം നി​ര്‍​മി​ച്ച​ത്. ഗ്യാ​സ് ചേം​ബ​റു​ക​ള്‍ ഉ​ള്‍​പ്പെ​ടെ​യു​ള്ള ആ​ധു​നി​ക സൗ​ക​ര്യ​ങ്ങ​ളെ​ല്ലാം ഇ​വി​ടെ​യു​ണ്ട്. ന​ട​ത്തി​പ്പ് ചു​മ​ത​ല​യെ​ച്ചൊ​ല്ലി​യു​ള്ള ത​ര്‍​ക്ക​മാ​ണ് പ്ര​ധാ​ന പ്ര​തി​സ​ന്ധി. ശ്മ​ശാ​ന​ത്തി​ന്‍റെ ന​ട​ത്തി​പ്പ് ചു​മ​ത​ല പാ​ണ്ട​നാ​ട് പ​ഞ്ചാ​യ​ത്തി​ന് ന​ല്‍​കാ​നാ​യി​രു​ന്നു സ​ര്‍​ക്കാ​ര്‍ ഉ​ത്ത​ര​വ്.

എ​ന്നാ​ല്‍, ന​ട​ത്തി​പ്പ് സാ​മ്പ​ത്തി​ക ബാ​ധ്യ​ത​യാ​കു​മെ​ന്ന കാ​ര​ണ​ത്താ​ല്‍ പ​ഞ്ചാ​യ​ത്ത് ഏ​റ്റെ​ടു​ക്കാ​ന്‍ വി​സ​മ്മ​തി​ച്ചു. തു​ട​ര്‍​ന്ന് ചെ​ങ്ങ​ന്നൂ​ര്‍ ബ്ലോ​ക്ക് പ​ഞ്ചാ​യ​ത്ത് ഏ​റ്റെ​ടു​ക്ക​ണ​മെ​ന്ന ആ​വ​ശ്യം മ​ന്ത്രി സ​ജി ചെ​റി​യാ​ന്‍ മു​ന്നോ​ട്ടു​വ​ച്ചു. അ​വ​രും കൈ​യൊ​ഴി​യു​ക​യാ​യി​രു​ന്നു. വൈ​ദ്യു​തീ​ക​ര​ണ​ത്തി​നു​ള്ള തു​ക പാ​ണ്ട​നാ​ട് പ​ഞ്ചാ​യ​ത്തി​ന് കൈ​മാ​റാ​മെ​ന്ന നി​ല​പാ​ട്് ബ്ലോ​ക്ക് പ​ഞ്ചാ​യ​ത്ത് മു​ന്നോ​ട്ടു​വ​ച്ചു. പാ​ണ്ട​നാ​ട് പ​ഞ്ചാ​യ​ത്ത് ഈ ​നി​ല​പാ​ട് അം​ഗീ​ക​രി​ക്കാ​ന്‍ ത​യാ​റാ​യി​ല്ല. അ​തോ​ടെ പൊ​തു​ശ്മ​ശാ​നം നോ​ക്കു​കു​ത്തി​യാ​യി.

പാ​ട​ശേ​ഖ​രം മ​ണ്ണി​ട്ട് നി​ക​ത്തി​യാ​ണ് ശ്മ​ശാ​നം നി​ര്‍​മി​ച്ചി​രി​ക്കു​ന്ന​ത്. ഇ​വി​ടേ​ക്ക് പ്ര​ത്യേ​ക വ​ഴി​യും നി​ര്‍​മി​ച്ചി​ട്ടു​ണ്ട്. ഏ​ക​ദേ​ശം അ​ര​ക്കി​ലോ​മീ​റ്റ​റി​ല​ധി​കം ദൂ​രം വൈ​ദ്യു​തി ലൈ​ന്‍ വ​ലി​ക്കേ​ണ്ടി​വ​രും. ഇ​തി​ന് കെ​എ​സ്ഇ​ബി​ക്ക് ന​ല്ലൊ​രു തു​ക കെ​ട്ടി​വ​യ്‌​ക്കേ​ണ്ടി​വ​രും. ഈ ​തു​ക മു​ഴു​വ​ന്‍ ബ്ലോ​ക്ക് പ​ഞ്ചാ​യ​ത്ത് വ​ഹി​ക്കു​മോ എ​ന്ന​തി​ലും വ്യ​ക്ത​ത വ​ന്നി​ട്ടി​ല്ല.

നാ​ട്ടു​കാ​രു​ടെ പ്ര​തീ​ക്ഷ​ക​ള്‍ അ​സ്ത​മി​ക്കു​ന്നു

പൊ​തു​ശ്മ​ശാ​നം യാ​ഥാ​ര്‍​ഥ്യ​മാ​കു​ന്ന​തോ​ടെ മൃ​ത​ദേ​ഹം സം​സ്‌​ക​രി​ക്കാ​ന്‍ ഇ​ട​മി​ല്ലാ​തെ വ​ല​യു​ന്ന​വ​രു​ടെ ദു​രി​ത​ത്തി​നു പ​രി​ഹാ​ര​മാ​കു​മെ​ന്ന പ്ര​തീ​ക്ഷ ഉ​യ​ര്‍​ന്നി​രു​ന്നു. സം​സ്‌​ക​രി​ക്കാ​ന്‍ സ്ഥ​ല​മി​ല്ലാ​ത്ത​തി​നാ​ല്‍ വീ​ടി​ന്‍റെ ഒ​രു ഭാ​ഗം പൊ​ളി​ച്ചതും മൃ​ത​ദേ​ഹം മെ​ഡി​ക്ക​ല്‍ വി​ദ്യാ​ര്‍​ഥിക​ള്‍​ക്ക് പ​ഠ​ന​ത്തി​ന് ന​ല്‍​കിയതുമായ സം​ഭ​വ​ങ്ങ​ളു​ണ്ടാ​യി​ട്ടു​ണ്ട്.

ഇ​തോ​ടൊ​പ്പം അ​നാ​ഥ മൃ​ത​ദേ​ഹ​ങ്ങ​ള്‍ സം​സ്‌​കരി​ക്കു​ന്ന​ത് ന​ഗ​ര​സ​ഭ ഉ​ള്‍​പ്പെ​ടെ​യു​ള്ള ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍​ക്ക് വ​ലി​യ ബാ​ധ്യ​ത​യാ​യി​രു​ന്നു. ഇ​തി​നെ​ല്ലാം പ​രി​ഹാ​ര​മാ​യി​ട്ടാ​ണ് പൊ​തു​ശ്മ​ശാ​നം പ്ര​തീ​ക്ഷ ന​ല്‍​കി​യി​രു​ന്ന​ത്. എ​ന്നാ​ല്‍, നി​ല​വി​ലെ ത​ര്‍​ക്ക​ങ്ങ​ള്‍ ആ ​പ്ര​തീ​ക്ഷ​ക​ളെ ഇ​ല്ലാ​താ​ക്കു​ക​യാ​ണ്.