നി​ർ​മാ​ണ​ത്തി​ലു​ള്ള മി​ൽ​ക്ക് പ്ലാ​ന്‍റി​ന്‍റെ സം​ര​ക്ഷ​ണ ഭി​ത്തി​യും മ​തി​ലും ഇ​ടി​ഞ്ഞു
Sunday, May 26, 2024 4:51 AM IST
പു​ൽ​പ്പ​ള്ളി: മു​ള്ള​ൻ​കൊ​ല്ലി പ​ഞ്ചാ​യ​ത്തി​ലെ കൊ​ള​വ​ള്ളി​യി​ൽ സ്വ​കാ​ര്യ ക​ന്പ​നി നി​ർ​മി​ക്കു​ന്ന മി​ൽ​ക്ക് പ്ലാ​ന്‍റി​ന്‍റെ സം​ര​ക്ഷ​ണ ഭി​ത്തി​യും മ​തി​ലും ഇ​ടി​ഞ്ഞു. വ​ലി​യ ഉ​യ​ര​ത്തി​ൽ ക​രി​ങ്ക​ല്ലും സി​മ​ന്‍റു​ക​ട്ട​ക​ളും ഇ​രു​ന്പു​പൈ​പ്പും മ​റ്റും ഉ​പ​യോ​ഗി​ച്ച് നി​ർ​മി​ച്ച സം​ര​ക്ഷ​ണ ഭി​ത്തി​യും വീ​ടി​നു സ​മീ​പ​ത്തേ​ക്കും മാ​ന്പ​ള്ളി പൈ​ലി​യു​ടെ കൃ​ഷി​യി​ട​ത്തി​ലേ​ക്കു​മാ​ണ് ഇ​ടി​ഞ്ഞ​ത്.

കൃ​ഷി​യി​ട​ത്തി​ലെ റ​ബ​ർ, ക​മു​ക്, കാ​പ്പി കൃ​ഷി​ക​ൾ ന​ശി​ച്ചു. ക​ഴി​ഞ്ഞ ദി​വ​സം വൈ​കു​ന്നേ​രം അ​ഞ്ചോ​ടെ​യാ​ണ് സം​ഭ​വം. ത​റ​നി​ര​പ്പി​ൽ​നി​ന്നു 30 അ​ടി​യോ​ളം മ​ണ്ണി​ട്ടു​യ​ർ​ത്തി​യാ​ണ് സം​ര​ക്ഷ​ണ ഭി​ത്തി​യും മ​തി​ലും നി​ർ​മി​ച്ച​ത്.

നൂ​റ് മീ​റ്റ​റോ​ളം നീ​ള​ത്തി​ലാ​ണ് ഭി​ത്തി ത​ക​ർ​ന്ന​ത്. സം​ര​ക്ഷ​ണ ഭി​ത്തി​ക്ക് താ​ഴെ​യു​ള്ള നാ​ല് വീ​ടു​ക​ൾ അ​പ​ക​ട ഭീ​ഷ​ണി​യി​ലാ​ണ്. സം​ര​ക്ഷ​ണ ഭി​ത്തി​യു​ടെ ശേ​ഷി​ക്കു​ന്ന ഭാ​ഗ​വും ഏ​ത് നി​മി​ഷ​വും ത​ക​രു​ന്ന സ്ഥി​തി​യി​ലാ​ണ്. അ​ശാ​സ്ത്രീ​യ നി​ർ​മാ​ണ​മാ​ണ് സം​ര​ക്ഷ​ണ ഭി​ത്തി ത​ക​രാ​ൻ കാ​ര​ണ​മെ​ന്ന് നാ​ട്ടു​കാ​ർ ആ​രോ​പി​ച്ചു.

ജി​ല്ലാ ക​ള​ക്ട​ർ​ക്കും പോ​ലീ​സ് മേ​ധാ​വി​ക്കും പ​രാ​തി ന​ൽ​കാ​നു​ള്ള ഒ​രു​ക്ക​ത്തി​ലാ​ണ് പ്ര​ദേ​ശ​വാ​സി​ക​ൾ. എ​ൽ​ഡി​എ​ഫ് നേ​താ​ക്ക​ളാ​യ എം.​എ​സ്. സു​രേ​ഷ് ബാ​ബു, എ.​വി. ജ​യ​ൻ, സി.​പി. വി​ൻ​സ​ന്‍റ്, ജോ​ബി ക​രോ​ട്ടു​കു​ന്നേ​ൽ, കെ.​എ​സ്. സ്ക​റി​യ,

റെ​ജി ഓ​ലി​ക്ക​രോ​ട്ട്, പി.​എ. മു​ഹ​മ്മ​ദ്, പി.​എ​സ്. ക​ലേ​ഷ്, പി.​ജെ. പൗ​ലോ​സ് തു​ട​ങ്ങി​യ​വ​ർ സ്ഥ​ലം സ​ന്ദ​ർ​ശി​ച്ചു. പ്ര​വൃ​ത്തി താ​ത്കാ​ലി​ക​മാ​യി നി​ർ​ത്തി​വ​യ്ക്ക​ണ​മെ​ന്നും മ​തി​യാ​യ സു​ര​ക്ഷ ഒ​രു​ക്കി​യ​ശേ​ഷം പു​ന​രാ​രം​ഭി​ച്ചാ​ൽ മ​തി​യെ​ന്നും നി​ർ​ദേ​ശി​ച്ചു.