കൂ​രാ​ച്ചു​ണ്ട്: പു​ളി​വ​യ​ൽ പു​ഴ​യു​ടെ ഓ​ര​ങ്ങ​ൾ ഇ​ടി​ഞ്ഞു ത​ക​ർ​ന്ന് ഒ​ട്ടേ​റെ ക​ർ​ഷ​ക​രു​ടെ ഭൂ​മി ന​ശി​ക്കു​ന്നു. കൂ​രാ​ച്ചു​ണ്ട് പ​ഞ്ചാ​യ​ത്തി​ലെ ഒ​ന്നാം വാ​ർ​ഡി​ലു​ൾ​പ്പെ​ടു​ന്ന നി​ര​വ​ധി ക​ർ​ഷ​ക​രാ​ണ് ഇ​തു​മൂ​ലം ആ​ശ​ങ്ക​യി​ലു​ള്ള​ത്. തെ​ങ്ങ്, ക​മു​ക്, കൊ​ക്കൊ തു​ട​ങ്ങി​യ വി​ള​ക​ളു​ള്ള ഭൂ​മി​യാ​ണ് പു​ഴ​യോ​രം ഇ​ടി​ഞ്ഞു ന​ശി​ക്കു​ന്ന​ത്.

കൂ​രാ​ച്ചു​ണ്ട് മൂ​ന്നാം​മു​ക്ക്, പു​ളി​വ​യ​ൽ, ഓ​ഞ്ഞി​ൽ, മു​ള​വ​ട്ടം​ക​ട​വ് തു​ട​ങ്ങി​യ മേ​ഖ​ല​ക​ളി​ലു​ള്ള ക​ർ​ഷ​ക​രു​ടെ ഭൂ​മി​യാ​ണ് ന​ശി​ക്കു​ന്ന​ത്. ക​ർ​ഷ​ക​രാ​യ പൂ​വ്വ​ത്തി​ങ്ക​ൽ സ​ണ്ണി, ഷാ​ജു , ജോ​ണ്‍ താ​രാ​ഭ​വ​ൻ, ഒ​റ്റ​പ്ലാ​ക്ക​ൽ മൈ​ക്കി​ൾ, പോ​ണ്ടാ​ന​ത്ത് ജോ​സ​ഫ്, പാം​പ്ലാ​നി​യി​ൽ തോ​മ​സ്, ഡോ​ളി കു​ഴി​വേ​ലി​ൽ, സ​തീ​ഷ് വ​ള്ളി​ക്കെ​ട്ടി​ൽ, തേ​നം​മാ​ക്ക​ൽ റോ​ബി​ൻ, ബോ​ബി പാം​പ്ലാ​നി​യി​ൽ തു​ട​ങ്ങി​യ ക​ർ​ഷ​ക​രാ​ണ് തീ​രം ഇ​ടി​യു​ന്ന​തു മൂ​ലം ആ​ശ​ങ്ക​യി​ലു​ള്ള​ത്.

ഈ ​മേ​ഖ​ല​ക​ളി​ൽ പു​ഴ​യ്ക്ക് സം​ര​ക്ഷ​ണ ഭി​ത്തി​ക​ളി​ല്ലാ​ത്ത​താ​ണ് തീ​രം ഇ​ടി​യാ​ൻ കാ​ര​ണം. വ​ർ​ഷ​ങ്ങ​ൾ​ക്ക് മു​ന്പ് ജ​ല​സേ​ച​ന വ​കു​പ്പ് പു​ഴ​യി​ൽ നി​ർ​മി​ച്ച ചെ​ക്കു​ഡാ​മു​ക​ൾ​ക്ക് അ​നു​ബ​ന്ധ​മാ​യ​ല്ലാ​തെ മ​റ്റൊ​രു ഭാ​ഗ​ങ്ങ​ളി​ലും സം​ര​ക്ഷ​ണ ഭി​ത്തി​ക​ൾ നി​ർ​മി​ച്ചി​ട്ടി​ല്ല. കൃ​ഷി​ഭൂ​മി​യു​ടെ നാ​ശം സം​ബ​ന്ധി​ച്ച് ക​ർ​ഷ​ക​ർ ജ​ല​സേ​ച​ന വ​കു​പ്പി​ന് പ​രാ​തി ന​ൽ​കി​യെ​ങ്കി​ലും ന​ട​പ​ടി​യാ​യി​ട്ടി​ല്ല.

ര​ണ്ടു വ​ർ​ഷം മു​ന്പ് ചെ​റു​കി​ട ജ​ല​സേ​ച​ന വ​കു​പ്പ് ഉ​ദ്യോ​ഗ​സ്ഥ​ർ മൂ​ന്നാം​മു​ക്ക് മു​ത​ൽ ഒ​രു കി​ലോ​മീ​റ്റ​ർ ദൂ​ര​ത്തി​ൽ പു​ഴ​യ​രു​കി​ൽ സം​ര​ക്ഷ​ണ ഭി​ത്തി നി​ർ​മി​ക്കു​ന്ന​തി​നാ​യി എ​സ്റ്റി​മേ​റ്റ് ത​യ്യാ​റാ​ക്കി ന​ൽ​കി​യി​രു​ന്നു​വെ​ങ്കി​ലും തു​ട​ർ ന​ട​പ​ടി​യു​ണ്ടാ​യി​ല്ല.